Deuteronomo 14
14
Milao yabanyama baligwa abatondwa
1 #
Lev 19:28; 21:5; Matl 6:2,4; Kul 4:22,23; Int 82:6,7; Jer 3:19; Hos 1:10; Rom 1:10; 8:16; Gal 3:26; 1 Joh 3:1; Jer 16:6; 41:5; 1 Tes 4:13 Muli bana ba-Jehova Leza wanu, Tamweelede kulinengaula nanka kulinyoola kunkumu nkaambo kabafu. 2#Kul 19:5-6; Dt 4:20; 7:6; 26:18; Tit 2:14; 1 Pet 2:9; Lev 11:45; 19:2; Is 62:12; Dan 8:24; Rom 12:1Nkaambo muli bantu basalalisya kuli-Jehova Leza wanu. Jehova wamusala kuzwa kumisyobo yoonse iili ansi ano kuti mube musyobo wakwe uuyandika.
3 #
Is 65:4; Ezk 4:14; Inc 10:13; Rom 14:14 Mutalyi cintu niciba comwe cisesemya. 4#Lev 11:2Banyama baligwa mbaaba: iŋombe, imbelele, impongo, 5insya, konze, lubondwe, nanja, injelele, lweengu, amunyumbwe. 6Kufumbwa munyama uujisi insumba zyaanzeene zyaandeene, alimwi ulaselula, nguuligwa. 7Nekubaboobo akati kabaabo bajisi insumba zyaanzeene zyaandeene abaabo baselula nkubali bamwi bataligwa. Inkamele, asulwe acibila-aba balaselula pele tabajisi insumba zyaanzeene zyaandeene, aboobo balatondwa. 8Ayalo ingulube, ilijisi insumba zyaanzeene zyaandeene, pele tiiseluli, aboobo ilatondwa, Nyama yabaabo tiiligwi, amitunta yabo tamweelede kwiiguma.
9Alimwi nzeezi ziligwa akati kazintu zikala mumaanzi: kufumbwa cintu cijisi tuyambyo amaamba cilaligwa. 10Pele kufumbwa cintu citajisi tuyambyo amaamba taciligwi pe, cilatondwa.
11Bayuni boonse basalala balaligwa. 12#Lev 11:13Pele bayuni batondwa bataligwa mbaaba: cuungwe, ikubi, syaatongo, 13lubanze, ababimbe bamisyobo misyobo, 14cikwangala abeenzinyina, 15impowani, sikolyo, nyengenge, basikakonze bamisyobo misyobo, 16tumba, siyaswimuumba, kakukubwi, 17sifundwe, sikwaze, sikabaandwa, 18itongola, inkolekole abeenzinyina, iŋangayabayuni, asimudima. 19Abalo bauka bauluka batondwa kulindinywe, tabaligwi pe. 20Pele boonse basalala bauluka amubalye.
21 #
Kul 23:19; 34:26; 22:31; Lev 17:15; 22:8; Ezk 4:14; 44:31; Kul 23:19; 34:26 Tamweelede kulya cintu neciba comwe cilifwida; amucipe beenzu bakalakala akati kanu, balye, nanka kucuulisya kubazwakule; nkaambo nywebo muli bantu basalalisya kumeso aa-Jehova Leza wanu.
Mutajiki mwana wampongo mumukupa wabanyina.
Milao yazipanzi zyakumi
22 #
Lev 27:30-33; My 18:21; Dt 12:6,17; Neh 10:37 Mwaka umwi aumwi muleelede kugwisya cipanzi cakumi cazilyo zyoonse zizwa mumyuunda yanu. 23#Int 2:11; 5:7; Tus 3:13; Is 8:13; Jer 32:38-41; Heb 12:28Lino kubusena obo mbwayoosala Jehova Leza wanu kuti akazike izina lyakwe nkuko, nkukonya oko nkomweelede kulida kubusyu bwakwe, nkokuti kulya cipanzi cakumi camaila aanu acamisaansa yanu acamafuta aanu, abana bataanzi baŋombe zyanu abambelele zyanu, kuti mwiiye kulemeka Jehova Leza wanu mazuba oonse. 24#Dt 12:21Pele na musinzo walampa, ikuti nkule kubusena mbwasala Jehova Leza wanu kuti abike izina lyakwe nkuko, aboobo tamukonzyi kubweza cipanzi cakumi, Jehova Leza wanu naamupa coolwe, 25amucuuzye mali, mubweze mali muzikwama zyanu, muye ao kubusena mbwasala Jehova Leza wanu. 26Mwasika amuule amali kufumbwa cintu myoyo yanu nciiyanda, neziba iŋombe neziba imbelele naba waini neziba zyakunywa neciba cintu cili buti ndiyanda myoyo yanu, mukalye nkukonya oko kubusyu bwa-Jehova Leza wanu, musekelele, nywebo abasiŋanda banu. 27#Rom 13:4; 15:27; 1 Kor 9:1-14; My 18:20; Dt 18:1,2Abalo ba-Levi bali akati kanu, mutabalubi pe, nkaambo tabajisi caabilo neluba lukono akati kanu.
28 #
Am 4:4
Yamana myaka yotatwe, amulete zipanzi zyoonse zyakumi zyazilyo zyanu mumwaka oyo, muzibambe muminzi yanu, 29#Dt 10:18; Int 94:6; Is 1:17; Ezk 22:7,29; Lk 14:12; Heb 13:2; Dt 15:10; Int 41:1; Tus 11:24; 19:17; Is 58:7-12; Mal 3:10; Lk 11:41; 2 Kor 9:6-11elyo kulaboola ba-Levi batajisi caabilo neluba lukono akati kanu, abeenzu abamucaala abamukabafu bali muminzi yanu, balye akukuta, kuti Jehova Leza wanu amupe coolwe mumilimo yoonse yamaanza aanu njemucita.
Currently Selected:
Deuteronomo 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
