Hagai 2

Bulemu bwantempele yabili bulainda bulemu bwantaanzi

1Mumwaka wabili wamwami Dariyo, mumwezi wamusanu aibili, mubuzuba bwamakumi obile abumwi bwamwezi, ijwi lya-Jehova lyakasika kumulomo wa-Hagai musinsimi. 2Wakaambilwa kuti, Ambila Zerubabeli mwana wa-Sealitiyeli mweendelezi wa-Juda, a-Joshua mwana wa-Jehozadaki mupaizi mupati, abantu boonse basyeede, kuti, 3#Ezr 3:12; Zek 4:10Nguni uusyeede akati kanu iwakabona iŋanda eyi mubulemu bwayo bwakutaanguna? Lino sunu ilaboneka buti? Sa taiboneki mumeso aanu mbuli cintu buyo na? 4#Zek 8:9; Kul 3:12; 1 Sam 16:18; Hag 1:13; Mk 16:20; Rom 8:31Nekubaboobo koyumya moyo wako, O Zerubabeli, mbwaamba Jehova. Koyumya moyo wako, O Joshua mwana wa-Jehozadaki mupaizi mupati. Anywebo amuyumye myoyo yanu, nubantu boonse bacisi, mbwaamba Jehova, Amubeleke, nkaambo ndi anywebo, mbwaamba Jehova wamakamu, 5#Kul 29:45-46; Neh 9:20; Is 63:11; Zek 4:6mbubonya mbuli zisyomezyo zyangu nzindakamusyomezya kuciindi eco ncimwakazwa mu-Egepita, Muuya wangu ulikede akati kanu. Mutayoowi pe, 6#Heb 12:26; Is 34:4; Jer 4:26Nkaambo mbuboobu mbwaamba Jehova wamakamu. Kusyeede kaindi kaniini buyo, elyo njoozungaanya ijulu anyika alwizi ansi injumu. 7#Matl 3:15; Dt 18:15; Mal 3:1; Int 24:7Njoozungaanya zisi zyoonse, kuti zintu ziyandisi zyazisi zyoonse ziboole, elyo njoozuzya hjanda eyi bulemu, mbwaamba Jehova wamakamu. 8Insiliva njiyangu, ayalo ingolida njiyangu, mbwaamba Jehova wamakamu. 9#Joh 1:14; Lk 11:31; 2:14; Int 85:8,9; Is 9:6Bulemu busyaalizi bwaŋanda eyi buyooba bupati kwiinda bwakutaanguna, mbwaamba Jehova wamakamu, alimwi kubusena obuno njoopa luumuno, mbwaamba Jehova wamakamu.

Mapenzi amana. Kuzwa sunu Leza ulapa coolwe

10Mubuzuba bwamakumi obile aane mumwezi wamusanu aine mumwaka wabili wamwami Dariyo ijwi lya-Jehova lyakaboola kumulomo wa-Hagai musinsimi, lyakati, 11#Lev 10:10; Dt 33:10Mbuboobu mbwaamba Jehova wamakamu. Buzya bapaizi mubuzyo oyu wamulao. 12Na muntu ulabweza nyama iisalala munkomo yacikobela cakwe, alimwi ulagumya inkomo yakwe cinkwa na musinza na waini na mafuta niciba cilyo cimwi, sa cilasalala? Bapaizi bakavuwa kuti, Tacisalali pe, 13#My 19:11-22Elyo Hagai wakabuzya kuti, Pele na muntu ulisofweede nkaambo kakuguma mutunta, alimwi ulagumya cintu cili boobo, sa cilasofwaala? Bapaizi bakavuwa kuti, Ncobeni cilasofwaala, 14#Tit 1:15Mpawo Hagai wakati, Mbubonya obo mbucibede akubantu aba akucisi eci cili kubusyu bwangu, mbwaamba Jehova. Mbwiibede amilimo yoonse yamaanza aabo, acoonse ncibatuula cilisofweede. 15#Hag 1:5Lino amuyeeye citi kabe kuzwa kubuzuba obuno akuya kunembo. Kuciindi eco nikwakatalina kubikwa ibbwe niliba limwi alyeenzinyina muntempele ya-Jehova, mwakasikilwa nzi? 16Muntu naalangila insuwo zyamaila zili makumi obile, kwakajanwa insuwo zili ikumi buyo. Muntu naakasika kudindi lyawaini kuti ateke nongo zili makumi osanwe, kwakajanwa makumi obile luzutu. 17#Dt 28:22; 1 Bam 8:37; Jer 5:3; Am 4:6-11Ndakamuumya, amicelo yoonse yamilimo yanu ndakaiumya, kwiibuka andyomba acivulamabwe. Nekubaboobo teemwakaboola kulindime, mbwaamba Jehova. 18#Zek 8:9Lino amuyeeye makani kuzwa kubuzuba obuno akumazuba aaciza, nkukuti kuzwa kubuzuba bwamakumi obile aane bwamwezi wamusanu aine. Amuyeeye makani mbwaakaba kuzwa kubuzuba obo intalisyo yantempele ya-Jehova niyakabikwa. 19Sa imbuto muzicili mubutala P Sa musaansa amukuyu apomegranite aolifa icibula kweezya? Pele kuzwa kubuzuba obuno njoomupa coolwe,

Jehova mbwaati nyonyoone bamasi

20Nkabela ijwi lya-Jehova lyakasika kuli-Hagai alwabili mubuzuba obo bwamakumi obile aane bwamwezi. 21#Ezk 21:27; Heb 12:26Lyakati, Ambila Zerubabeli mweendelezi wa-Juda kuti, Ndaamba kuzungaanya ijulu anyika, 22#Dan 2:44; Mt 24:7; Mik 5:10akulobya bwami bwazisi. Njoonyonyoona inguzu zyamami aamisyobo yabantu, njoolobya inkalaki abasikutanta nzizyo, azyalo imbizi abasikuzitanta bayoojayigwa umwi aumwi apanga lyamweenzinyina. 23#Lwi 8:6; Jer 22:24; Is 42:1Pele mubuzuba obo, mbwaamba Jehova wamakamu, njookubweza O Zerubabeli mwana waSealitiyeli mulanda wangu, mbwaamba Jehova, kuti ube mbubonya mbuli inweenwe yangu, nkaambo ndikusalide, mbwaamba Jehova wamakamu.

Currently Selected:

Hagai 2: Ibbaib63

Highlight

Copy