Ba-Efeso 2

Bamasi abalo balijene buumi, Luzyalo lwa-Leza ndulwakaleta lufutuko

1 # Kol 1:21; 2:13 Lino anywebo wakamubusya, inywe nimwakafwide mundubizyo zyanu amuzibi zyanu, 2#Ef 6:12; Tit 3:3; Joh 12:31; Kol 1:13nzimwakali kweendela mulinzizyo insiku, cakutobela ziimbo zyaansi ano azyamweendelezi uujisi bwami bwakumuuwo, nguwenya muuya uubeleka sunu mumyoyo yabana bakasampusampu. 3#Kol 3:6Akati kabaaba mpotwakali kuponena aswebo kalekale, nkaambo twakali mumayabwe aanyama yesu, twakali kucita zisusi zibi zyanyama azyamyoyo yesu, nkabela mubwiime bwesu twakali bana babukali mbubonya mbuli bamwi. 4Pele Leza, Sibuuya loko, nkaambo kaluyando lwakwe lupati, ndwaakatuyandisya, 5#Lk 15:24,32; Ef 5:14; Rom 6:13nekuba kuti twakalifwide mumilandu, wakatubusya toonse antoomwe a-Kristo (luzyalo ndomufutuzidwe). 6#Rom 8:10; Flp 3:20Wakatusumpwida antoomwe anguwe akutukazika toonse mumyeenya yamujulu muli-Kristo Jesu, 7#Ef 1:7kuti mumizukulu iiza azootondezye buvubi bugambya bwaluzyalo lwakwe mulweetelelo lwakwe ndwaaetelela ndiswe muli-Kristo Jesu. 8#Gal 2:16Nkaambo kakuti luzyalo ndolumufutisizye nkaambo kalusyomo, nkabela makani taazwi kulindinywe nubeni, ncipo buyo cizwa kuli-Leza. 9#1 Kor 1:29Teensi makani aancito zyesu, pe, kuti kutabi muntu uulikankaizya. 10#Tit 2:14Nkaambo iswe tuli milimo yamaanza aakwe, twakalengelwa milimo mibotu muli-Kristo Jesu, njiyo njakabambide kale, kuti tweendele mulinjiyo.

Bamasi aba-Juda boonse bakayanzanizigwa a-Leza akuba musyobo omwe nkaambo kaciingano ca-Kristo

11 # Ef 5:8 Lino amwiibaluke mbumwakabede kalekale, inywe nobamasi nomutegwa basilulomo kulibaabo bategwa bapalule abakapalulwa munyama yabo amaanza aabantu. 12#Rom 9:4; 1 Tes 4:13Amwiibaluke kuti kuciindi eco cakamana mwakalipambukide kwa-Kristo, kamuli bazwakule kucisi ca-Israyeli, kamuli beenzu buyo kumakani aamilongo yazisyomezyo, katakwe cintu ncimwakakonzya kulangila, nkaambo kamutakwe Leza ansi. 13#Is 57:19; 52:7; Kol 1:20Pele sunu, mbuli mbumuli muli-Kristo Jesu, inywe nimwakali kule muliswenesezedwe afwiifwi nkaambo kabulowa bwa-Kristo. 14#Is 9:5; Gal 3:28; Kol 2:14Ikuti nguwe luumuno lwesu, iwakacita kuti swebo tumisyobo yobile tube bamwi, wakamwaya bulambo bwakali akati kesu ibwakatupambukenye. 15#Kol 2:14; 2 Kor 5:17Mumubili wakwe wakalobya businkondo, nkukuti milazyo iibikidwe mu-Mulao, aboobo wakacita luumuno, nkaambo kuzwa kulibaaba bobile wakalenga mukati kakwe mwini muntu omwe mupya, 16#Kol 1:20,22alimwi boonse bobile wakabayanzanya kuli-Leza mumubili omwe kunguzu zyaciingano cakwe, nciconya ncaakajazya businkondo. 17#Is 57:19; Zek 9:10Nkabela lino wakeza kuzooamba luumuno kulindinywe nimwakali kule akulimbabo ibakavulide afwiifwi. 18#Ef 3:12Nkaambo mulinguwe toonse tobile mutujene lusweno mu-Muuya omwe kuli-Taata. 19#Ef 3:6; Heb 12:22,23Nkaambo kaako sunu tamucili beenzu na kutegwa muli bazwakule, pe, muli bamusyobonyina basalali, muli baciinga ca-Leza. 20#Mt 16:18; Is 28:16Muliyakidwe atala antalisyo yabaapostolo ayabasinsimi, nkabela Jesu Kristo mwini ndibbwe lyakuciswi caŋanda. 21#Kol 2:19Mulinguwe iŋanda yoonse ili mukuyakwa ndendendende akuya bukomena kuba cikombelo cisalala icili mu-Mwami. 22#1 Pet 2:5Nkabela mumonya anywebo mumuyakidwe antoomwe kuti mube cikalilo ca-Leza camumuuya.

Currently Selected:

Ba-Efeso 2: Ibbaib63

Highlight

Copy