Deuteronomo 10
10
1 #
Kul 34:1,2; 25:10 Lino kuciindi eco Jehova wakandaambila kuti, Beza mabwe obile mbubonya mbuli mataanzi, utante ano acilundu mpombede, alimwi kolipangila ibbokesi lyazisamu. 2Nkabela njoolemba amabwe ayo majwi aakalembedwe amabwe mataanzi ngowakapwaya, lino uleelede kwa abika mukati kabbokesi. 3#Kul 25:5; 37:1Mpawo ndakabeza ibbokesi lyamuunga, alimwi ndakabeza mabwe obile mbubonya mbuli mataanzi, nkabela ndakatanta acilundu nkejisi mabwe ayo obile mujanza lyangu. 4#Kul 34:28; Jer 31:33; Kul 20:1; 19:17; Dt 9:10; 18:16Lino wakalemba amabwe ayo mbubonya mbuli malembo mataanzi, nkokuti milao iili ikumi Jehova njaakamwaambila kucilundu kuzwa mukati kamulilo mubuzuba bwambungano. Jehova wakandipa njiyo. 5#Kul 34:29; 40:20; 1 Bam 8:9Elyo ndakafutatuka, ndaseluka kuzwa kucilundu, ndabika mabwe mubbokesi ndendakapangide, mwaacibede, mbubonya mbuli Jehova mbwaakandaambila.
6 #
My 20:28; 33:31,38 (Lino bana ba-Israyeli bakalonga kuzwa kuzikala zyabana ba-Jakani kuya ku-Mosera, nkonkuko Aroni nkwaakafwida akuzikwa nkabela mwanaakwe Eleazara wakaba mupaizi mucimanga cakwe. 7Kuzwa oko bakalongela ku-Gudigoda, akuzwa ku-Gudigoda bakalongela ku-Jotibata, kunyika yatulongalonga twamaanzi. 8#My 3:5-8; Lev 9:22; My 6:23; Dt 21:5Kuciindi eco Jehova wakapambula musyobo wa-Levi kuti bayumune ibbokesi lyacizuminano ca-Jehova, baimikane kubusyu bwa-Jehova kumumanina milimo akulongezya muzina lyakwe, mane kusikila sunu. 9#My 18:20,24; Dt 18:1,2; Ezk 44:28Nkaambo kako ba-Levi teebakapegwa caabilo na lukono akati kababunyina. Jehova ndolukono lwabo, mbubonya mbuli Jehova Leza wanu mbwaakabaambila).
10 #
Kul 34:28
Lino mebo ndakakala kucilundu mbubonya mbuli kuciindi citaanzi, mazuba aali makumi one, isikati amasiku, Nkabela Jehova wakandiswiilila kuciindi eco acalo; Jehova wakaleka kumunyonyoona. 11Lino Jehova wakandaambila kuti, Nyampuka, uzulwide bantu, kuti banjile akuvuba nyika njendakakonkezya bamawisi kubapa.
Majwi aamwi aakukombelezya bantu kujatisya milao ya-Leza
12 #
Mik 6:8; Jer 7:23; Mt 22:37; 1 Tim 1:5 Lino noba-Israyeli, sa nkocili cintu cimwi Jehova Leza wanu ncayanda kulindinywe, pele kuyoowa Jehova Leza wanu, kweenda munzila zyakwe zyoonse, kumuyandisya, kumanina Jehova Leza wanu milimo camoyo woonse acamuuya woonse, 13akubamba milazyo ya-Jehova ambeta zyakwe nzendamulailila buzuba obuno cakumugwasya? 14#1 Bam 8:27; Int 115:16; Matl 14:19; Int 24:1Amubone! Zintu zyoonse nzizya-Jehova Leza wanu: ijulu ajulu loko, nyika azintu zyoonse zili mulinjiyo. 15Pele Jehova wakakondwa bamauso, wabayandisya, wasala lunyungu lwabo, nkokuti nywebo, kwiinda misyobo yoonse, mbuli sunu. 16#Lev 26:41; Jer 4:4; Rom 2:28; Ef 4:21; Kol 2:11Lino amupalule lulomo lwamyoyo yanu, mutayumyi myoyo yanu limbi. 17#1 Tim 6:15; Ciy 17:14; 19:16; Inc 10:34; Rom 2:11; Int 136:2; Dan 2:47; 2 Mak 19:7; Job 34:19; Gal 2:6; Ef 6:9; Kol 3:25; 1 Pet 1:17Nkaambo Jehova Leza wanu ngu-Leza wabaleza, mwami wabami, Leza mupati singuzu uuyoosya, uutalangi ziimo zyabantu, uutatambuli makulo. 18#Int 68:5; 146:9Ulabeteka kabotu makani aabamucaala abamukabafu, Ulayandisya beenzu akubaabila zilyo azyakusama. 19Amuyandisye beenzu, nkaambo anywebo mwakali beenzu mucisi ca-Egepita. 20#Mt 4:10; Int 63:11Amuyoowe Jehova Leza wanu, amumumanine milimo, amukakatile kulinguwe, amukonke muzina lyakwe. 21#Int 22:3; Jer 17:14Ngonguwe intembauzyo yanu, ngu-Leza wanu, nguwakamucitila zintu ezi zipati ziyoosya nzyaabwene meso aanu. 22#Matl 15:5; 22:17; 46:27Bamauso nibakainka ku-Bgepita bakali bantu bali makumi aali musanu aabili, pele sunu Jehova Leza wanu wamuvuzya mbuli inyenyeezi zyakujulu.
Currently Selected:
Deuteronomo 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
