Ezekieli 44
44
Milao imwi yantempele
1 #
Ezk 43:1
Mpoonya awo wakandiboozya kumulyango wacikombelo waanze uulangide kujwe. Ndakabona kuti ulijalidwe. 2Lino Jehova wanda ambila kuti, Oyu mulyango unoojalidwe, tuukooyoojalulwa pe, alimwi takukooyoonjila muntu naba omwe kulinguwo, nkaambo ngonguwo Jehova Leza wa-Israyeli ngwaakanjilila, aboobo unoojalidwe. 3#Zek 6:12; Flp 2:8; Matl 31:54; Ezk 46:2,8Silutwe alike nguuyookala mulinguwo kuti alye insima kubusyu bwa-Jehova. Uyoonjila kulukonkono lwamulyango akuzwa mbubonya.
4 #
Ezk 3:23; 1:28 Lino wakandiinzya kumulyango wakunyika, wandisisya kunembo lyaŋanda, nkabela ndakabona kuti bulemu bwa-Jehova bwazuzya iŋanda ya-Jehova. Elyo ndakavundama ansi. 5#Ezk 40:4Nkabela Jehova wakandaambila kuti, O mwana amuntu, bika moyo wako kumakani. Meso aako abone, aalo matwi aako aswiilile oonse ngenti kwaambile, nkokuti milazyo yoonse yaŋanda ya-Jehova amilao yayo yoonse. Bika moyo wako kumakani aabaabo bakonzya kunjila abaabo beelede kusyaala anze lyabusena busalala. 6#Ezk 2:5; 1 Pet 4:3Alimwi ambila luzubo lukataazya, luzubo lwa-Israyeli, kuti, Mbuboobu mbwaamba Mwami Jehova. Amuleke zisesemyo zyanu zyoonse, O luzubo lwa-Israyeli. 7#Inc 21:28; Ezk 7:20; Lev 26:41; 21:6; 3:16Amuleke kunjizya bazwakule, batapalwidwe nemuba mumyoyo yabo nemuba munyama yabo, mucikombelo cangu, kuti batacisofwaazyi nemundiletela zilyo zyangu, mafuta abulowa. M wajaya cizuminano cangu kuzisesemyo zyanu zyoonse. 8#Lev 22:2; My 18:3; 2 Tim 4:1Tamubambide zintu zyangu zisalala, pe, mwabika bazwakule buyo kuti bamubambile zintu zyangu zisalala.
9 #
Int 50:16
Mbuboobu mbwaamba Mwami Jehova. Taakwe muzwakule, uutapalwidwe mumoyo amumubili, uuelede kunjila mucikombelo cangu; taakwe naba omwe akati kabazwakule boonse bakede akati kabana ba-Israyeli. 10#2 Bam 23:8; Neh 9:34; Jer 23:11; Ezk 22:26Pele ba-Levi ibakaya kule kuzwa kulindime, ibakaleya akuya butobela zimpangaliko ciindi eco ba-Israyeli nebakaleya, bayoolemezegwa milandu yabo. 11#1 Mak 26:1; My 16:9Bayooba basimilimo mucikombelo cangu, bayoolanga milyango Yaŋanda akubeleka muŋanda; bayoojayila bantu zituuzyo azipaizyo; alimwi bayooima kumbali lyabantu kuti babagwasye milimo. 12#Int 106:26Bakali kumanina bantu milimo kunembo lyazimpangaliko zyabo, aboobo bakabeda luzubo lwa-Israyeli cifumpuzyo cakubalebya; nkaambo kako ndabasumpwida ijanza lyangu, mbwaamba Mwami Jehova, ndakonkezya kuti ncobeni bayoolemezegwa milandu yabo, 13#My 18:3; Ezk 32:30Tabakooyooswena kulindime kukucita milimo yabupaizi pe. Tabakooyooswena kuzintu zyangu zisalala, nkokuti zintu zisalalisya kwiinda zyoonse, Bayoolemezegwa bweeme bwabo azisesemyo zyabo nzebakacita, 14#1 Mak 23:28,32Njoobabika kuti babe basikulanga iŋanda, bacite milimo yoonse miyumu iicitwa mulinjiyo.
