Deuteronomo 32

Lwiimbo lwa-Musa

1 # Int 50:4; Is 1:2; Jer 2:12; 6:19 Swiilila, O julu, ngambe;

Ayalo nyika iteelele majwi aamulomo wangu,

2 # 2 Sam 23:4; Job 29:22,23; Is 55:10; Hos 6:4; 14:5; 1 Kor 3:6,8; Heb 6:7; Int 72:6 Lwiiyisyo lwangu luloke mbuli imvula,

Majwi aangu aseluke mbuli mume,

Mbuli lusuunsu amweemvwe,

Ambuli luzwamina abwizu,

3Nkaambo ndaamba izina lya-Jehova.

Amupe Leza wesu bulemu!

4 # 2 Sam 22:31; Dan 4:37; Jer 10:10; Job 34:10 Nindomba, amilimo yakwe yoonse ililuleme,

Nkaambo inzila zyakwe zyoonse zililuzi.

Ngu-Leza uusyomeka uutakwe cibi;

Uliluleme, uliluzi.

5Bamubisizya,

Tabacili bana bakwe nkaambo katumpenda twabo.

Musela uupilingene uutaluzi,

6 # Int 116:12; Is 63:16; 2 Sam 7:23; Int 74:2 Sa mbuboobo mbumulumba Jehova,

Inywe nobantu bafubafuba batakwe busongo?

Sa teensi usowanu iwakamulenga?

Ngonguwe iwakamubumba akumubika.

7Amwiibaluke mazuba aaciindi,

Amuyeeye myaka yamazyalani aakamana.

Amubuzye bamauso, bamulwiide.

Bapati banu bamupandulwide makani.

8 # Inc 17:26; Zek 9:2; Matl 11:8 Mupati-kampatila naakaabila bamasi lukono lwabo,

Naakaandaanya bana ba-Adamu,

Wakabika migaano yamisyobo,

Mbubonya mbuli mweelwe wabaangelo ba-Leza,

9 # 1 Sam 10:1 Nkaambo lukono lwa-Jehova mbantu bakwe,

Musyobo wa-Jakobo ncaabilo cakwe,

10 # Dt 4:36; Neh 9:20; Int 32:7,10; 147:19,20; Rom 2:18; 3:2; Int 17:8; Tus 7:2 Wakabajana munyika yacimpayuma,

Munkanda iipilingene iiyoosya.

Wakabafukatila akubalela,

Wakababamba mbuli imboni yaliso.

11Mbuli musika mbwabusya citente cakwe,

Mbwababama-babama atala abana bakwe,

Mbwatandabika mababa aakwe akubatambula,

Mbwabayumuna amapepe aakwe,

12Mbubonya obo Jehova alike wakali kubazulwida

Katakwe baleza beenzu akati kabo.

13 # Is 58:14; Job 29:6 Wakabatantika azilundu zyanyika,

Nkabela bakaiya zilyo zyakumyuunda,

Wakabanyonsya buci mundomba,

Amafuta mumwaala muyumu nta,

14 # Int 147:14; Matl 49:11; Mt 26:28,29; Joh 6:55,56 Amabisi aaŋombe amalili aampongo,

Amafuta aatubelele abagutu,

Matanga aa-Basana abasijembwe,

Abusu bunante bwabulotwe,

Amusinza wamasaansa uufufuma-fufuma,

15 # Is 1:4; Int 89:26 Pele Jesuruni naakanenea, wakutambula;

Mwakanenea akuba amafuta loko.

Mpawo bakaluba Leza Mulengi wabo,

Akusampaula indomba yalufutuko lwabo.

16Bakamufwisya ibbivwe abaleza babo beenzu,

Akumukalazya azintu zyabo zisesemya.

17 # 1 Kor 10:20 Bakapaila zyeelo zitakwe baleza,

Baleza mbebatezi,

Baleza bapya bazwa kule,

Bamawisaabo mbebatakayoowa.

18Mwakaleka kuyeeya Indomba iyakamuzyala;

Leza iwakamubumba mwakamuluba.

19Lino Jehova naakabona, wakabasampaula;

Nkaambo kakukalazya kwabana bakwe balombe abanakazi.

20 # Mt 17:17 Wakati, Njoosisa busyu bwangu kulimbabo,

Nkabone mamanino aabo na ayooba buti.

Nkaambo musela uuleyauka,

Bana batasyomeki.

21 # 1 Kor 10:22; Rom 10:19; 1 Sam 12:21 Bandifwisya ibbivwe azintu zitali baleza,

Bandikalazya kulizyabuyo zyabo,

Lino ambebo njoobafwisya ibbivwe abaabo batali bantu, Njoobakalazya kumusyobo uusampukide.

22 # Malo 4:11 Nkaambo mulilo wadukuka mubukali bwangu,

Uutenta akusikila kwacimvumwe,

Uutenta nyika amicelo yayo,

Akuumpa intalisyo zyamalundu.

23Njoolundika mapenzi alimbabo,

Njoobanyonyoona amivwi yangu,

24Bayoonyonyooka kunzala akumulasa aapya,

Alunyonyooko luyoosya.

Njoobatumina banyama bakubaluma,

Abauka bakubakozya.

25 # Malo 1:20 Anze ipanga liyoobanyonyweda,

Amwalo muŋanda muyooba luyoosyo.

Bayoojayigwa bakubusi abasimbi boonse,

Bana bacinyonka abadala basimvwi.

