Hagai 1
1
Hagai mbwaakabukulusya bantu kumilimo yakuyakulula intempele
1 #
Ezr 4:24–5:2; 6:14; 1 Mak 3:17; 6:15 Mumwaka wabili wamwami Dariyo, mumwezi wamusanu aumwi, mubuzuba butaanzi bwamwezi, ijwi lya-Jehova lyakasika ktunulomo wa Hagai musinsimi kuli-Zerubabeli mwana wa-Sealitiyeli mweendelezi wa-Juda, akuli-Joshua mwana wa-Jehozadaki mupaizi mupati. 2Wakati, Mbuboobu mbwaamba Jehova wamakamu. Aba bantu balaamba kuti ciindi cakuyakulula iŋanda ya-Jehova tacina kusika.
3 #
Ezr 5:1
Mpawo ijwi lya-Jehova lyakasika kumulomo wa-Hagai musinsimi, lyakati, 4Sa casika ciindi canu cakukala mumaanda aavumbidwe kabotu, nekuba kuti iŋanda eyi icimwaikide? 5Lino mbuboobu mbwaamba Jehova wamakamu, Amuyeeye makani aamusikila. 6Mwabyala cakuvuzya, pele mwatebula zice buyo. Kulya mwalya pele tamukuti pe. Kunywa mwanywa pele tamuzulili. Kusama mulasama pele taakwe uukasaalilwa, ayooyo uuvola mali ulaabika munkomo iili azimanga.
7Mbuboobu mbwaamba Jehova wamakamu. Amuyeeye makani ngemwasikilwa. 8Amunyamuke muye mumalundu, mukalete ziyako zyakuyasya iŋanda, kuti njane lukondo mulinjiyo akulibonya mumonya mubulemu bwangu, mbwaamba Jehova. 9Mwakali kulangila zinji, pele mwajana tuniini buyo, alimwi nimwakatuleta kumaanda ndakatufula amoya, Nkaambonzi? mbwaabuzya Jehova wamakamu. Nkaambo kaŋanda yangu iicimwaikide nomubeleka milimo yamaanda aanu nubeni. 10#Dt 28:23; 2 Mak 6:26; Jer 3:3; Joel 1:18,19Nciceeco makumbi aakujulu ncaamukasizya mume, ayalo nyika yakaka kweezya micelo. 11#1 Bam 17:1; Hag 2:17Alimwi ndaleta cilanga munyika amuzilundu zyoonse, ndabuzya maila awaini amafuta amicelo yoonse iizwa muvu, ndakataazya bantu aŋombe zyoonse amilimo yabo yoonse.
12 #
Ezr 5:2; Is 55:11; Int 111:10; Tus 1:7; Muk 12:13 Mpawo Zerubabeli mwana wa-Sealitiyeli, a-Joshua mwana wa-Jehozadaki mupaizi mupati, abantu basyeede boonse, bakazuminina ijwi lyaJehova Leza wabo amajwi aa-Hagai musinsimi, mbubonya mbuli Jehova Leza wabo mbwaakamutuma. Bantu bakayoowa kubusyu bwa-Jehova. 13#2 Mak 15:2; Is 41:10; Mt 28:20; Rom 8:31Elyo Hagai mutumwa wa-Jehova wakaambila bantu majwi aa-Jehova. Wakati, Ndi anywebo, mbwaamba Jehova. 14#2 Mak 36:22; Int 110:3; Hag 2:21; 1 Kor 15:58Nkabela Jehova wakabusya moyo wa-Zerubabeli mwana wa-Sealitiyeli mweendelezi wa-Juda, amoyo wa-Joshua mwana wa-Jehozadaki mupaizi mupati, amyoyo yabantu boonse basyeede, aboobo bakeza kuzoobeleka milimo yaŋanda ya-Jehova wamakamu Leza wabo, 15mubuzuba bwamakumi obile aane bwamwezi mumwezi wamusanu aumwi.
Currently Selected:
Hagai 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
