Ba-Galatiya 5

Muli-Kristo bupalule tabukwe milimo

1 # Gal 4:5,31; Inc 15:10 Nkaambo kaako amuliyumye akujatisya obo bulubusi mbwaakatulubula Kristo. Mutanjili lwabili mujoko lyabuzike.

2 # 2 Kor 10:1 Amubone! Mebo nde-Paulo, ndamwaambila kuti na mwaakupalulwa, elyo Kristo takooyoomugwasya abuniini. 3Ndamulwiida lwabili kuti umwi aumwi uupalulwa ulijisi ceelelo cakumanizya Mulao woonse. 4Na mulayanda kululamikwa ku-Mulao, elyo Kristo tacijisi milimo yakumugwasya, mwaleya kuzwa kuluzyalo. 5Pele swebo nkukulusyomo nkutulindilila muli-Muuya obo bululami mbutulangila. 6#Gal 6:15; 1 Kor 7:19Nkaambo muli-Kristo Jesu bupalule tabukwe milimo, alwalo lulomo talukwe milimo, pele lusyomo lubeleka kujanza lyaluyandano ndolujisi milimo.

7Mwakali kuzuzaana kabotu. Ino nguni wakamucelezya kuya buswiililisya lusinizyo? 8#Gal 1:6Lusoosyo luli boobu taluzwi kuliyooyo iwakamwiita. 9#1 Kor 5:6Tumena tuniini tulafufumusya mulwi woonse. 10#Gal 1:7; 2 Kor 11:15Moyo wangu ulisinizye aandinywe mu-Mwami kuti tamukooyootamauka. Pele oyo uumukataazya uyooba amulandu, kufumbwa na nguni. 11#1 Kor 1:23Pele mebo, bakwesu, na ncikambauka kuti bantu baleelede kupalulwa, ino ncipenzezegwanzi? Sa ciingano caleka kulebya bantu na? 12#Int 12:3Abo bamupyopyonganya nibalikosola!

Bulubusi bwesu tabweelede kuba buliinsyo bwakubisya

13 # 1 Pet 2:16 Inywe, nubakwesu, mwakaitwa kuti mube abulubusi, pele amucenjele kuti obu bulubusi butabi buliinsyo bwakucita zisusi zyanyama. Umwi aumwi abe muzike kumweenzinyina cakuyandana. 14#Lev 19:18Nkaambo mitwe yamakani ya-Mulao yoonse ili mukati kajwi eli lyomwe lyakuti, Yanda mweenzinyoko mbubonya mboliyanda omwini. 15Pele na mulalumana akulyana, amucenjele kuti mutanyonyoonani.

Milimo yanyama amicelo ya-Muuya

16Nciŋamba nceeci, Inzila niimweendela ibe yamu-Muuya, aboobo mutakaciti zisusi zyanyama. 17#Rom 7:15-23; Jak 4:5; 1 Pet 2:11Nkaambo nyama ilijisi zisusi zilwisya Muuya, awalo Muuya ulalwisya nyama, Ezi zyobile zilasundana, aboobo mulakacilwa kucita mbuli mbwiiyanda myoyo yanu. 18#Rom 8:14Pele kuti mulasungulwa a-Muuya, elyo tamuli kunsi a-Mulao.

19 # 1 Kor 6:9,10 Lino milimo yanyama ilibwenekede, njeeyi:— bwaamu, busofwaazi, zisusi zibi, 20kukomba mituni, bulozi, inkondo, bulwani, lukazyanyo, inyemo, insulano, mipampo mipampo, impilingano, 21#Ef 5:5; Ciy 22:15ibbivwe, inkolwi, injalalando, azimwi zili boobo. Lino ndamwaambila aazintu ezi mbubonya mbundakamwaambila kale, kuti abo bacitaula zintu zili boobo tabakooyookona Bwami bwa-Leza, 22#Ef 5:9Pele micelo ya-Muuya njeeyi:— luyandano, lukondo, luumuno, busicamba, buuya, bubotu, lusyomo, 23#1 Tim 1:9lubombo, kulyeendelela. Kulibaabo bacitaula zili boobo taakwe Mulao uubalwisya. 24#Rom 6:6; Kol 3:5; 1 Pet 2:11Lino abo ibakwe Kristo Jesu, nyama baliibambwide aciingano antoomwe aziciso zyayo azisusi zyayo.

25 # Rom 8:4 Lino nituponena Muuya, inzila njitweendela ayalo ibe ya-Muuya. 26#Flp 2:3Tutabi basikambotwembotwe, tutakalazyanyi, tutabi abbivwe umwi amweenzinyina.

Currently Selected:

Ba-Galatiya 5: Ibbaib63

Highlight

Copy