15 #
Ezk 40:46; 1 Sam 2:35; Dt 10:8 Pele bapaizi ba-Levi, bana ba-Zadoki, ibakabamba imbeta zyacikombelo cangu bana ba-Israyeli nebakaleya kuzwa kulindime, mbombabo beelede kuswena kufwaafwi kulindime, beelede kwiima kubusyu bwangu kukundituulila mafuta abulowa, mbwaamba Mwami Jehova, 16#Ezk 41:22; Mal 2:7Mbombabo beelede kunjila mucikombelo cangu kuti baswene afwaafwi kuntafule yangu, bandikutaukile akubamba imbeta zyangu. 17#Kul 28:39-43; Lev 16:4Banjile buyo mumilyango yalubuwa lwamukati, baleelede kusama zikobela zituba zyabutonge; tabakooyoosama cintu neciba comwe caboya bwambelele kuciindi cakumana milimo kumilyango yalubuwa lwamukati amukati kaŋanda. 18Baleelede kusama zitambala zituba zyabutonge amitwe yabo atubbudula twabutonge butuba azikungu zyabo, Tabeelede kusama cintu neciba comwe cipa citukutuku. 19#Ezk 42:14; Kul 29:37; Lev 16:23Lino kuciindi cakuya anze, kulubuwa lwaanze bantu nkobabede, baleelede kusamununa zikobela zyabo nzibasamide ciindi cakumana milimo, bazisie mumonya mutwaanda tusalala, basame zyakusama zimbi, kuti batasalazyi bantu kuli zyakusama zyabo. 20#Is 28:7; Lev 21:5Tabeelede kunyoola mitwe yabo nekuba kukuzya masusu aabo pe, baleelede kugonka-gonka buyo masusu aabo. 21#Lk 1:15; 1 Tim 3:3; Lev 10:9Alimwi kunywa waini cilatondwa kubapaizi boonse ciindi cakunjila mulubuwa lwamukati. 22#Lev 21:7,13-14Akukwata tabeelede kukwata mukamufu nanka muleke; mupaizi uleelede kukwata nakalindu walunyungu lwa-Israyeli nanka mukamufu wamupaizinyina, 23#Mal 2:7; Lev 10:10Baleelede kwiiyisya bantu bangu kupambukanya zintu zisalalisya azintu zyabuyo akubazibya zintu zisofweede mbozibede azintu zisalala mbozibede. 24#Dt 17:8; 1 Tim 4:12; Ezk 22:26Na kwaba inkondo, mbombabo beelede kubeteka makani; baleelede kwaabeteka cakuzuminana ambeta zyangu. Baleelede kubamba milao yangu ambeta zyangu kuziindi zyangu zyoonse zibikidwe, aalo masabata aangu baleelede kwaasalazya, 25#Lev 21:1-4Tabeelele kulisofwaazya kukuswena afwaafwi kumutunta, cita mutunta wawisi na wabanyina, wamwana mulombe na wamwana musimbi, wamunyinandumi na wamucizi wakwe uutakwetwe. 26#My 6:10Amane kulisofwaazya, alibalile mazuba aali musanu aabili, elyo ulasalala. 27#Lev 4:3Lino mubuzuba bwakunjila mucikombelo, mulubuwa lwamukati, kukumana milimo yamubusena busalalisya, uleelede kulituulila cipaizyo cazibi, mbwaamba Mwami Jehova.
28 #
Dt 10:9; Jos 13:14,33; Ezk 45:4; My 18:20 Tabakooyooba alukono pe, nkaambo ndime lukono lwabo, alimwi tamweelede kubapa caabilo cakuvuba mucisi ca-Israyeli, nkaambo ndime caabilo cabo. 29#Lev 6:18; My 18:8-19Cituuzyo cabusu, cipaizyo cazibi acipaizyo camilandu, banooyoozilya, azintu zyoonse zibikilidwe Leza mucisi ca-Israyeli ziyooba zyabo, 30#My 15:20; Tus 3:9Kabalwebalwe mutaanzi wamicelo yoonse acituuzyo citaanzi cazituuzyo zyanu zyoonse, ziyooba zyabapaizi. Abwalo busu bwanu, muleelede kupa mupaizi kabalwebalwe wabo, kuti buletele iŋanda yanu coolwe, 31#Kul 22:31; Lev 22:8Bapaizi tabeelede kulya nyama, naba muyuni naba munyama, iwakalifwida nanka kulumwa.
Currently Selected:
Ezekieli 44: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
