Ezekieli 45
45
Makani amwi aanyika amapobwe azipaizyo
1 #
Tus 3:9,10; Ezk 48:8 Lino nemuyoowaala zisolo zyakwaabana nyika, muleelede kubika caabilo canyika cibe ca-Jehova, cibe cisi cisalalisya, Cileelede kuba abulamfu bwatukokola tuli zyuulu zili makumi obile amusanu abwaamba bwatukokola tuli zyuulu zili ikumi. Cisi eci ciyoosalala koonse koonse buyo, 2#Ezk 42:20Alimwi akati kaco kuyooba busena buli azyooko zyone zyeelene; bulamfu buyooba tukokola tuli myanda yosanwe, abwaamba buyooba tukokola tuli myanda yosanwe, alimwi buyoozyuungulukwa lubuwa lwatukokola tuli makumi osanwe. 3Nkabela akati kacisi eci muyooeleka bulamfu bwazyuulu zili makumi obile amusanu abwaamba bwazyuulu zili ikumi. Mumweenya oyo mociyooba cikombelo, busena busalalisya, 4#Ezk 44:15Uyooba caabilo canyika cisalala; uyooba wabapaizi basimilimo bamuŋanda ya-Jehova baswena kuliJehova kukumukutaukila; uyoobabeda mwenya wakuyaka maanda abusena busalala bwacikombelo. 5#Ezk 48:13; 40:17Acaabilo cimwi, cili abulamfu bwatukokola tuli zyuulu zili makumi obile amusanu abwaamba bwatukokola tuli ikumi, ciyooba caba-Levi babeleka milimo yaŋanda, bacivube akuyaka minzi yakukala mumo.
6Alimwi muleelede kubika caabilo camunzi, cili abwaamba bwatukokola tuli zyuulu zyosanwe abulamfu bwatukokola tuli makumi obile amusanu, kumbali lyacaabilo cisalala. Ciyooba caluzubo loonse lwa-Israyeli.
7 #
Int 2:8; Ezk 34:24; 46:16-18; 48:21 Alakwe silutwe uyoovuba nyika kumabazu oonse obile aacaabilo cisalala acaabilo camunzi, kunembo lyacaabilo cisalala akunembo lyacaabilo camunzi, koonse koonse kujwe akumbo. Iyooba abulamfu mbubonya mbuli cimwi cazyaabilo zyamikowa, kuzwa kumugaano wakujwe kusikila kumugaano wakumbo, 8#Ezk 22:27; 46:18; Jer 22:17Nyika eyo iyooba caabilo cakwe, acivube. Basilutwe bangu tabakooyoopenzya limbi bantu bangu, pe, bayooabila luzubo lwa-Israyeli nyika mumisyobo yabo.
9 #
Ezk 44:6; Jer 22:3 Mbuboobu mbwaamba Mwami Jehova. Amuleke, nobasilutwe baIsrayeli! Amuleke kusaala akupenzya bantu! Amubambe imbeta cakululama! Amuleke kunyanzya bantu bangu, mbwaamba Mwami Jehova.
