Ezekieli 29
29
Makani ngaakasinsima aa-Egepita
1 #
Is 19:1-25; Jer 46:2-26 Lino mumwaka wakumi, mumwezi wakumi, mubuzuba bwakumi aabili bwamumwezi, ijwi lya-Jehova lyakandisikila, liti, 2#Is 19:1; Jer 25:19O mwana amuntu, langa Farao mwami wa-Egepita cankayikayi, ukasinsime aanguwe aba-Egepita boonse. 3#Jer 44:30; Int 74:13,14; Ezk 28:2,22; 32:2; Is 27:1Amba kuti, Mbuboobu mbwaamba Mwami Jehova. Ncobeni ndi sinkondonyoko, O Farao mwami wa-Egepita, webo ontale oolede akati katulonga twako, ooamba kuti, Mulonga wangu nguwangu, ndime ndakaulenga. 4#2 Bam 19:28; Is 37:29; Ezk 38:4Njoobika tulobyo mumalakwila aako, answi zyamumilonga yako njoozikakatizya kumaamba aako. Lino njookununa kuzwa kumilonga yako answi zyoonse zyamilonga yako zikakatide kumaamba aako, 5#Jer 8:2; 7:33Nkabela njookusowa kunkanda, webo answi zyoonse zyamilonga yako. Uyoowa musokwe antangalala. Tokooyoobwezwa nikuba kuzikwa. Njookwaaba mumeno aabanyama baansi abayuni bakujulu, ube zilyo zyabo.
6 #
2 Bam 18:21; Is 36:6 Lino bantu boonse baku-Egepita bayooziba kuti ndime Jehova, nkaambo mwabeda luzubo lwa-Israyeli cilifunkizyo camatete. 7#Jer 37:5Bakujata buyo amaanza, watyoka, wakompoka akusikila mukuko lyabo. Balifunkizya buyo, wafuyuka, wabateketya mucikungu coonse. 8Nkaambo kako mbuboobu mbwaamba Mwami Jehova. Ncobeni njookuletela ipanga, nkabela liyookunyonyweeda bantu abanyama boonse buyo. 9#Tus 16:18Nyika ya-Egepita iyooba ciyoosyo amatongo. Lino bayooziba kuti ndime Jehova.
Waamba kuti, Mulonga nguwangu, ndime ndakaulenga. 10#Ezk 30:12Nkaambo kako ndaba sinkondonyoko, webo atulonga twako. Njoocita kuti nyika ya-Egepita ibe matongo aciyoosyo koonse koonse kuzwa kuŋanda indamfu yaku-Sevene kusikila kumugaano wa-Kusi. 11#Jer 43:11,12; Ezk 30:10-13Takukooyooinda zituta zyabantu mulinjiyo, azyalo zituta zyabanyama tazikooyooinda mulinjiyo. Tiikooyookalwa pe, myaka iili makumi one. 12#Jer 25:17,18; Ezk 30:7Njoocita kuti nyika ya-Egepita ibe cisi citakalwi akati kazisinyina zitakalwi, aminzi yayo ibule bantu akati kaminzinyina iitakalwi, myaka iili makumi one. Njoopalanganya ba-Egepita akati kabamasi akubamwaisya munyika zyoonse.
13 #
Is 19:23; Jer 46:25,26 Nkaambo mbuboobu mbwaamba Mwami Jehova. Imane buyo myaka iili makumi one, njooyobolola ba-Egepita kuzwa kulibamasi nkubamwaikilide. 14Njoolobya buzike bwaba-Egepita akubapilusya kunyika ya-Patro, nyika yalukombokombo lwabo, nkabela bayooba musyobo muniini buyo. 15Cisi cabo ciyooba ciniini buyo kwiinda zisi zimwi, tacikooyoolisumpula limbi kulibamasi pe. Njoocita kuti babe musyobo muniini buyo, aboobo tabakooyooendelezya limbi zisi. 16#Is 30:2; Jer 2:18,19; Malo 4:17Tabakooyooba limbi cilifunkizyo caluzubo lwa-Israyeli cibaibalusya zibi zyabo kufumbwa ciindi nebayandaula lugwasyo. Lino bayooziba kuti ndime Mwami Jehova.
17Lino mumwaka wamakumi obile amusanu aibili, mumwezi mutaanzi, mubuzuba butaanzi bwamumwezi, ijwi lwa-Jehova lyakandisikila, liti, 18#Jer 27:6; Ezk 26:7Omwana amuntu, Nebukadinezara wakabelesya basilumamba bakwe milimo iiyoosya kukulwisya Turo. Mitwe yoonse yakali azinkulu, amakuko oonse akalicuzukide. Nekubaboobo taakwe naakavola cintu pe, walo abasilumamba bakwe, kumilimo eyo njaakacita kukuulwisya. 19Nkaambo kaako mbuboobu mbwaamba Mwami Jehova. Amubone! Nebukadinezara mwami wa-Babuloni njoomupa nyika ya-Egepita. Uyootola imbono zyayo, uyooisaala akwiinyanzya kuti imbono zibe zyakuvola zyabasilumamba bakwe. 20#Jer 25:9Ndamupa nyika ya-Egepita, ibe bulumbu bwakwe mbwaakabelekela, nkaambo bakandibelekela milimo, mbwaamba Mwami Jehova.
21 #
1 Sam 2:10; Int 132:17; Matl 18:17; Ezk 3:26; Am 3:7; Dan 9:22-27 Mubuzuba obo njoomenekela luzubo lwa-Israyeli lwija. Ayebo njooasamuna milomo yako akati kabo, nkabela bayooziba kuti ndime Jehova
Currently Selected:
Ezekieli 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
