Deuteronomo 22
22
Milao yambono ziswekede azintu zimwi
1 #
Kul 23:4-5; Rom 12:10; 2 Pet 1:7; 1 Joh 3:15; 4:21; Tus 27:10; Zek 7:9 Na wabona iŋombe yamweenzinyoko nanka imbelele yakwe iiswekede, toelede kuumuna buyo; ncobeni uleelede kwiitola kumweenzinyoko. 2Na tali kufwaafwi, nanka kutazibwa, uleelede kwiitola kuŋanda yako, ikale kulinduwe mane mweenzinyoko aiyandaule; aibona umupe. 3Mbubonya obo mboelede kucitila imbongolo yakwe, Mbubonya obo mboelede kucitila zyakusama zyakwe. Mbubonya obo mboelede kucitila kufumbwa cintu ncaswekelwa ncobweza, Toelede kuumuna buyo pe. 4Alimwi na wabona imbongolo yamweenzinyoko, nanka musune wakwe, iliwide munzila, toelede kuumuna buyo, Ncobeni uleelede kwiibusya,
5 #
1 Kor 14:40
Mwanakazi teelede kusama zyakusama zyamwaalumi, alakwe mwaalumi teelede kusama zyakusama zyamwanakazi. Kufumbwa uucita obo ncisesemyo kuli-Jehova Leza wanu.
6 #
Lev 22:28; Neh 9:6; Int 36:6; 145:9; Tus 12:10; Mt 10:29; Lk 12:6 Na wajana citeente camuyuni munzila, nokuba kumusamu naaba ansi, cili ansalalila na mai, alimwi kayuni kalikede ansalalila na mai, toelede kutola kanyina antoomwe atwana; 7#Dt 4:20uleke kanyina, kainke, twana ututole, kuti ukale kabotu akoongola.
8Na wayaka iŋanda impya, boola lululi citabililo, kuti utaleteli iŋanda yako mulandu wabulowa na muntu waloka.
9 #
Lev 19:19; Mt 6:24; 9:16; 2 Kor 6:14-16; 11:3 Utabyali muunda wako wamasaansa ambuto zyobile; wacita obo, zyoonse buyo zilasalalila cikombelo, nkokuti imbuto nzobyalide amasaansa eni, 10#2 Kor 6:14-16Utalimyi musune ambongolo antoomwe, 11#Lev 19:19Utasami cikobela camasani aavwelene, boya abutonge antoomwe.
12 #
My 15:37-41; Mt 23:5 Ulicitile mayayila azyooko zyone zyacikobela cako ncosama.
Imwi milao yalukwato
13 #
Matl 29:21; Bab 15:1; Ef 5:28,29 Na mwaalumi wakwata mwanakazi, waswanaana awe, nkabela wamusula, 14wamupa kaambo, wasampaula izina laykwe, cakwaamba kuti, Oyu mwanakazi ndakamukwata, pele nendakaswanaana awe teendakajana bunakalindu mulinguwe. 15Lino wisi musimbi oyo abanyina babweze zitondezyo zyabunakalindu bwakwe, bazilete kubapati kumulyango wamunzi. 16Mpawo wisi musimbi aambile bapati kuti, Oyu mwaalumi ndakamupa mwanaangu musimbi, kuti amukwate, pele wamusula, 17aboobo wamubikila kaambo, wati, Nsendajana bunakalindu mumwanaako. Bona! Nzeezi zitondezyo zyabunakalindu bwamwanaangu. Amana kwaamba obo, ayanike cisani kumeso aabapati bamunzi. 18#Kul 18:21; Dt 1:9-18; Rom 13:4Mpoonya awo bapati bamunzi babweze oyo mwaalumi, bamuume. 19Nkabela baleelede kumubbadelesya mali aansiliva aali mwanda, bape wisi musimbi, nkaambo wasampaula izina lyanakalindu mu-Israyeli. Nkabela unooli banakwe, takonzyi kumuleka pe buumi bwakwe boonse. 20#Dt 17:4Pele na makani ngakasimpe, na zitondezyo zyabunakalindu taziboneki mumusimbi, 21#Matl 34:7; Lev 21:9; Bab 20:6,10; 2 Sam 13:12,13; Dt 13:5; 17:7; 19:19baleelede kutola oyo musimbi kumulyango waŋanda yawisi, kuti bantu bamumunzi bamufuse mabwe, afwe, nkaambo wacita citondwa mucisi ca-Israyeli kukucita bwaamu naakacili muŋanda yawisi. Mbuboobo mbomweelede kunyonyoona bubi akati kanu.
22 #
Lev 20:10; Tus 6:22; Mal 3:5; Mt 5:27,28; Joh 8:5; 1 Kor 6:9; Heb 13:4 Na mwaalumi wajanwa ulilede amwanakazi uukwetwe, baleelede kujayigwa boonse bobile, mwaalumi iwakalalika amwanakazi iwakalalikwa, Mbuboobo mbomweelede kunyonyoona bubi mucisi ca-Israyeli.
23 #
Mt 1:18,19 Na kuli nakalindu uutangidwe mwaalumi, nkabela mwaalumi umbi wamujana mumunzi akoona awe, 24#Dt 21:14; Mt 1:20,24muleelede kubaleta boonse bobile kumulyango wamunzi oyo akubafusa mabwe, bafwe. Musimbi ulafwa nkaambo kakuti taakwe naakalila nekuba kuti kali mumunzi, amwaalumi ulafwa nkaambo kakuti wasofwaazya mukamweenzinyina. Mbuboobo mbomweelede kunyonyoona bubi akati kanu.
25Pele na mwaalumi wajana musimbi uutangidwe musokwe, lino wamwaandila, oyo muntu iwakamwaandila ulafwa alike. 26Mutacitili musimbi cintu pe. Musimbi tacitide kaambo keelede lufu. Aya makani aleelene amakani aamuntu uujaya mweenzinyina. 27Nkaambo wakamujana musokwe, elyo musimbi uutangidwe wakalila pele katakwe sikumuvuna.
28 #
Kul 22:16-17
Na mwaalumi wajana nakalindu uutatangidwe, woona awe, nkabela bajanwa, 29oyo mwaalumi iwamulalika uleelede kubbadela wisi musimbi mali aansiliva aali makumi osanwe, lino ulaba mwanakazi wakwe, nkaambo wamusofwaazya kale; takonzyi kumuleka buumi bwakwe boonse.
30 #
Lev 18:8; 20:11; Dt 27:20; 1 Kor 5:1; Matl 9:22,27; Rut 3:9; Ezk 16:8 Mwaalumi teelede kukwata muka wisi na koona awe.
Currently Selected:
Deuteronomo 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
