Deuteronomo 34
34
Lufu lwa-Musa
1 #
Jos 19:40-48; Bab 18:28 Lino kuzwa kumageze aa-Moabu Musa wakatanta cilundu ca-Nebo, kumutwe wa-Pisiga, uulangene a-Jeriko, Nkabela Jehova wakamu bonya yoonse nyika ya-Gileadi mane kusikila ku-Dani, 2#Kul 23:31; My 34:6; Dt 11:24; Jos 15:12acisi coonse ca-Nafitali, anyika ya-Efraimu aya-Manase, acisi coonse ca-Juda mane kusikila kulwizi lwakumbo, 3#Bab 1:16; 3:13; 2 Mak 28:15acisi cakumusanza, amwezi wa-Jeriko munzi watukunka, mane kusikila ku-Zoari. 4#Matl 12:7; 26:3; 28:13Lino Jehova wakamwaambila kuti, Njeeyi nyika njendakakonkezya Abrahamu a-Izaka a-Jakobo cakwaamba kuti, Njooipa lunyungu lwanu. Ndakubonya njiyo ameso aako, pele tokoonjila rmiliniiyo pe. 5#Dt 32:50; Jos 1:1,2; Mal 4:4Elyo Musa mulanda wa-Jehova wakafwa nkukonya oko kucisi ca-Moabu, mbubonya mbwaakaamba Jehova. 6#Jud 1:9Nkabela wakamuzika mukuti lyakucisi ca-Moabu lilangene a-Beti-Peori. Taakwe muntu naba omwe uubwene kabanda kakwe nkukabede, akusikila sunu. 7#Dt 31:2; Matl 27:1; 48:10; Jos 14:10Musa kajisi myaka iili mwanda amakumi obile naakafwa. Meso aakwe kaatakwe gubi, anguzu zyakwe kazitana kumana. 8#Matl 50:3; My 20:29; 1 Sam 25:1; Is 57:1; Inc 8:2Nkabela bana ba-Israyeli bakalila Musa mazuba aali makumi otatwe oko kumageze aa-Moabu. Mpawo mazuba aakulila Musa akamana.
9 #
Kul 31:3; My 11:17; 1 Bam 9:12; Is 11:2; Dan 6:3; My 27:18 Pele Joshua mwana wa-Nuni kazwide muuya wabusongo, nkaambo Musa wakabika maanza alinguwe, aboobo bana ba-Israyeli bakamuswiilila akucita mbubonya mbuli Jehova mbwaakalailila Musa. 10#Kul 33:11; Dt 18:15,18; My 12:6; Dt 5:4Takunabwenekede musinsimi aumbi akati kaba-Israyeli uuli mbuli Musa, ngubakazibana a-Jehova busyu kubusyu. 11Takunabwenekede umwi uuleene awe muzitondezyo zyoonse amumilimo yoonse iigambya Jehova njaakamutumide kuti aicite munyika ya-Egepita, kuli-Farao akubantu bakwe boonse akunyika yakwe yoonse, 12amunguzu zyakwe zigambya amumilimo mipati iiyoosya Musa njaakacita mumeso aaba-Israyeli boonse.
Currently Selected:
Deuteronomo 34: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
