Deuteronomo 33
33
Musa mbwaakalongezya misyobo yaba-Israyeli
1 #
Matl 49:28; Joh 14:27; 16:33 Ngaaya majwi aalulongezyo Musa muntu wa-Leza ngaakalongezya bana ba-Israyeli katana kufwa. 2#Kul 19:18; Bab 5:4; Hab 3:3; Dan 7:10; Inc 7:53; Gal 3:19; Heb 2:2Wakati,
Jehova wakazwa ku-Sinai,
Wakatusikila kuzwa ku-Seiri mbuli bucedo,
Wakatumunikila kuzwa kucilundu ca-Parana;
Wakazwa kuzyuulu zyazyuulu zyabasalala,
Akululyo lwakwe kakuli mulilo uuyaka,
3 #
Hos 11:1; Mal 1:2; 1 Sam 2:9; Int 50:5; Lk 10:39; Inc 22:3 Wakayandisya bantu bakwe,
Abasalali bakwe boonse bakali mujanza lyako.
Bakatobela kusule lyako,
Akutambula majwi aako.
4 #
Joh 7:19
Musa wakatulailila mulao,
Kuti ube lukono lwaciinga ca-Jakobo.
5 #
Job 29:25
Aboobo wakaba mwami mucisi ca-Jesuruni,
Basilutwe babantu nebakabungene,
Antoomwe amisyobo yoonse ya-Israyeli.
6Rubeni apone, atafwi pe,
Nekuba kuti bantu bakwe balaceya,
7 #
Matl 49:8
Ngaaya makani ngaakaamba aa-Juda:
Swiilila, O Jehova, ijwi lya-Juda,
Akumunjizya mukati kabantu bakwe,
Maanza aakwe abe anguzu zyakulivunya;
Umugwasye kuli basinkondonyina.
8 #
Kul 17:7; 28:30; My 20:13; 27:21; Lev 8:8 Ngaaya makani ngaakaamba aa-Levi:
Upe Levi cisonzyo cako ca-Tumimu,
Amululami wako umupe cisonzyo ca-Urimu.
Ngonguwe ngowakasunka ku-Masa,
Akukazyanya awe kumaanzi aa-Meriba;
9 #
Dt 13:6; Mt 10:37; 12:48; Mk 10:29; Lk 14:26; Kul 32:26; Jer 18:18; Mal 2:5 lwakaamba aawisi abanyina kuti, Nsibabwene;
lwakakaka banabakwabo akuluba bana bakwe,
Nkaambo bakabamba majwi aako akukakatila kucizuminano cako.
10 #
Lev 10:11; Kul 30:7,8; Int 51:19 Bayooiyisya bana ba-Jakobo imbeta zyako,
Aba-Israyeli milao yako.
Bayookubikila tununkilizyo,
Akutenta zipaizyo acipaililo cako.
11 #
Int 20:3
Longezya imbono zyabo, O Jehova,
Amilimo yamaanza aabo itambulike kulinduwe,
Abo bababusizya inkondo, kobauma mucikungu,
Akujaya boonse babasulide, batabuki limbi,
12Ngaaya makani ngaakaamba aa-Benjamini:
Muyandwi wa-Jehova ulakala cakuliiba mulinguwe,
Ulamutabilila buzuba boonse,
Ulikede akati kazilundu zyakwe,
13 #
Matl 49:25; 27:28 Ngaaya makani ngaakaamba aa-Josefa:
Jehova alongezye nyika yakwe.
Amupe zintu ziyandisi zyakujulu,
Azyamaanzi malamfu kunsi anyika,
14Zintu ziyandika nzelimeneka izuba,
Zintu ziyandika ziboneka mumwezi umwi aumwi,
15 #
Hab 3:6
Zintu zibotu zyamumalundu aakale,
Azintu ziyandika zyakuzilundu zyaciindi,
16 #
Kul 3:2,4; Inc 7:30 Zintu ziyandika zyanyika azyoonse zili mumo,
Acoolwe ca-Yooyo iwakakede muciteo.
Ezi zyoonse ziseluke ali-Josefa,
Amutwe wayooyo iwakapambukene ababunyina,
17 #
1 Bam 22:11; Int 44:5 Mwanaakwe mutaanzi uli abulemu mbuli mupoho,
Ameja aakwe ngemeja aanyati;
Uyootandya bamasi angao,
Abatande boonse kumagolelo aanyika,
Mbubabede makamu makamu aabantu ba-Efraimu,
Azyuulu zinji zyabana ba-Manase.
18Ngaaya makani ngaakaamba aa-Zebuloni:
Amusekelele, noba-Zebuloni, mukweendeenda kwanu,
Anywebo, noba-Isakara, muzilao zyanu.
19 #
Is 2:3; Jer 50:4,5; Int 4:5 Bayootamba bantu kucilundu,
Akooko bayoopaizya zipaizyo zyabululami
Nkaambo bayoonyonka buvubi bwakulwizi
Azintu ziyandika zisisidwe zyamumusee.
20 #
Jos 13:10; 1 Mak 12:8 Ngaaya makani ngaakaamba aa-Gadi:
Alumbwe Oyo uukomezya Gadi,
Gadi ulabwantama mbuli mulavu,
Ulakwamauna kuboko akaama kamutwe koonse,
21 #
My 32:16,21; Jos 4:12 Wakalisalila nyika imbotu,
Nkaambo oko kakuli caabilo casilutwe;
Nekubaboobo wakeza abapati babantu,
Kuzoocita milimo iiluleme ya-Jebova
Ambeta zyakwe antoomwe aba-Israyeli,
22 #
Jos 19:47; Bab 18:27 Ngaaya makani ngaakaamba aa-Dani:
Dani ngumwana wamulavu, Uusotauka kuzwa ku-Basana,
23 #
Jos 19:32
Ngaaya makani ngaakaamba aa-Nafitali:
Nywebo noba-Nafitali, mulikutide luzyalo,
Mulizwide coolwe ca-Jehova.
Amuvube Iziba anyika yakumusanza,
24 #
Job 29:6
Ngaaya makani ngaakaamba aa-Aseri:
Aseri alongezegwe kwiinda bana boonse,
Abe acoolwe akati kababunyina,
Myeendo yakwe ilyataule mulimafuta.
25Minkulu yako ilaba butale amukuba,
Anguzu zyako zinooba mbuli myaka yako,
26 #
Kul 15:11; Int 86:8; Jer 10:6; Int 68:4,33,34; 104:3; Hab 3:8 Taakwe uuli mbuli Leza wa-Jesuruni,
Uuza butantide kuzwa kujulu kuzookugwasya,
Akweenda mujulu mubulemu bwakwe,
27 #
Int 90:1
Leza uuteeli ngemakalilo aako,
Amaboko aakwe aatamani alakutabilila,
Ngonguwe wakatanda basinkondonyoko kunembo lyako,
Cakwaamba kuti, Banyonyooke.
28 #
Jer 23:6; 33:16 Aboobo Jakobo wakakala cakuliiba,
Kasensa ka-Israyeli kalikede kalike,
Munyika yamaila ayawaini;
Ncobeni ijulu lyakwe lilawisya mume.
29 #
Int 144:15; 2 Sam 7:23 Muli acoolwe noba-Israyeli!
Taakwe bantu bali mbuli ndinywe,
bavunwa kuli-Jehova!
Nintobo iimugwasya,
Ndipanga lyakuzundya!
Basinkondonyoko banooza bulibombya kulindinywe,
Pele nywebo munooya bulyataula atala lyazilundu.
Currently Selected:
Deuteronomo 33: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
