Deuteronomo 11
11
1 #
Zek 3:7
Lino amuyandisye Jehova Leza wanu, mubambe mulao wakwe amilazyo yakwe ambeta zyakwe amalailile aakwe mazuba conse. 2Amuzibe buzuba obuno kuti teensi bana banu mbendaambila, batanaziba nanka kubona lutambisyo lwa-Jehova Leza wanu, bupati bwakwe ajanza lyakwe ijumu akuboko kwakwe kutandabikidwe, 3#Kul 7:8–12:13azitondezyo zyakwe amilimo yakwe njaakacita akati kaba-Egepita kuli-Farao akunyika yakwe yoonse, 4#Kul 14:28ancaakacitila impi yaba-Egepita, imbizi zyabo ankalaki zyabo, mbwaakabatozya maanzi aa-Lwizi Lusalala ciindi eco nibakali kumutobela, a-Jehova mbwaakabanyonyoona kusikila asunu, 5ancaakamucitila munkanda mane lumwi mwazoosika ano, 6#My 16:1,31-32; Int 106:17ancaakacitila Datani a-Abiramu bana ba-Eliabu mwana wa-Rubeni, nyika mbuyakaasama akubamena, antoomwe amaanda aabo azilao zyabo abaumi boonse mbebakajisi, akati kabana ba-Israyeli. 7Nywebo meso aanu alibwene milimo yoonse mipati ya-Jehova njaakacita.
8 #
Jos 1:6,7 Amubambe malailile oonse ngendamulailila buzuba obuno, kuti muyume, munjile kuvuba nyika yamutala njemuyoovuba, 9#Dt 4:40; 5:16; Tus 3:1,26; 10:27; Kul 3:8kuti muongole mpoonya awo anyika Jehova njaakakonkezya kupa bamauso alunyungu lwabo, nyika iikunka malili abuci. 10#Zek 14:18Nkaambo nyika eyo njemuyoovuba tiili mbuli nyika ya-Egepira nkumwakazwa, nkumwakali kubyala imbuto zyanu akuzitilaizya amaulu aanu mbuli muunda wazisyu. 11#Dt 8:7Nyika yamutala niimuyoovuba ni nyika yazilundu amakuti, iiwidwa imvula yakujulu, 12#1 Bam 9:3nyika Jehova Leza wanu njabamba kabotu; meso aa-Jehova Leza wanu ali alinjiyo lvoonse kuzwa kumatalikilo aamwaka kusikila kumamanino aamwaka.
13 #
Lev 26:3-5; Dt 7:12-16; 28:1-14; 6:17; 2 Tes 3:5 Na mwazumina kuswiilila milazyo yangu njendamulailila buzuba obuno, kukuyandisya Jehova Leza wanu akumumanina milimo amoyo wanu woonse amuuya wanu woonse, 14#Lev 26:4; Dt 28:12; Joel 2:23; Jak 5:7uyoowisya imvula kunyika yanu kuciindi ceelede, imvula yakutanga amvula yamiyoba, kuti mutebule maila aanu amasaansa aanu amafuta aanu. 15#Int 104:14; Joel 2:19Alimwi uyoomupa mani aakucezya iŋombe zyanu mumyuunda yanu, nkabela muyoolya akukuta. 16#Job 31:27Amucenjele kuti myoyo yanu itaongelezegwi, mutaleyi, mutamanini baleza bambi milimo nikuba kubakotamina, 17#Dt 6:15; 1 Bam 8:35; 2 Mak 6:26; 7:13kuti bukali bwa-Jehova butamubukili, atajali ijulu akukasya imvula kuwa, aboobo nyika ilaleka kuzyala micelo, mulafwambaana kunyonyooka anyika imbotu Jehova njamupa.
18 #
Dt 6:6-9
Lino aya majwi aangu, amwaalondole mumyoyo yanu amumiyeeyo yanu; amwaange mbuli citondezyo amaanza aanu ambuli ciibalusyo akati kameso aanu. 19#Tus 22:6Alimwi amwaaiyisye bana banu, amwaambaule ciindi cakukala muŋanda aciindi cakweenda munzila, ciindi cakulala aciindi cakubuka. 20#Hab 2:2Amwaalembe azikunguzyo zyamaanda aanu akuzitendele zyanu 21#Tus 3:2; 4:10; Int 72:5; 89:29kuti muongole, abalo bana banu baongole, munyika eyo Jehova Leza wanu njaakakonkezya kuba pa, ciindi coonse ijulu nilicibede atala lyanyika. 22#Dt 6:17Nkaambo na mwabika myoyo yanu kumilao eyi njendamulailila kuti mwiicite, na mwayandisya Jehova Leza wanu, na mweenda munzi la zyakwe zyoense akukakarila kulinguwe, 23#Dt 4:38; 9:1Jehova ulatanda misyobo eyi yoonse kunembo lyanu, nkabeia muyoovuba nyika yamisyobo mipati iili anguzu kwiinda ndinywe. 24#Jos 1:3-5; 14:9; Matl 15:18; Kul 23:31; My 34:3Kufumbwa antu mpaalyata maulu aanu ayooba nyika yanu, kuzwa kunkanda kusikila ku-Lebano, akuzwa kumulonga wa-Firate kusikila kulwizi lwakumbo, koonse koonse ciyooba cisi canu. 25#Dt 7:24; Kul 23:27Takukooyooba muntu naba omwe uukonzya kumulwisya, nkaambo Jehova Leza wanu uyoocita kuti bantu banyika yoonse nkumuyooinda bayoowe akukankama kubusyu bwanu, mbubonya mbwaakamwaambila.
Ba-Israyeli mbubakabikilwa inzila zyobile
26 #
Dt 30:1
Amubone! Buzuba obuno ndamubikila lulongezyo alutuko: 27#Dt 28:2nkokuti lulongezyo na mwaswiilila milazyo ya-Jehova Leza wanu njendamulailila buzuba obuno, 28#Dt 28:15alutuko na mwakaka kuswiilila milazyo ya-Jehova Leza wanu, na mwaleya kuzwa munzi la njendamulailila buzuba obuno akuya butobela baleza bambi mbemutana kuziba. 29#Dt 27:11-14; Jos 8:33-35Lino Jehova Leza wanu naayoomunjizya munyika njemuyoovuba, amubike lulongezyo kucilundu ca-Gerizimu alutuko kucilundu ca-Ebala. 30Sa tazili mutala lya-Jordano, kumbo lyanzila, kumabbililo aazuba, munyika yaba-Kanana bakede muAraba, kubambene a-Giligala, kumbali lyamubanga wa-More? 31Nkaambo mulazubuka Jordano kuyoovuba nyika njamupa Jehova Leza wanu. Lino nemuyooivuba akukala mulinjiyo, 32amucenjele kuti mubambe milazyo yoonse ambeta zyoonse nzendamubikila buzuba obuno.
Currently Selected:
Deuteronomo 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
