Hebrayo 5
5
1Nkaambo woonse mupaizi mupati uusalwa kubantu, usalilwa kubelekela bantu mumakani aayeeme kuli-Leza, kuti ape zituuzyo azipaizyo nkaambo kazibi. 2#Heb 4:15Alimwi kakonzya kweetelela bantu abaleede nkaambo kakutaziba kwabo, nkaambo awalo mwini ulizwide kulengauka, 3#Lev 9:7; 16:6aboobo nceelede kuti apaile cipaizyo cabantu ukuvwela acakwe mwini. 4#Kul 28:1Alimwi, takukwe muntu uulipa mwini mulimo oyu mulemu, pele oyo uwaitwa Leza kulinguwo mbubonya mbwaakaitwa Arone, 5#Int 2:7; Inc 13:33Mbubonya obo, awalo Kristo takalipede bulemu ubwakuba Mupaizi Mupati pe, pele wakasalwa kulinguwo ayooyo uwakamwaambila kuti,
Nduwe Mwanaangu,
Sunu ndakuzyala,
6 #
Int 110:4; Heb 7:1 mbubonya mbwaamba alimwi kuti,
Nduwe mupaizi walyoonse,
Mbubonya mbuli Melkisideke.
7 #
Mt 26:36-46; Mk 14:32-42; Lk 22:39-46 Walo Jesu kuciindi cabuumi bwakwe ansi ano, mukulila kupati akubiiza, wakaalaala akukumbila kulooyo uukonzya kumufutula kulufu, nkabela wakamvwigwa nkaambo wakali kuyoowa Leza. 8#Flp 2:8Walo nekuba kuti wali Mwana a-Leza, pele wakaiya kumvwa mumapenzi aakwe. 9#Is 45:17; Joh 17:1,5Eno mbwaakalondoka obo, wakaba sikubacitila lufutuko lutamani boonse abo abamumvwa, 10Leza wakamwaamba kuti Mupaizi Mupati mbubonya mbuli Melkisideke.
11Eno tulijisi makani manjimanji aakwaamba aanguwe, alimwi nciyumu kwaapandulula mbomuli akazilukwa, 12#1 Kor 3:2; 1 Pet 2:2Kwalo kukuyeeya ciindi mpomwakabeda bazumini, sunu mwali kweelede kuba baiyi, nekubaboobo anywebo muceelede kuba amuntu kuti kacimwiisya majwi aamilao mitete yakusaanguna njakatwaambila Leza, mwaba anga mbavwanda abayanda mukupa, izitali zilyo ziyumu. 13#Ef 4:14Nkaambo woonse oyo uucinywa mukupa tana kusongwaala kujwi lyabululami pe, nkaambo ucili mwana muvwanda. 14#Flp 1:10; Rom 16:19; Matl 2:17Anu zilyo ziyumu nzyabantu bakakomena, nkokuti nzyabaabo abali amiyeeyo iyakaiisigwa kusala cibotu ecibi.
Currently Selected:
Hebrayo 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
