Deuteronomo 24
24
Lugwalo lwakulekana amilao imwi iisiyenesiyene
1 #
Mt 5:31; 19:7; Mk 10:4 Na mwaalumi weeba mwanakazi akumukwata, lino musule wamubijila, nkaambo wajana cintu cuusya insoni mulinguwe, aboobo wamulembela lugwalo lwakulekana, walubika mumaanza aakwe, wamutanda kuzwa kuŋanda yakwe, elyo amana kuzwa kuŋanda yakwe, 2waakukwatwa kumwaalumi umbi, 3nkabela oyo mwaalumi wabili wamusula, wamulembela lugwalo lwakulekana, walubika mumaanza aakwe, wamutanda kuzwa kuŋanda yakwe, alimwi na wafwa mwaalumi wabili iwakamukwata, 4#Jer 3:1mulumaakwe mutaanzi iwakamukwete, iwakamutanda, takonzyi kumubweedela alimwi kuti amukwate, naamana kusofwaazigwa. Kucita obo ncisesemyo kumeso aa-Jehova, cilaleta mulandu kunyika Jehova Leza wanu njamuvubya.
5 #
Tus 5:18
Muntu uuzwa kukwata mwanakazi teelede kuya abasilumamba kuyoolwisya nekuba kupegwa milimo imwi; alekwe, akale kumaanda mwaka omwe, akondezye mwanakazi wakwe ngwakwete.
6 #
Is 47:2
Cilatondwa kutola iziyo naba mwanankando mbuli citondezyo calusyomezyo, nkaambo ncintu comwe akutola buumi.
7 #
Kul 21:16
Na kwajanwa muntu uubba mu-Israyelinyina kuti amunjizye mubuzike nanka kumuulisya, oyo mubbi uleelede kufwa. Mbuboobo mbumweelede kunyonyoona bubi akati kanu,
8 #
Lev 13:2; 14:2; Mt 8:4; Mk 1:44; Lk 5:14; 7:14 Amucenjele mumakani aabulwazi bwacinsenda, Amucenjele loko kuti mucite zintu zyoonse bapaizi ba-Levi nzebamwiiyisya. Mbubonya mbundabalailila, amucenjele kuti mucite obo. 9#My 12:10; Lk 17:32; 1 Kor 10:6Mutalubi Jehova Leza wanu ncaakacitila Miriamu munzila ciindi cakuzwa ku-Egepita.
10 #
Kul 22:26-27
Na wakolotya mweenzinyoko cikoloto niciba comwe, utainki muŋanda yakwe kuyoogwisya cisyomezyo cakwe. 11Ima buyo anze, kuti oyo muntu ngokolotya akuletele cisyomezyo cakwe anze. 12Nkabela na muntu mucete, toelede koona acisyomezyo cakwe. 13#Kul 22:26; Job 24:7,8; 31:16-20; Ezk 18:7,12,16; 33:15; Am 2:8; Job 29:11; 31:20; 2 Kor 9:13; 2 Tim 1:18; Dt 6:25; Int 106:31; 112:9; Dan 4:27Lyabbila buyo izuba, ncobeni uleelede kumubweedezezya cisyomezyo cakwe, kuti aone mulicakulivumba cakwe, akulumbe. Aya makani ayookubeda bululami kumeso aa-Jehova Leza wako.
14 #
Lev 19:13; Tus 14:31; Am 4:1; Mal 3:5 Toelede kupenzya similimo mucete uufwabide, naba sikamukowanyoko naba mweenzu uukede muminzi yamunyika yanu. 15#Lev 19:13; Jer 22:13; Job 27:13; 35:9; Jak 5:4Uleelede kumupa zyakuvola zyakwe izuba kalitana kubbila, nkaambo mucete, abuumi bwakwe buli alinzizyo. Cenjela kuti atakwiilile Jehova nkaambo kanduwe; cenjela kuti utapegwi mulandu.
16 #
2 Bam 14:6; 2 Mak 25:4; Jer 31:29,30; Ezk 18:20 Bamawisi tabeelede kujayigwa nkaambo kabana, abalo bana tabeelede kujayigwa nkaambo kabamawisi. Muntu umwi aumwi afwide cibi cakwe mwini.
17 #
Kul 23:9; Lev 19:33-34; Dt 27:19; Kul 22:21,22; Tus 22:22; Is 1:23; Jer 5:28; Zek 7:10; Mal 3:5; Kul 22:26 Mutapilinganyi kubetekwa kweelede mweenzu naba mucaala, azyakusama zyamukamufu mutazitoli cakusyomezyanya. 18Mutalubi kuti anywebo mwakali bazike munyika ya-Egepita. Jehova wanu wakamunununa nkuko; ncencico ncendamulailila kucita obo.
19 #
Lev 19:9-10; 23:22; Tus 19:17 Ciindi cakutebula zilyo zyako zyakumuunda, na waluba mupusa mumuunda, utapiluki kuyooubweza; ube wamweenzu awamucaala awamukamufu, kuti Jehova Leza wako akulongezye mumilimo yoonse yamaanza aako. 20Alimwi ciindi cakukoonza maolifa aako, utaindululi; micelo iisyeede ibe yamweenzu ayamucaala ayamukamufu. 21Alimwi ciindi cakucela masaansa aako, utavululi; micelo iisyeede ibe yamweenzu ayamucaala ayamukamufu, 22Mutalubi kuti mwakali bazike munyika ya-Egepita; nciceeco ncindamulailila kucita obo.
Currently Selected:
Deuteronomo 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
