Deuteronomo 15
15
Mulao wamwaka walwaangunuko
1 #
Kul 23:10; Jer 34:14 Kumamanino aamyaka iili musanu aibili muleelede kucita lwaangunuko. 2Ndoolu lwaangunuko. Kufumbwa muntu sikukolotelwa alekelele mweenzinyina ncaakamukolotya, Atasesi mweenzinyina na sikamukowanyina, pe, nkaambo lwaangunuko lwa-Jehova lwasika. 3#Dt 23:20Kumuzwakule ulakonzya kusesa, pele kufumbwa cintu cako cili mumaanza aamunyoko, ucileke buyo. 4#Dt 28:8Pele takukooyooba batengwana akati kanu, (nkaambo Jehova ulamupa coolwe munyika eyo Jehova Leza wanu njamupa kuti mwiikone), 5na mwaswiililisya ijwi lya-Jehova Leza wanu kukucenjela kubamba malailile aya oonse ngendamulailila buzuba obuno, 6#Tus 22:7Nkaambo Jehova Leza wanu uyoomupa coolwe, mbubonya mbwaakamusyomezya, aboobo muyookolotya bamasi banji, pele nywebo tamukooyookolota; muyooendelezya zisi zinji, pele tabakooyoomweendelezya pe.
7 #
Lev 25:35; Mt 18:30; 1 Joh 3:17 Na kuli muntu naba omwe mucete akati kababunyina, mumunzi nuuba omwe munyika Jehova Leza wanu njayoomupa, mutayumyi myoyo yanu nekuba kuvunga maanza aanu kubanyoko bacete. 8#Lev 25:35; Mt 5:42; Lk 6:34; Gal 2:10Ncobeni muleelede kwaangununa maanza aanu kubacete akubakolotya coonse ncebayanda, kufumbwa ceelede. 9#Dt 28:54; Tus 23:6; 28:22; Mt 20:15; Dt 24:15; Job 34:28; Int 12:5; 140:12; Am 5:11; Jak 5:4; Mt 25:41Amucenjele kuti mutabi miyeeyo ya-Sataani mumyoyo yanu, Mutaambi kuti, Mwaka wamusanu aibili, mwaka walwaangunuko, uli afwaafwi, Mutafwi mulibu, mutakaki kupa beenzinyoko bacete cintu. Na mwacita obo, ambweni balakwiilila Jehova nkaambo kanu, aboobo uyooba amulandu. 10#Mt 25:40; Inc 20:35; Rom 12:8; 2 Kor 9:5; 1 Tim 6:18; 1 Pet 4:11; Dt 14:29; Int 41:1; Tus 22:9; 29:7Ncobeni muleelede kubapa, alimwi myoyo yanu tiielede kupa bufutete pe, nkaambo kakuti makani aya ngengao Jehova Leza wanu ngayoomupeda coolwe mumilimo yanu yoonse amuzintu zyoonse nzemucita. 11#Mt 26:11; Mk 14:7; Joh 12:8Nkaambo bacete tabakooyoomana munyika, aboobo ndamulailila kuti ncobeni muleelede kwaangununa maanza aanu kubana bakwanu bacete abapengede munyika yanu.
Milao yabuzike
12 #
Lev 25:39-46; Kul 21:2; Jer 34:14 Na munyoko, naba mwaalumi naba mwanakazi mu-Juda, waulwa mumaanza aako, akubelekele myaka iili musanu aumwi, elyo mumwaka wamusanu aibili umuleke, aangunuke. 13Nkabela kuciindi cakwaangunuka kwakwe toelede kumuleka acinkwamaanza, pe, 14#Tus 10:22uleelede kumufonkweda imbelele zyako amaila aako amasaansa aako, Mbuli Jehova Leza wako mbwakupa coolwe, umupe ayebo mbubonya. 15Mutalubi kuti anywebo mwakali bazike munyika ya-Egepita, nkabela Jehova Leza wanu wakamunununa. Nciceeco ncindamulailila obo sunu. 16#Kul 21:5,6Pele na oyo muntu waamba kuti, Nsikooyookusia, nkaambo ulayandisya basiŋanda bako, alimwi ulikede kabotu kulinduwe, 17bweza insunda, udonkole kutwi kwakwe cakusyanikizya acitendele, elyo ulaba muzike wako lyoonse. Amulanda wako musimbi alakwe acitilwe mbubonya obo. 18#Is 16:14; 21:16Citabi cintu ciyumu mumeso aako kumwaangununa, pe, nkaambo wakubelekela milimo myaka iili musanu aumwi, alimwi milimo yakwe waibbadela cisela buyo camali aamilimo yamulanda uuvola mali. Aboobo Jehova Leza wanu ulamupa coolwe mumilimo yoonse njemucita.
Mulao wabanyama bataanzi kuzyalwa
19 #
Kul 13:2
Boonse banyama beenze bataanzi kuzyalwa akati kaŋombe zyanu ambelele zyanu muleelede kubasalazizya Jehova Leza wanu. Mutabelesyi bataanzi kuzyalwa akati kaŋombe zyanu nekuba kugela bana bataanzi bambelele zyanu. 20#Dt 12:5; 14:23; 16:11Amubalye, nywebo abasiŋanda banu, mwaka umwi aumwi, kubusyu bwa-Jehova Leza wanu, kubusena Jehova mbwayoosala. 21#Lev 22:20; Dt 17:1Pele na munyama uli akampenda, na mulema na moofu na ulijisi kampenda kamwi kali boobo, mutamupaizyi kuli-Jehova Leza wanu. 22#Dt 12:15,22Amubalye kumaanda aanu. Basofweede abasalala boonse buyo balye, mbubonya mbwiiligwa nyama yakonze ayansya. 23#Matl 9:4; Lev 7:26-27; 17:10-14; 19:26; Dt 12:16,23Pele bulowa mutabulyi; amubutile buyo ansi mbuli maanzi.
Currently Selected:
Deuteronomo 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