26Ndakati bamwaisye,

Kabataciyeeyegwi limbi akati kabantu,

27 # Int 140:8 Pele ndakayoowa kukalazigwa kuli basinkondonyina;

Ndakayoowa kuti basikubasula balaambila mumbi,

Cakwaamba kuti, Maanza esu ngaazunda,

Teensi Jehova wakacita obo.

28Nkaambo mbantu babula maanu,

Taakwe busongo mulimbabo.

29 # Int 81:13 Nebali basongo, nebamvwisya aya makani,

Nebabona ciyoobazida kumamanino.

30 # Jos 23:10; Int 44:12 Muntu omwe atande buti bantu bali cuulu?

Bantu bobile bapozye buti zyuulu zili ikumi?

Cita Indomba yabo yabaaba,

Alimwi Jehova wabalekelezya.

31 # 1 Sam 4:8; Jer 40:3 Nkaambo indomba yabo tiili mbuli Indomba yesu.

Basinkondoma besu bazumina obo.

32Nkaambo musaansa wabo ndunyungu lwa-Sodoma,

Luzwa kumyuunda ya-Gomora;

Masaansa aabo ngemasaansa aakola,

Zikungo zyabo zilalula;

33Musinza wao mbuyoka bwanzoka,

Buyoka buyoosya bwankombola.

34 # Job 14:17 Sa aya makani taayobwedwe kulindime?

Sa taanamatikidwe muzilondwedo zyangu,

35 # Rom 12:19; 13:4; Heb 10:30; Int 94:1 Lubeteko ndulwangu, njoobweedezya bulumbu bweelede,

Maulu aabo naayoolebwa;

Nkaambo buzuba bwamapenzi aabo buli afwaafwi,

Mulandu wabo ulabasikila lino lino,

36 # Int 135:14; Bab 2:18; Int 90:13; 105:45; Jer 31:20; Joel 2:14 Nkaambo Jehova uyoobeteka makani aabantu bakwe,

Uyoofwida balanda bakwe luzyalo,

Naayoobona kuti inguzu iyabo zyamana,

Alimwi taakwe uusyaala, naba mwaange naba mulubusi.

37 # Bab 10:14; 2 Bam 3:13; Jer 2:28 Lino uyoobuzya kuti, Bali kuli baleza babo?

Ili kuli indomba nkubakacijila?

38Bali kuli basikulya mafuta aazipaizyo zyabo,

Abasikunywa waini ngubakatila?

Abanyamuke, bamugwasye,

Babe basikumutabilila.

39 # Is 41:4; 45:5; 46:4; 1 Sam 2:6; 2 Bam 5:7; Job 5:18; Int 68:20; Is 43:13; Hos 6:1 Amubone lino! Ndime uuliwo! Ndime!

Taakwe Leza umbi kunze kwangu.

Ndime uujaya akuponya,

Ndime uuyasa akusilika;

Taakwe uukonzya kuvuna kumaanza aangu,

40 # Kul 6:8 Nkaambo ndasumpula ijanza lyangu kujulu,

Ndakonkezya cakwaamba kuti,

Mbundi muumi lyoonse,

41Na ndasyobola ipanga lyangu libeka,

Na ijanza lyangu lyajata lubeteko,

Ncobeni ndaliya inkoto kulibasinkondoma,

Abandisulide ndababweedezya bulumbu bweelede,

42 # Job 13:24 Mivwi yangu njooikozya bulowa,

Apanga lyangu liyoolya nyama,

Nkokuti bulowa bwabajayidwe abwabasimubuzike,

Buzwa kumitwe yabasinkondonyina balamfu masusu.

43 # Rom 15:10; Ciy 19:2; 6:10; Int 85:1 Amutembaule bantu bakwe nobamasi,

Nkaambo ulaliya inkoto yabalanda bakwe.

Ulaliya inkoto kuli basinkondonyina,

Akumanya milandu yanyika yabantu bakwe.

44Lino Musa wakazooamba majwi oonse aalwiimbo olu mumatwi aabantu, walo a-Joshua mwana wa-Nuni. 45Nkabela Musa naakamana kwaambila ba-Israyeli boonse majwi aya oonse, 46wakabaambila kuti, Amubike myoyo yanu kumajwi oonse ngendamucenjezya buzuba obuno, kuti mukalailile bana banu mbubonya, kuti bacenjele kubamba majwi oonse aayooyu Mulao. 47#Tus 3:2; Rom 10:5Nkaambo tacili cintu ciniini buyo pe, mbobuumi bwanu. Mumakani aya momukonzya koongweda munyika eyo njemuyoovuba mutala lya-Jordano.

Leza mbwaakalailila Musa kutanta cilundu ca-Nebo

48 # My 27:12-14; Dt 3:23-27 Lino mubuzuba obo mbubonya Jehova wakaambila Musa kuti, 49Tanta eci cilundu ca-Abarimu, cilundu ca-Nebo munyika ya-Moabu, cilangene a-Jeriko, uebele nyika ya-Kanana njendapa bana ba-Israyeli kuti baivube. 50Nkabela ulafwa oko kucilundu nkosi tante, utolwe kulibamauso, mbubonya mbuli Aroni munyoko mbwaakafwa kucilundu ca-Hori akutolwa kulibasikale bakwe, 51#My 20:11nkaambo mwakandipapila akati kabana ba-Israyeli kumaanzi aa-Meriba-Kadesi munkanda ya-Zini, nkaambo mwakabula kundilemeka akati kabana ba-Israyeli. 52Kubona ulabona nyika ameso aako kule, pele kusika tokooyoosika oko kunyika njendapa bana ba-Israyeli.

Currently Selected:

Deuteronomo 32: Ibbaib63

Highlight

Copy