Popular Bible Verses from Deuteronomo 11

Share

Alimwi amwaaiyisye bana banu, amwaambaule ciindi cakukala muŋanda aciindi cakweenda munzila, ciindi cakulala aciindi cakubuka.

Lino aya majwi aangu, amwaalondole mumyoyo yanu amumiyeeyo yanu; amwaange mbuli citondezyo amaanza aanu ambuli ciibalusyo akati kameso aanu.

Na mwazumina kuswiilila milazyo yangu njendamulailila buzuba obuno, kukuyandisya Jehova Leza wanu akumumanina milimo amoyo wanu woonse amuuya wanu woonse, uyoowisya imvula kunyika yanu kuciindi ceelede, imvula yakutanga amvula yamiyoba, kuti mutebule maila aanu amasaansa aanu amafuta aanu.

Lino amuyandisye Jehova Leza wanu, mubambe mulao wakwe amilazyo yakwe ambeta zyakwe amalailile aakwe mazuba conse.

Amubone! Buzuba obuno ndamubikila lulongezyo alutuko: nkokuti lulongezyo na mwaswiilila milazyo ya-Jehova Leza wanu njendamulailila buzuba obuno, alutuko na mwakaka kuswiilila milazyo ya-Jehova Leza wanu, na mwaleya kuzwa munzi la njendamulailila buzuba obuno akuya butobela baleza bambi mbemutana kuziba.

Amwaalembe azikunguzyo zyamaanda aanu akuzitendele zyanu kuti muongole, abalo bana banu baongole, munyika eyo Jehova Leza wanu njaakakonkezya kuba pa, ciindi coonse ijulu nilicibede atala lyanyika.

Amucenjele kuti myoyo yanu itaongelezegwi, mutaleyi, mutamanini baleza bambi milimo nikuba kubakotamina