Deuteronomo 19
19
Minzi yamayubilo
1 #
Jos 20:1-9
Jehova Leza wanu naayoomanisya kunyonyoona bamasi bali anyika njamupa Jehova Leza wanu, mwamana buyo kubatanda akukala mumaanda aabo, 2#Jos 20:2muleelede kulibikila minzi yotatwe mukati kanyika njamuvubya Jehova Leza wanu. 3Amubambe inzila, mupambule nyika njamuvubya Jehova Leza wanu muzipanzi zyotatwe, kuti sikujaya muntu abe amayubilo.
4Lino ngaaya makani aasikujaya muntu uukonzya kucijila nkuko kuti apone. Kufumbwa muntu uujaya mweenzinyina cakutaziba, pele kabatasulene, 5mbuli muntu uusindikila mweenzinyina mucisaka kuyootebba inkuni, lino kuciindi cakuvuumuka akaleba kukutema cisamu, kaleba kakuka mumwini katema mweenzinyina, aboobo wafwa-oyo muntu ulakonzya kucijila kuluumwi waminzi eyi, kuti kacipona, 6kuti sikuliya inkoto yabulowa atamutobeli sikujaya muntu, moyo wakwe nuucifundilide, atamweenzyi nkaambo kamusinzo mulamfu akumujaya, nekuba kuti teelede kufwa, nkaambo taakwe naakamusulide. 7Ncencico ncendamulailila kuti musale minzi yotatwe. 8#Matl 15:18Nkabela na Jehova Leza wanu wakomezya cisi canu, mbubonya mbwaakakonkezya bamauso, na wamupa nyika yoonse njaakasyomezya kulibamauso, 9#Jos 20:7(nkokuti na mwacenjela kubamba malailile aya oonse ngendamulailila sunu, kukuyandisya Jehova Leza wanu akukweenda munzila zyakwe mazuba oonse), amuyungizye minzi aimwi yotatwe, 10kuti kutatiki bulowa bwabaluleme mukati kanyika Jehova Leza wanu njamuponya, mutabi amulandu wabulowa.
11 #
Kul 21:12; My 35:16; Tus 28:17; 29:10; 1 Joh 3:15 Pele na muntu ulisulide mweenzinyina, lino ulamuyubilila akusokomoka akumujaya, nkabela wacijila kuluumwi waminzi eyi, 12bapati bamunzi wakwe batume, bamugwisye nkuko, bamwaabe mumaanza aasikuliya inkoto yabulowa, kuti afwe. 13#1 Bam 2:31Meso aanu atamufwidi luzyalo pe; amumanisye milandu yabulowa bwabaluleme mucisi ca-Israyeli, kuti mukale kabotu.
Milao yaminyinza, ayabakamboni
14 #
Dt 27:17; Job 24:2; Tus 22:28; Hos 5:10 Mulukono lwanu lwamunyika eyo Jehova Leza wanu njayoomuvubya, mutasunzululi minyinza yabeenzinyoko njebakabika basikale.
15 #
My 35:30; Dt 17:6; Mt 18:16; Joh 8:17; 19:31; 2 Kor 13:1; 1 Tim 5:19; Heb 10:28 Kamboni omwe alike takonzyi kupesya muntu mulandu mumakani ngaakabisya na mucintu mwaakasotoka mulao. Kumilomo yabakamboni bobile na botatwe makani alakonzya kusima. 16#Int 27:12; 1 Bam 21:13Na kwabuka sikulengelela kaambo uuyanda kupa mweenzinyina mulandu, 17abo bantu boonse bobile basikukazyanya baboneke kubusyu bwa-Jehova, kubusyu bwabapaizi abwababetesi bayooba mumazuba ayo. 18Lino babetesi babuzisye loko, nkabela na kwabonwa kuti kamboni ngusikulengelela buyo uuamba cakubeja, 19#Tus 19:5; Dan 6:24muleelede kumucitila mbubonya mbwaakayanda kucitila mweenzinyina. Aboobo mulamanisya bubi akati kanu. 20#Dt 17:13; 21:21Lino bantu bamwi bamvwa buyo, balayoowa, akutacita limbi cintu cibi cili boobo akati kanu, 21#Kul 21:23-25; Lev 24:19-20; Mt 5:38Mutamufwidi luzyalo pe. Mulao ube buumi kubuumi, liso kuliso, lino kulino, ijanza kujanza, cituta kucituta.
Currently Selected:
Deuteronomo 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
