Ezekieli 30
30
Leza mbwaazoobelesya ba-Babuloni kukunyonyoona Egepita
1Lino ijwi lya-Jehova lyakandisikila, liti, 2#Is 13:6O mwana amuntu, sinsima. Amba kuti, Mbuboobu mbwaamba Jehova. Amulile! Maawe! Bwaboneka buzuba! 3#Ezk 7:7; Joel 2:1Buzuba buli afwaafwi! Buzuba bwa-Jehova buli afwaafwi! Mbobuzuba bwamayoba aasia mbi, ciindi cakubetekwa kwabamasi. 4#Ezk 29:19; Jer 50:15Egepita uyoosikilwa ipanga, amucisi ca-Kusi muyooba mapenzi, bantu nebayoojayigwa mucisi ca-Egepita, ambono zyaco neziyootolwa, antalisyo zyaco neziyootyolaulwa. 5#Jer 25:20Ba-Kusi, aba-Puti, aba-Ludi, abaArabu boonse, aba-Kubi, abantu banyika njebatangene ayo cizuminano, boonse buyo bayoojazigwa ipanga antoomwe.
6Mbuboobu mbwaamba Jehova. Boonse bagwasya ba-Egepita bayoowa, anguzu zyabo nzibalikankaizya ziyoofwinsigwa. Kuzwa ku-Migidoli kusikila ku-Sevene koonse koonse bayoolebwa ipanga, mbwaamba Mwami Jehova. 7#Ezk 29:12Nyika yabo iyooba cisi citakalwi akati kazisinyina zitakalwi, aminzi yayo ilabula bantu akati kaminzinyina iitakalwi. 8Lino bayooziba kuti ndime Jehova nenoozootentede Egepita, abagwasyi bayo nebanoozootyokede. 9#Is 18:1,2; 19:17; Zef 2:12; Int 48:6; Ezk 26:16Mubuzuba obo kuyoozwa batumwa kulindime mumaato kuyoocenjezya ba-Kusi bakede cakuliiba, lino bayooyabangana cakupenga mubuzuba obo bwa-Egepita, nkaambo buzuba bwasika.
10 #
Ezk 29:19
Mbuboobu mbwaamba Mwami Jehova. Buvubi bwa-Egepita njoobumanya kujanza lya-Nebukadinezara mwami wa-Babuloni. 11#Ezk 28:7Uleza abantu bakwe, bantu babamasi bayoosya, nkabela bayoonjizigwa kukunyonyoona nyika. Bayoosomona mapanga aabo kukulwisya ba-Egepita, anyika yoonse bayooizuzya bajayidwe. 12#Is 19:4Njooyuminizya lwizi akwaaba nyika mumaanza aabantu babi. Nyika azintu zyoonse zili mulinjiyo njoozisaazya maanza aabazwakule. Ndime nde-Jehova ndacaamba,
13 #
Kul 23:13; Zek 13:2; 10:11; Is 19:16 Mbuboobu mbwaamba Mwami Jehova. Njoonyonyoona zikozyano akumanya zimpangaliko mu-Nofi. Takukooyooba limbi mwami munyika ya-Egepita. Njoobika buyoofu munyika ya-Egepita. 14#Ezk 29:14Njoocita kuti Patro ube matongo. Njootenta Zoani akubeteka No. 15Njootila bukali bwangu ku-Sini, munzi muyumu waku-Egepita, akunyonyoona makamu aabantu baku-No. 16Njoobika mulilo mu-Egepita, elyo Sini ulalyelolaolola cakupenga. No uyoomwayigwa, a-Nofi uyoopenzegwa abasinkondonyina buzuba boonse. 17Balombe ba-Aveni aba-Pibeseti bayoojazigwa ipanga, abanakazi bayootolwa mubuzike. 18#Jer 2:16Ku-Tahapanesi buzuba buyoosia. Nenjootyola zikeyi zyajokwe lya-Egepita nkuko, anguzu zyakwe nzyalikankaizizya neziyoolesegwa, uyoovumbizigwa ijoba, abana bakwe basimbi bayootolwa mubuzike. 19Mbuboobo mbunjoobeteka Egepita, elyo bayooziba kuti ndime Jehova.
20Lino mumwaka wakumi aumwi, mumwezi mutaanzi, mubuzuba bwamusanu aabili bwamumwezi, ijwi lya-Jehova lyakandisikila, liti, 21#Jer 48:25; 46:11O mwana amuntu, ndatyola kuboko kwa-Farao mwami wa-Egepita. Ncobeni takuna kwaangwa nikuba kubikilwa misamu, takuna kuzambailwa cisani kuti kupone akujata inguzu zyakubelesya ipanga. 22#Int 37:17; 2 Bam 24:7Nkaambo kako mbuboobu mbwaamba Mwami Jehova. Bona! Ndi sinkondonyina Farao mwami wa-Egepita. Njootyola maboko aakwe oonse, nkukuti kuboko kucili kuyumu akooko ikwakatyokede, nkabela ipanga njooliwisya kuzwa mujanza lyakwe. 23#Ezk 29:12Njoomwaisya ba-Egepita akati kabamasi akubapalanganya munyika zyoonse. 24Nkabela njooyumya maboko aamwami wa-Babuloni akubika ipanga lyangu mujanza lyakwe, pele maboko aa-Farao njooatyola, nkabela uyootongela kubusyu bwakwe mbubonya mbwatongela muntu uuyasidwe. 25#Kul 7:5; Jer 44:30; Int 9:16; 59:13Njooyumya maboko aamwami wa-Babuloni, pele maboko aa-Farao ayoolebuluka. Lino bayooziba kuti ndime Jehova ninzoobika ipanga lyangu mujanza lyamwami wa-Babuloni kuti alitandabike anyika ya-Egepita. 26Njoomwaisya ba-Egepita akati kabamasi akubapalanganya munyika zyoonse. Lino bayooziba kuti ndime Jehova.
Currently Selected:
Ezekieli 30: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
