Deuteronomo 20
20
Milao yalumamba
1 #
Int 20:7; Is 31:1; My 23:21; Dt 31:6,8; 2 Mak 13:12; 32:7,8; Int 23:4; Is 41:10 Na mwaya kuyoolwisya basinkondonyoko, akubona imbizi ankalaki abantu banji kwiinda ndinywe, mutabayoowi pe, nkaambo Jehova Leza wanu iwakamugwisya munyika ya-Egepita uli anywebo. 2Nkabela kuciindi cakuyanda kutalika kulwa, mupaizi aboole kuzooambila bantu, 3abaambile kuti, Amuswiilile noba-Israyeli, Sunu mwaamba kulwisya basinkondonyoko; myoyo yanu itatuntaani; mutayoowi nekuba kukankama kubusyu bwabo, 4#Dt 1:30; 3:22; Jos 23:10nkaambo Jehova Leza wanu nguumuzulwida kuti amulwide kulibasinkondonyokwe akumuzundya. 5#Neh 12:27Abalo basilutwe baambile bantu kuti, Kufumbwa muntu uuyakide iŋanda impya, pele tanaisalazya, apiluke kuŋanda yakwe; atene ulafwa munkondo, lino muntu umbi ulaisalazya. 6Kufumbwa muntu uulimide muunda wamasaansa, pele tana kulya micelo yawo, alakwe apiluke kuŋanda; atene ulafwa munkondo, lino muntu umbi ulalya. 7#Dt 24:5Kufumbwa muntu uukalide mwanakazi, pele tana kumutola kuŋanda, alakwe apiluke kumunzi; atene ulafwa munkondo, lino muntu umbi ulamukwata. 8#Bab 7:3Alimwi basilutwe baambile bantu kuti, Kufumbwa muntu uuli amoyo uutunteene akuyoowa apiluke kumunzi, kuti myoyo yabeenzinyina itatyompezegwi mbuli moyo wakwe. 9Lino basilutwe bamana buyo kwaambila bantu, babike basilutwe bakuzulwida bantu.
10 #
2 Sam 20:18,20 Mwaswena buyo kumunzi kuulwisya, amutaangune kwaamba aluumuno. 11#1 Bam 9:21Lino na bavwiila caluumuno akumujalwida milyango, bantu boonse bamumunzi oyo balaba basicibbalo, bamumanine milimo. 12Pele na bakaka kutambula luumuno, na babusya inkondo, amubasinkinizye. 13#My 31:7Lino Jehova Leza wanu na waaba oyo munzi mumaanza aanu, amujaye baalumi boonse apanga; 14#Jos 8:2; 22:8pele banakazi, abana, aŋombe, ambono zimwi zyoonse zyamumunzi, amuzisaale, zibe zyanu; amuzilye zisaalo zyabasinkondonyokwe Jehova Leza wanu nzyamupa. 15Mbuboobu mbumweelede kucitila minzi yoonse iili kule loko, nkokuti minzi iitali yabamasi bali okuno. 16#My 21:2,3,35; 33:52; Dt 7:1,2; Jos 11:14Pele muminzi yabantu abana Jehova Leza wanu njamupa kuti mwiivube, mutasii naba omwe uucipona; 17amubanyonyoone boonse buyo, ba-Hiti aba-Amori, ba-Kanana aba-Perizi, ba-Hivi aba-Jebusi, mbubonya mbuli Jehova Leza wanu mbwaakalailila; 18#Kul 34:12-17; Kul 23:33; Dt 7:4; 12:30; 18:9; Jos 23:12,13; 1 Kor 15:33; 2 Bam 21:3,15; Int 106:34-41; Hos 8:11kuti batamwiiyisyi kucita zisesemyo zyabo nzibacitila baleza babo, mutabisizyi Jehova Leza wanu.
19Na mwasinkinizya munzi ciindi cilamfu, akuulwisya kuti muuzunde, mutanyonyooni misamu yawo akwiitema atuleba. Kulya amulye micelo yayo, pele kutema mutatemi pe. Sa misamu mbantu? Sa ileelede kusinkinizigwa? 20Misamu njozi kuti teensi misamu iiligwa, eyo ilike ilakonzya kutemwa akunyonyoonwa, kuti muyake zyakusinkinizya munzi ngomuli mukulwisya mane lumwi ukazundwe.
Currently Selected:
Deuteronomo 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
