Deuteronomo 16

Mapobwe otatwe mbwaelede kuligwa

1 # Kul 12:1-20; Lev 23:5-8; My 28:16-25; Joh 18:28; 1 Kor 5:7,8; Heb 11:28 Amubambe mwezi wa-Abibi, mulye ipobwe lya-Pasika wa-Jehova Leza wanu, nkaambo mumwezi wa-Abibi Jehova Leza wanu wakamu pozya kuzwa mucisi ca-Egepita masiku. 2#Kul 12:5-7; My 28:19; 2 Mak 35:7; Mt 26:2; Mk 14:12; Lk 22:8,15; 1 Kor 5:7Amutuulile Jehova Leza wanu cipaizyo ca-Pasika, niiba imbelele niiba iŋombe, kubusena obo Jehova mbwayoosala kuti akazike izina lyakwe nkuko. 3#Kul 12:15,19,39; 13:3; 34:18Mutalyi cinkwa cili abumena antoomwe ancico; mazuba aali musanu aabili muleelede kulya zinkwa zitakwe bumena, zinkwa zyamapenzi, (nkaambo mwakazwa mucisi ca-Egepita kamugubide), kuti mutalubi buzuba bwanu bwakuzwa munyika ya-Egepita mazuba oonse aabuumi bwanu. 4#Kul 12:10; 34:25Mazuba aali musanu aabili kutabonwi bumena akati kanu mucisi canu coonse. Alimwi nyama njemupaizya magolezya mubuzuba butaanzi, itaoni mane kusikila cifumo. 5Alimwi cipaizyo ca-Pasika tacikonzyi kuligwa muminzi yoonse Jehova Leza wanu njamupa, pe; 6#Mt 27:46muleelede kutuula cipaizyo ca-Pasika kubusena obo Jehova Leza wanu mbwasala kuti abike izina lyakwe nkuko, ciindi camagolezya, ciindi camabbililo aazuba, nkokuti ciindi nemwakazwa mucisi ca-Egepita. 7#Kul 12:8; 2 Mak 35:13; 2 Bam 23:23; Joh 2:13; 11:55Muleelede kucijika aku cilya kubusena obo Jehova Leza wanu mbwasala, elyo bwaca buyo amupiluke kumaanda aanu. 8#Kul 12:16; 13:6; Lev 23:8Mazuba aali musanu abumwi zilaligwa zinkwa zitakwe bumena; lino mubuzuba bwamusanu aabili kulaba imbungano iisalalisya ya-Jehova Leza wanu; mubuzuba obo mutaciti mulimo nuba umwi.

9 # Lev 23:15-21; My 28:26-31; Kul 23:16; 34:22; Inc 2:1 Lino amubale insondo zili musanu azibili, Ezyo insondo zili musanu azibili amutalike kuziba la kuzwa kuciindi cakutalika kugonka maila. 10#Tus 10:22; Joel 2:14; 1 Kor 16:2Zyamana, amulye ipobwe lya-Pentekoste lya-Jehova Leza wanu. Amuletelele cipo camoyo mumaanza aanu, mupe mbubonya mbuli Jehova Leza wanu mbwamupa coolwe, 11#Lk 14:12Lino amusekelele kubusyu bwa-Jehova Leza wanu, nywebo, abana banu balombe abasimbi, abalanda banu baalumi abanakazi, aba-Levi bakede mumaanda aanu, abeenzu abamucaala abamukabafu bakede akati kanu, kubusena obo Jehova Leza wanu mbwasala kuti abike izina lyakwe nkuko. 12#Matl 15:13; Kul 1:11,14; Dt 15:15; 25:6; Int 105:23,25Mutalubi kuti anywebo mwakali bazike mucisi ca-Egepita, aboobo muleelede kucenjela kubamba ezi imbeta.

13 # Lev 23:33-36,39-43; My 29:12-38; Kul 23:16 Alyalo ipobwe lyazilao, amulibambe mazuba aali musanu aabili, ciindi cakuyobolola maila aakuzipolelo zyanu amasaansa aakuzisinino zyanu. 14#Dt 26:11; Neh 8:9; Muk 9:7; Is 12:1-6; 25:6-8Amusekelele mupobwe lyanu, nywebo, abana banu balombe abasimbi, abalanda banu baalumi abanakazi, abalo ba-Levi abamucaala abamukabafu bakede akati kanu. 15Mazuba aali musanu aabili amulye ipobwe kuliJehova Leza wanu, oko kubusena Jehova Leza wanu mbwayoosala, nkaambo Jehova Leza wanu uyoomupa coolwe mumicelo yoonse njemulima amumilimo yoonse yamaanza aanu, aboobo muyoosekelela buyo.

16Ziindi zyotatwe zyamumwaka baalumi banu boonse baleelede kuboneka kubusyu bwa-Jehova Leza wanu kubusena obo mbwayoosala, nkokuti kuciindi capobwe lyazinkwa zitakwe bumena, akupobwe lya-Pentekoste, akupobwe lyazilao. Alimwi kuciindi cakuboneka kubusyu bwa-Jehova batabooli acinkwamanza. 17#2 Kor 8:12Umwi aumwi aletelele cipo ncakonzya kupa, mbubonya mbuli Jehova Leza wanu mbwamupa coolwe.

Milimo yababetesi

18Amubike babetesi abasilutwe muminzi yanu yoonse njayoomupa Jehova Leza wanu, mumisyobo yanu, kuti babeteke bantu cakululama. 19#Kul 23:6-8; Lev 19:15; 1 Sam 8:3; 12:3; Job 31:21,22; Tus 17:23; 24:23; Muk 7:7; Is 1:17,23; Inc 10:34Mutapilinganyi imbeta. Mutalangi ciwa camuntu. Mutalyi makulo, nkaambo makulo alaofwaazya meso aabasongo akupilinganya makani aabaluleme. 20#Dt 4:1Bululami luzutu mbubuyandwa, kuti mupone kabotu akuvuba nyika Jehova Leza wanu njamupa.

21 # Kul 34:13; Bab 3:7; 1 Bam 14:15; 16:33; 2 Bam 17:16; 21:3; 2 Mak 33:3 Mutazikili musamu nuuba umwi, ube cisamu ca-Asera, kumbali lyacipaililo ca-Jehova Leza wanu ncemuyooyaka. 22#Lev 26:1Alimwi mutaimiki munsemu nuuba omwe ngwasulide Jehova Leza wanu.

Currently Selected:

Deuteronomo 16: Ibbaib63

Highlight

Copy