Popular Bible Verses from Deuteronomo 10

Share

Lino noba-Israyeli, sa nkocili cintu cimwi Jehova Leza wanu ncayanda kulindinywe, pele kuyoowa Jehova Leza wanu, kweenda munzila zyakwe zyoonse, kumuyandisya, kumanina Jehova Leza wanu milimo camoyo woonse acamuuya woonse, akubamba milazyo ya-Jehova ambeta zyakwe nzendamulailila buzuba obuno cakumugwasya?

Nkaambo Jehova Leza wanu ngu-Leza wabaleza, mwami wabami, Leza mupati singuzu uuyoosya, uutalangi ziimo zyabantu, uutatambuli makulo.

Lino amupalule lulomo lwamyoyo yanu, mutayumyi myoyo yanu limbi.

Ulabeteka kabotu makani aabamucaala abamukabafu, Ulayandisya beenzu akubaabila zilyo azyakusama.

Ngonguwe intembauzyo yanu, ngu-Leza wanu, nguwakamucitila zintu ezi zipati ziyoosya nzyaabwene meso aanu.

Amuyoowe Jehova Leza wanu, amumumanine milimo, amukakatile kulinguwe, amukonke muzina lyakwe.

Amubone! Zintu zyoonse nzizya-Jehova Leza wanu: ijulu ajulu loko, nyika azintu zyoonse zili mulinjiyo.

Amuyandisye beenzu, nkaambo anywebo mwakali beenzu mucisi ca-Egepita.