Popular Bible Verses from Isaya 1

Share

Amuboole, tubuzyanye makani, mbwaamba Jehova, Nekuba kuti zibi zyanu zyasalala pyu, ziyootuba buu mbuli lukobo. Nekuba kuti zili mbuli zisani zisalalisya ziyooba mbuli boya bwambelele.

Na mwazumina kuswiilila, muyoolya bubotu bwanyika

amwiiye kucita kabotu. Amuyandaule imbeta ziluleme, amugwasye bapengede, amubeteke makani aabamusyaala, amukazizyanye bamukabafu.

pele na mwakaka akupapila, muyooligwa ipanga, nkaambo mbuboobo mbwiiamba milomo ya-Jehova.

Amusambe, mulisalazye. Amugwisye bubi bwamilimo yanu kumeso aangu. Amuleke kucita bubi

Na mwatandabika maanza aanu, njoofwinya meso aangu cakutamubona. Nekuba kuti mwakomba zikombyo zinji, nsikooyooswiilila. Maanza aanu alizwide bulowa.

Mutaleti limbi zipaizyo zyabuyo. Tununkilizyo tulandisesemya. Mapobwe aamwezi mupya amasabata ambungano nzimubunganya! We! Nsikonzyi kubotelwa bubi ambungano zisalala-salala.

Musune ulizi simalelo wakwe, ayalo imbongolo ilizi cilido nciipegwa kumwami wayo, Pele ba-Israyeli tabezi, bantu bangu tabayeeyi.

Mapobwe aanu aamwezi mupya amapobwe amwi aabikidwe, moyo wangu ulaasula. Alandikataazya, ndacimwa kulemenwa ngao.