10 #
Tus 11:1; Lev 19:36 Muleelede kuba azipimyo ziluleme, cisuwo cakweelesya ciluleme anongo yakweelesya iiluleme. 11Cisuwo cakweelesya anongo yakweelesya zileelede kweelana; nongo ileelede kujata cipanzi cakumi cahomeri, acalo cisuwo cileelede kujata cipanzi cakumi cahomeri. Homeri nceceelesyo ceelede, 12#Kul 30:13; Lev 27:25Alimwi bulemu bwasyekeli buleelede kuba magera aali makumi obile. Mabwe aamasyekeli osanwe aleelede kuba masyekeli osanwe, amabwe aamasyekeli aali ikumi aleelede kuba masyekeli aali ikumi; abulemu bwamina buleelede kuba masyekeli aali makumi osanwe,
13Lino nceeci cipaizyo ncimweelede kutuula: cipanzi camusanu acimwi cacisuwo cigwisigwa muhomeri limwi alimwi lyabulotwe, acipanzi camusanu acimwi cacisuwo cigwisigwa muhomeri limwi alimwi lyabbaale. 14AmweeIwe uuelede wamafuta ngooyu: cipanzi cakumi canongo cigwisigwa mukori limwi alimwi (Kori nkokuti nongo zili ikumi, nkokwaamba lileelene ahomeri). 15#Lev 1:4; Rom 5:10; 2 Kor 5:18,19; Ef 2:16; Kol 1:21; Tit 2:14Alimwi kuleelede kuba bakelele komwe kagwisigwa akati kambelele zili myanda yobile, mumikowa yoonse ya-Israyeli. Mbuboobo mbubeelede kupaizya cipaizyo cabusu acituuzyo acituuzyo cakutontozya, kuti bamanye milandu yabo, mbwaamba Mwami Jehova. 16Bantu boonse banyika baleelede kupa cipaizyo eci, bape silutwe wacisi ca-Israyeli. 17#Joh 6:51; 2 Kor 5:21; Gal 3:13; Kol 1:20; 1 Pet 2:24Asilutwe uleelede kupa zipaizyo azituuzyo zyabusu azipaizyo zyakunywa mumapobwe akuciindi camwezi mupya amumasabata akuziindi zyoonse zibikidwe zyaluzubo lwa-Israyeli. Nguuelede kupa zipaizyo zyazibi azipaizyo zyabusu azituuzyo azipaizyo zyakutontozya, kuti amanye milandu yaluzubo lwaIsrayeli.
18 #
Lev 16:16; Heb 9:22; Ezk 43:22,26 Mbuboobu mbwaamba Mwami Jehova. Mumwezi mutaanzi, mubuzuba butaanzi bwamumwezi, uleelede kubweza kapoho katajisi kampenda, kuti usalazye cikombelo. 19#Ezk 43:20Lino mupaizi uleelede kubweza bulowa bwacipaizyo cazibi, abulambe amunsende waŋanda azyooko zyone zyacaanzikilo cacipaililo amunsende wamulyango walubuwa lwamukati, 20#Int 19:12; Lev 4:27; Rom 16:18; Heb 5:2Alimwi muleelede kucita mbubonya obo mubuzuba bwamusanu aabili nkaambo kamuntu umwi aumwi uubisya cakutaziba na cakubula maanu, aboobo muyoomanya milandu yaŋanda.
21 #
Lev 23:5,6; Kul 12:1-20; My 9:2,3; 28:16-25; Dt 16:1 Mumwezi mutaanzi, mubuzuba bwakumi aane bwamwezi, muyoolya ipobwe lya-Pasika, Mazuba aali musanu aabili takukooyooligwa zinkwa cita zitajisi buswezyo. 22#Mt 20:28; 1 Pet 2:24; Lev 4:14Mubuzuba obo silutwe wacisi uleelede kubamba mupoho, abe cipaizyo cazibi casilutwe mwini acabantu boonse banyika. 23#Lev 23:8; My 28:15Alimwi mumazuba oonse aali musanu aabili aapobwe uleelede kubamba cipaizyo ca-Jehova, bapoho bali musanu ababili abagutu bali musanu ababili batajisi kampenda, bapaizigwe umwi aumwi mubuzuba bumwi abumwi mumazuba oonse aali musanu aabili aapobwe, asijembwe wacipaizyo cazibi buzuba bumwi abumwi. 24#Ezk 46:5,7Alimwi uleelede kubamba cipaizyo cabusu, cisuwo comwe kumupoho umwi aumwi, acisuwo comwe kumugutu umwi aumwi, acipanzi camusanu acimwi canongo yamafuta kucisuwo cimwi acimwi. 25#Dt 16:13; Lev 23:33-36; My 29:12-38Alimwi mumwezi wamusanu aibili, mubuzuba bwakumi amusanu bwamumwezi, amumazuba oonse aali musanu aabili aapobwe, uleelede kucita mbubonya obo kukubamba cipaizyo cazibi acituuzyo acipaizyo cabusu amafuta.
Currently Selected:
Ezekieli 45: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
