Ba-Efeso 3

Paulo mbwaakapegwa buapostolo bwakukambaukila bamasi

1 # Flp 1:7,13; Kol 1:24 Lino mebo ndi Paulo, ndi muntu wa-Jesu Kristo, alimwi ndi mwaange nkaambo kandinywe nubamasi. 2#Kol 1:25Ndasyoma kuti mulimvwide makani aabubanzi bwaluzyalo lwa-Leza mbundakapegwa nkaambo kanu, 3#Ef 1:9,10; Kol 1:26aciyubunuzyo ncindakatambula cakundizibya makani aasisidwe. (Ndimugwalilide kale majwi mace aakupandulula aya makani, 4#Kol 1:26-27nkabela ncobeni nimubala mulakonzya kubona luzibo ndunjisi lwakumvwisya makani aasisidwe aa-Kristo. 5Mumizukulu yakamana aya makani taakakazibisigwa kubantu, pele sunu Muuya waayubunwida baapostolo abasinsimi bakwe basalala). 6#Ef 2:13,18,19Makani ngindakayubunwidwa ngakuti bamasi babe baswaananyokwe abasizizonyina mumubili omwe abasicaabilonyina mucisyomezyo ncitusyomezegwa muli-Kristo Jesu. Eci cakaboneka nkaambo ka-Makani Mabotu, 7#Kol 1:25,29ngaonya makani ngendakatambwida busimilimo kucaabilo caluzyalo lwa-Leza ndundakapegwa kukoonda milimo kwanguzu zyakwe. 8#1 Kor 15:9,10; Ef 1:7; Gal 1:16Ime ndimuniini kwiinda bacece boonse babasalali, nekubaboobo ndime ndakapegwa olu luzyalo, kuti nkakambauke akati kabamasi buvubi butaambiki bwa-Kristo, 9#Rom 16:25; Kol 1:26,27akucita kuti bantu babonesye mbuzibede ezyo zintu zisisidwe izyakasisidwe kuzwa kumatalikilo aanyika muli-Leza, iwakalenga zintu zyoonse. 10#1 Pet 1:12; Rom 11:33; Kol 1:26Aya makani akaba kuti kuciindi ecino kujanza lyambungano beendelezi abasibwami bamumasena aakujulu bazibisigwe busongo bwamisyobo misyobo bwa-Leza, 11#Ef 1:11mbubonya mbuli bukanze bwamaindi mbwaakakanza muli-Kristo Jesu Mwami wesu. 12#Joh 14:6; Heb 4:16; Rom 5:2Mulinguwe mutujene kaanzambwene kakuswena afwiifwi cakuzyakamana, nkaambo tulasyoma nguwe. 13#Kol 1:24Aboobo ndamukumbila kuti mutalengaani nkaambo kamafwabi aangu ngindamufwabila, ikuti aya mafwabi mbobulemu bwanu.

Paulo ulakombelezezya ba-Efeso

14Nkaambo kayaaya ndafugama kuli-Wisi, 15mulinguwe coonse ciinga niciba cili mujulu niciba cili ansi caliulikidwe. 16#Ef 1:7; 6:10; Kol 1:11Ndakomba kuti bulemu bwakwe bugambya bucite kuti kujanza lya-Muuya wakwe muyumisigwe canguzu mubuntu bwanu bwamumoyo, 17#Joh 14:23; Kol 1:23; 2:7kuti Kristo akale mumyoyo yanu nkaambo kalusyomo, kuti muzyate akubombomana muluyandisyo, 18#Kol 2:2aboobo mulakonzya kumvwisya, antoomwe abasalali boonse, mbububede busasa abulamfu, abulamfu bwamunyika abulamfu bwakujulu, 19#Kol 2:3akuziba luyando lwa-Kristo ilwiinda luzibo loonse, kuti muzule luzulo loonse wa-Leza.

20 # Kol 1:29 Lino kulinguwe uukonzya kucita loko mane akwiinda zyoonse nzi tukumbila nanka nzituyeeya, mbuli inguzu zibeleka mukati kesu, 21kulinguwe akube bulemu mumbungano amuli-Jesu Kristo mumizukulu yoonse iiciza mane kukabe kutamani. Ameni.

Currently Selected:

Ba-Efeso 3: Ibbaib63

Highlight

Copy