Hebrayo 6
6
1 #
Heb 9:14
Aboobo atuleke kwaamba makani aakusaanguna aa-Kristo, atuye kumbele kumakani aabupati, tutabiki limbi antalisyo, nkokuti makani aakweempa kumilimo iyakafwa kale, amakani aakusyoma Leza, 2naaba aakwiisya aakubapatizigwa aakubikwa maanza, naaba aakubuka kubafu, na aakubetekwa kutamani, 3Inga tulacicita eci, na Leza wazumina. 4#Heb 10:26,27; Mt 12:31; 1 Joh 5:16Pele nkuyumu kulibaabo abakamunikilwa kale, abakalabila cipego cakujulu, abakali kusanganyizidwe kale ku-Muuya Uusalala, 5#1 Pet 2:3abakalabila kale kubota kwejwi lya-Leza, enguzu zyaciindi ciciza, 6elyo kuti baleya, nkuyumu kubajokolweda kukweempa, nkaambo alimwi bacibambula Mwana a-Leza aciingano, akumuubaula, 7#Matl 1:11,12Nkaambo insi eyo iinywa maanzi aawida mpawo, yazyala micelo kuti bakondwe abo abaliminwa, insi eyo yajana coolwe kuli-Leza. 8#Matl 3:17-18Pele kuti insi eyo kiizyala maamvwa aciyasabavwimi, ilatakatwa, ili kufwaafwi kusinganizigwa, elyo kukumana ilatentwa buyo mulilo.
9Kwalo notwaamba bobuya, nomuyandwa, myoyo yesu ilasinizya aandinywe kuti mulatola nzila ini ini, njenzila yalufutuko. 10#Heb 10:32-34Nkaambo Leza tali sikampenda, takonzya kuluba milimo yanu akuyanda nkomwatondezya nkaambo kezina lyakwe, mbomwakabelekela basalala, asunu mucibabelekela. 11#Heb 3:14; Flp 1:6Swebo tuyandisya kuti umwi aumwi wanu ajatisye kusungwaala nkukonya, kukulindila kumaninide mane do kumamanino, 12kuti mutabi baziluki, pele kamutobela baabo abayoojana ceeco icakasyomezegwa nkaambo kakusyoma akubosya moyo.
13 #
Matl 22:16,17 Nkaambo Leza naakasyomezya Abrahamu, mbokwatakali umbi mupati uuinda ngwaakakonzya kukonka, wakalikonka mwini, 14#Matl 22:16-17wakuti, Ncobeni kulongezya ndilakulongezya, akuvuzya ndilakuvuzya. 15Eno Abrahamu wakaciiana ncaakasyomezegwa nkaambo kakubosya moyo mukulindila kwakwe, 16#Kul 22:10Nkaambo bantu balakonka mupati wabo uubainda, nkabela lyoonse nobazumanikana makani ukukonka oko nkokukosola makani. 17Nkaambo kaako, Leza mbwaakakanza kutondezya cakusinizya kulibaabo basikujana cisyomezyo, kuti ncaakasyomezya kale tacisanduki, wakali kusinizizye kukukonka, 18#My 23:19; 1 Sam 15:29kuti kumakani aya obile aatasanduki ngatakonzya kubeja Leza, tukabe aluumbulizyo luyumu, swebo notutijila kuti tujatisye bulangizi bubikidwe kumeso esu, 19#Lev 16:2,12Obu bulangizi tulibujisi ukubaanga musemu wamuuya, umuyumu ma, uutazungaani, uuinda mukati kacisitilizyo. 20#Int 110:4; Heb 5:6Momumo omo mwaakatunjililila Jesu kubaanga musolozi naakaba Mupaizi Mupati walyoonse kuciyanza cili mbuli ca-Melkisideke.
Currently Selected:
Hebrayo 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
