Deuteronomo 21
21
Mulao wabajayidwe kubantu batazibwa
1 #
Int 9:12; Tus 28:17 Munyika eyo Jehova Leza wanu njayoomuvubya, na kwajanwa muntu uujayidwe ulidumene musokwe, nkabela takuzibwi na ngwani waka mujaya, 2bapati banu ababetesi banu baye, bakapime musinzo mbuubede kuzwa kuminzi iizyungulukide mutunta. 3Lino bapati bamunzi oyo uuli kufwaafwi babweze citole citana kubopwa na kubelesegwa milimo. 4Lino bapati bamunzi batole eco citole kukalonga katayuminini, nyika nkwiitana kulimwa nanka kubyalwa, bakosole mutwe waco nkukonya oko kukalonga. 5#1 Mak 23:13; Dt 17:8,9Bamana kucita obo, baswene bapaizi, bana ba-Levi, nkaambo mbembabo Jehova Leza wanu mbaakasala kuti bacite milimo yabupaizi akulongezya bantu muzina lya-Jehova, alimwi kumulotno wabo makani oonse ankazyano zyoonse nkoziyookoswedwa. 6#Job 9:30; Int 19:12; 73:13; Jer 2:22; Mt 27:24; Heb 9:10Nkabela bapati boonse bamunzi oyo uuli kufwaafwi kumuntu uujayidwe baleelede kusanzya maanza aabo atala lyacitole cikoswedwe mutwe oko kukalonga, 7#2 Sam 3:28bakonkezye kuti, Teensi maanza esu aakatila obu bulowa, ameso esu taakwe naakabona sikujaya. 8#Jer 26:15; Ezk 22:3; Joh 1:14; 1 Tes 2:15,16Kolekelela bantu bako ba-Israyeli mbowakanununa, O Jehova; utabapi bantu bako ba-Israyeli mulandu wabulowa bwabatakwe kaambo. 9#Dt 19:13Mbuboobo mbomweelede kumanya mulandu wabulowa butakwe kaambo akati kanu, nemucita ciluleme mumeso aa-Jehova.
Mulao wakukwata mwanakazi mwaange
10 #
2 Mak 32:8; Jos 21:44 Ciindi cakuya kuyoolwisya basinkondonyokwe, Jehova Leza wanu na wabaaba mumaanza aanu, alimwi mwaanga baange, 11na akati kabaange wabona mwanakazi uuebeka, alimwi moyo wako ulayandisya kumukwata, abe mukaako, 12umutole kuŋanda yako, alinyoole kumutwe akugonka maala. 13#Int 45:10Lino asamunune zyakusama zyakwe zyabwaange, akale muŋanda yako, alile wisi abanyina mwezi uuzulide. Amane kucita obo, ulakonzya kuswanaana awe akumukwata, abe mukaako. 14#Matl 34:2; Bab 19:24Na wabula kukubotezya, ulakonzya kumuleka kuti aye kufumbwa nkwayanda, pele kuulisya toelede kumuulisya pe; toelede kumucitila mbuli muzike, nkaambo wamusofwaazya kale.
Bulemu bwamwana mutaanzi
15 #
Matl 29:33
Na muntu ulikwete banakazi bobile, umwi kayandwa, umwi kasulidwe, nkabela bamuzyalila bana, uuyandwa auusulidwe boonse, alimwi mwana mutaanzi nguwayooyo uusulidwe, 16#2 Mak 11:19; 21:3; Rom 8:29lino mubuzuba bwakukonya bana bakwe imbono zyakwe, teelede kucitila mwana wayooyo uuyandwa mbwaelede kucitila mwana wauusulidwe iwakataanguna kuzyalwa. 17#Matl 25:5,6,31; 1 Mak 5:1; Matl 49:3Ncobeni uleelede kupa oyo mwana wauusulidwe bulemu bweelede mwana mutaanzi, nkokuti kumupa zyaabilo zyobile zyambono zyoonse nzyajisi, nkaambo ngematalikilo aabupati bwakwe, aboobo bulemu bwamwana mutaanzi mbubwakwe.
Mulao wabana basizinguni
18 #
Kul 20:12; 21:15,17; Lev 19:3; 21:9; Tus 1:8; 15:5; Ef 6:1 Na muntu ulijisi mwana sicinguni uupenzya, uukaka kuswiilila ijwi lyawisi alyabanyina, uutakonzya kweempwa nekuba kuti bamuuma, 19bamujate wisi abanyina, bamutole kubapati bamunzi wakwe, kumulyango wamunzi, 20baambile bapati bamunzi kuti, Oyu mwaneesu ngusicinguni, ulapenzya, taswiilili majwi esu, mutaka mukolwi. 21#Dt 19:19; 13:11Mpawo bantu boonse bakumunzi wakwe bamufuse mabwe, afwe. Mbuboobo mbumweelede kunyonyoona bubi akati kanu, kuti ba-Israyeli boonse bamvwe, bayoowe.
Mulao wakuzika basinwa azisamu
22 #
Dt 22:26; 1 Sam 26:16; Mt 26:66; Inc 23:29 Na muntu wacita cibi ceelede lufu, alimwi wajayigwa cakusinwa, 23#Gal 3:13; Jos 8:29; Joh 19:31; Lev 18:25; My 35:34mutunta wakwe tuuelede kusiigwa acisamu masiku oonse, pe; muleelede kumuzika buzuba obo mbubonya, nkaambo muntu uusinidwe uli alutuko kumeso aa-Leza, Mutasofwaazyi nyika yanu Jehova Leza wanu njamukonya.
Currently Selected:
Deuteronomo 21: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
