Kulonga 4

1Lino Musa wakavuwa kuti, Tabakooyoozumina nekuba kuswiilila ijwi lyangu, nkaambo bayooamba kuti, Jehova tana kulibonya kulinduwe pe. 2Jehova wakamwaambila kuti, Ncinzi cili mujanza lyako? Wakati, Ngumusako. 3Wakati, Uwaale ansi. Wauwaala ansi, Mpawo wakasanduka kuba inzoka, nkabela Musa wakaicija, 4Pele Jehova wakaambila Musa kuti, Tandabika ijanza lyako, uijate kumucila, (lino wakatandabika ijanza lyakwe, waijata, nkabela yakasanduka kuba musako mujanza lyakwe) 5#Kul 19:9kuti bazumine kuti wakakubonekela Jehova Leza wabamawisaabo, Leza wa-Abrahamu, Leza wa-Izaka, a-Leza wa-Jakobo. 6#My 12:10; 2 Bam 5:27Alimwi Jehova wakamwaambila kuti, Bika ijanza lyako akaango kako. Wakabika ijanza lyakwe akaango kakwe, Elyo naakaligwisya, wakajana kuti ijanza lyakwe lyakatuba buu, lyaba acinsenda. 7#My 12:13,14; Dt 32:39; 2 Bam 5:14; Mt 8:3Elyo wakati, Pilusya ijanza lyako akaango kako. Wakapilusya ijanza lyakwe akaangu kakwe, elyo naakaligwisya akaungu kakwe, wakajana kuti lyasanduka alimwi kuba mbuli nyamanyina. 8Wakati, Na bakaka kuzumina nanka kuswiilila ijwi lyacitondezyo citaanzi, bayooswiilila ijwi lyacitondezyo cabili. 9#Kul 7:19Pele na bakaka kuswiilila zitondezyo ezi zyoonse zyobile, na bacikaka kuswiilila ijwi lyako, uleelede kuteka maanzi aamulwizi akwaatila ansi, elyo maanzi ayo ngoyooteka mulwizi ayoosanduka kuba bulowa ansi.

10 # Kul 6:12; Jer 1:6 Pele Musa wakaambila Jehova kuti, Akaka Mwami! Mebo nsili muntu uuzi kwaamba kabotu pe, Kuciindi cakamana, akuciindi ecino noambila mulanda wako, nsizi kwaamba. Ndi mulemu kululimi akumilomo. 11#Int 94:9Mpawo Jehova wakamwaambila kuti, Ma! Nguni wakalenga mulomo wamuntu? Nguni wacita kuti abe syataambi na musinkematwi na uubonesya na moofu? Sa teensi ndime nde-Jehova? 12#Is 50:4; Jer 1:9; Mt 10:19; Mk 13:11; Lk 12:11,12; 21:14Mbubo, koya. Njooba amulomo wako, njookwiisya mboelede kwaamba. 13#Joh 1:3Wakati, Akaka Mwami! Tuma kujanza lyamuntu umbi, kufumbwa ngokonzya. 14Mpoonya awo bukali bwa-Jehova bwakabukila Musa. Wakati, Sa Aroni mu-Levi teensi munyoko? Ndizi kuti walo ncobeni ulizi kwaamba. Alimwi bona! Uleza kuzookutambula, Akubona, uyookondwa mumoyo wakwe. 15#My 23:12; Dt 18:18; Is 51:16; Jer 1:9; Dt 5:31Lino uleelede kwaambaula awe akubika majwi mukanwa lyakwe, Ambebo njooba amulomo wako amulomo wakwe, njoomwiisya mbumweelede kucita. 16#Kul 7:1; 18:19Ngonguwe uuyooambila bantu mucibaka cako, Uyooba mulomo wako, ayebo uyoomubeda mbuli Leza, 17Awalo musako oyu, koutola mujanza lyako, nkaambo ngonguwo ngoyoocitya malele.

Musa mbwaakapiluka ku-Egepita

18Elyo Musa wakapiluka kuli-Jetero syanyinazyala, wamwaambila kuti, Njiinke, mpiluke kubakwesu bali mu-Egepita, mbone na bacili baumi. Nkabela Jetero wakamwaambila Musa kuti, Mbubo, koya aluumuno. 19#Kul 2:15,23; Mt 2:20Alakwe Jehova wakaambila Musa oko ku-Midyani, wati, Koya, ukapiluke ku-Egepita, nkaambo bafwa abo bantu boonse ibakali kuyanda kukujaya. 20#Kul 17:9; My 20:8Mpawo Musa wakatola mukaakwe abana bakwe, wabatantika ambongolo, wapiluka kunyika ya-Egepita, Awalo musako wa-Leza, Musa wakautolelela mujanza lyakwe.

21 # Jos 11:20; 1 Sam 6:6; Dan 5:20; Rom 9:14-23; Jak 1:13-17 Lino Jehova wakaambila Musa kuti, Kuti wainka kupilukila ku-Egepita, cenjela kuti ucite kubusyu bwa-Farao zitondezyo zyoonse nzindabika mujanza lyako. Nekubaboobo njooyumya moyo wakwe kuti ataleki bantu kwiinka.

22 # Hos 11:1; Rom 9:4; 2 Kor 6:18; Jer 31:9; Jak 1:18 Lino uleelede kwaambila Farao kuti, Mbuboobu mbwaamba Jehova. Israyeli ngumwana wangu mutaanzi. 23#Kul 11:5; 12:29Ndakwaambila kuti, Leka mwanaangu, ainke kuyoondimanina milimo. Na wakaka kumuleka, njoojaya mwana wako mutaanzi.

24 # My 22:22; Matl 17:14 Lino naakacili munzila, Jehova wakaswanaana awe kucilo, wali kuyanda kumujaya. 25#Jos 5:2,3Elyo Zipora wakabweza cibezo cabbwe, wakosola lukanda lwalulomo lwamwana wakwe, walugumya zituta zyakwe, wati, Ncobeni uli sikukwata wabulowa kulindime. 26Mpoonya awo wakamuleka, Wakamwaambila kuti, Ncobeni uli sikukwata wabulowa kulindime nkaambo kabupalule,

27 # Kul 3:1 Nkabela Jehova wakaambila Aroni kuti, Koya munkanda kuyootambula Musa, Elyo wakaya, wamujana kucilundu ca-Leza, wamumyonta. 28Nkabela Musa wakalwiida Aroni majwi oonse aa-Jehova ngaakamutumina, azitondezyo zyoonse nzyaakamulailila. 29#Kul 3:16Lino Musa a-Aroni bakaya, baakubunganya bapati boonse babana ba-Israyeli. 30Nkabela Aroni wakaamba majwi oonse aa-Jehova ngaakaambila Musa, azyalo zitondezyo wakazicita mumeso aabantu. 31#Kul 2:25; 3:16,18; Matl 24:26; Kul 12:27; 1 Mak 29:20Lino bantu bakazumina, Bamvwe buyo kuti Jehova waswaya bana ba-Israyeli, alimwi ulibwene kupenga kwabo, bakakotama akukomba.

Currently Selected:

Kulonga 4: Ibbaib63

Highlight

Copy