Amosi 6
6
Milandu yabaabo bakede cahutapenga
1Maawe kulibaabo bakede cakutapenga mu-Zioni, abaabo batajisi cakubayoosya mucilundu ca-Samariya, bapati bataanzi bazisi, basikilwa bana ba-Israyeli. 2#Matl 10:10; Is 10:9; My 34:8; 2 Bam 14:25Amwiinde ku-Kaline, mubone; kuzwa oko kamuya kuHamati mupati; alimwi kamuseluka kuya ku-Gati waba-Filisti. Sa muli kabotu kwiinda zisi ezi? Sa nyika yanu nimpati kwiinda nyika yabo. 3#Muk 8:11; Ezk 12:27; Is 47:7; 56:12; Am 5:18Nywebo nomusakanya buzuba bubi akusenya kufwaafwi cikalilo cabufumpi! 4Balalala amala aamunyanga, akulyoolola amasasa aabo; balalya tubelele tuzwa mubutanga aboombe bagwisigwa kubbwalo. 5Balaimba maliwo cakulizya mantimbwa, akulicitila zibulo zyakwiimbya mbuli Davida 6Balanywa waini mumbede, akulinanika amafuta mabotu kwiinda oonse, pele tabayaswi mumoyo nkaambo kakusaalwa kwa-Josefa pe. 7Nkaambo kako bayootolwa kubuzike akati kabataanzi batolwa, aboobo kuyobayoba kwabalyoolozi kulamana.
8Mwami Jehova wakonkezya kuzina lyakwe mwini. Mbuboobu mbwaamba Jehova Leza wamakamu. Ime ndasampaula kami-kami ka-Jakobo, amaanda aakwe ndaasula. Lino njooaba munzi azintu zyoonse zili mumo. 9Nkabela na kucisyeede bantu bali ikumi mumwi muŋanda, bayoofwa. 10Lino simizyaabo muntu uuyanda kumutenta, atole buyo zifuwa zyakwe kuzwa muŋanda, uyoobusya oyo uuli mukati kaŋanda kuti, Sa ucijisi bamwi? Lino oyo uyoomuvwiila kuti, Taakwe pe. Alimwi uyooamba kuti, Amuumune, nkaambo cilatonda kwaamba izina lya-Jehova.
11Nkaambo Jehova ulalailila, elyo iŋanda impati iyooumwa cakutyokauka, ayalo iŋanda iniini iyooanduka-anduka. 12Sa imbizi zilacijaana atala andomba? Sa cilakonzeka kulimya iŋombe mulwizi? Nkaambo mwaluzya lubeta, ayalo micelo yabululami mwaicita mbuli mululwe. 13Inywe nomusekelela Lo-debara, akwaamba kuti, Sa tatuna kulisaalila Karanaimu kunguzu zyesu tubeni? 14#1 Bam 8:65Amubone! Ndabusya musyobo wakulwana andinywe, nomukowa wa-Israyeli, mbwaamba Jehova Leza wamakamu, nkabela bayoomupenzya koonse koonse kuzwa kumanjililo aa-Hamati kusikila kukalonga ka-Araba.
Currently Selected:
Amosi 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
