Ba-Galatiya 6
6
Basikubisya baleelede kuboozegwa caluzyalo
1 #
Mt 18:15; Jak 5:19 Bakwesu, kuti muntu wajanwa uli mukubisya, nywebo nomuli basimuuya muleelede kumuboozya, nkabela nimucita obo muleelede kuba amyoyo iibombede, ikuti umwi aumwi akati kanu uleelede kulilanga mwini, nkaambo inga ulatepaulwa alakwe. 2Amunyampuzyanye mikuli, aboobo mulalondola mulao wa-Kristo, 3Na muntu ulayeeya kuti, Ndi mulemu, anukuti tajisi bulemu abuniini, oyo muntu ulalyeena, 4#2 Kor 13:5Pele muntu umwi aumwi alingule milimo yakwe mwini, aboobo ulajana cintu cakulikankaizizya mwini, citali camweenzinyina. 5#Rom 14:12Nkaambo umwi aumwi uleelede kunyampula mukuli wakwe mwini. 6#1 Kor 9:14Oyo uuiya uleelede kwaabilana zintu zibotu zyoonse ayooyo uumwiisya,
Tulatebula mbubonya mbutubyala
7Mutalubi, Leza tacapwi. Kufumbwa ncabyala muntu, ulatebula eco nciconya. 8#Rom 8:13; Joh 6:63; 3:6Oyo uubyala zintu zyanyama ulatebula bubozi buzwa kunyama, pele oyo uubyala zintu zyamuuya ulatebula buumi butamani buzwa kuMuuya. 9#2 Tes 3:13Lino tutalengaani mukucita kabotu, nkaambo kuciindi ceelede tulatebula, twatafunuka. 10#2 Pet 1:7Nkaambo kaako, nitujisi ciindi cibotu, atucitile bantu boonse milimo mibotu, pele kwaambisya kulibaabo baciinga calusyomo.
Paulo ulalemba majwi aakumamanino ajanza lyakwe mwini
11Amubone mbundakomezya mabala cakumulembela ajanza lyangu ndemwini! 12#Gal 5:11; Flp 3:18Abo bayanda kuba basibubotu kumeso aabantu kumakani aanyama, mbimbabo bamusinikizya kapalulwa, pele ncibacitila abo ncakuti batapenzegwi nkaambo kaciingano ca-Kristo. 13Nkaambo basipalule aba beni tabalomyi Mulao pe, balayanda buyo kuti mupalulwe nywebo kuti balikankaizizye nyama yanu, 14#1 Kor 1:31; 2:2Pele mebo nsijisi cintu niciba cimwi ncinkozya kulikankaizizya pele ciingano ca-Mwami wesu Jesu Kristo luzutu. Nciconya cicita kuti kumeso aangu zintu zyoonse zyaansi zilifwide aciingano, ambebo ndemwini ndifwide mbubonva kumeso aabantu baansi. 15#Gal 5:6; 1 Kor 7:19Nkaambo bupalule tabukwe makani, alwalo lulomo talukwe makani, Bulenge bupya mbubujisi makani. 16#Int 125:5; 128:6; Flp 3:3Lino bantu boonse batobela cipimo eci babe aluumuno alweetelelo, abalo bana ba-Israyeli ba-Leza.
17 #
2 Kor 4:10
Kuzwa sunu kutabi muntu naba omwe uundipenzya, nkaambo amubili wangu ndaandwa azyaando zya-Jesu,
18Lino luzyalo lwa-Mwami wesu Jesu Kristo alube amyoyo yanu, bakwesu. Ameni.
Currently Selected:
Ba-Galatiya 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
