Amosi 5
5
Lwiimbo lwakulilila luumo lwa-Israyeli
1 #
Jer 7:29
Amuswiilile majwi aya nge ndaamba aandinywe. Ndwiimbo lwakulila, nubana ba-Israyeli.
2Musimbi wa-Israyeli wawa,
Tabuki limbi.
Ulikwazeme ansi,
Taakwe uumubusya.
3Nkaambo mbuboobu mbwaamba Mwami Jehova. Munzi iwakatuma bantu bali cuulu uyaosyaalilwa mwaanda, ayooyo iwakatuma mwaanda uyoosyaalilwa ikumi mumukowa wa-Israyeli. 4#2 Mak 15:2; Is 55:3Nkaambo mbuboobu Jehova mbwaambila mukowa wa-Israyeli. Wati, Amuyandaule ndime, mube abuumi. 5#Am 4:4; 8:14Mutayandauli Beteli nanka kusika ku-Giligala nanka kwiinda ku-Beereseba, pe, nkaambo Giligala ncobeni uyootolwa mubuzike, a-Beteli uyooba cintu cabuyo. 6Amuyandaule Jehova, mube abuumi, kuti atasontomoki mbuli mulilo kumukowa wa-Josefa akuulya nikutakwe sikuuzimya ku-Beteli, 7Inywe nomuluzya lubeta akuwaala ansi bululami! 8#Job 9:9; 38:31,34; Am 4:13Amuyandaule sikulenga cibungululu andakutema, oyo uusandula mudima kuti buce akusizya buzuba bube masiku, uuita maanzi aamulwizi akwaatila ansi. Izina lyakwe ngu-Jehova. 9Ngonguwe uusisya lunyonyooko kulibasinguzu, akuletela mudinga lumwayo.
10 #
Is 29:21; 1 Bam 22:8 Balasula oyo uubatopa mumulyango, akusampaula sikwaamba cakululama. 11#Mik 6:15; Zef 1:13Lino mbuli mbumulyatila mucete, akumubbadezya cipo cabulotwe, muliyakide maanda aamabwe aabezedwe, pele tamukooyookala mulingawo, alimwi mulibyalide myuunda yamasaansa, pele tamukooyoonywa waini kulinjiya pe. 12#Is 29:21Nkaambo ndizi kuti milandu yanu yavula, azyalo zibi zyanu zili anguzu, inywe nomupenzya baluleme, akutambula makulo akuleesya imbeta zyabacete mumulyango. 13Nciceeco muntu uucenjede ncaumwide ciindi ecino, nkaambo nciindi cabubi.
14 #
Int 34:12-16; Tus 11:27; Is 1:16,17; Mik 6:8; Mt 7:7; Rom 2:7-9; Mik 3:11 Amuyandaule bubotu, mutayandauli bubi pe, kuti mube abuumi, aboobo Jehova Leza wamakamu uyooba anywe mbubonya mbumwaamba. 15#Rom 12:9; Kul 32:30Amusule bubi akuyandisya bubotu, akubamba kabotu imbeta mumulyango, elyo Jehova Leza wamakamu ambweni uyoobafwida luzyalo basyeede bamukowa wa-Josefa.
16 #
Jer 9:17
Nkaambo kako mbuboobu mbwaamba Mwami Jehova Leza wamakamu. Mumasambalilo oonse kuyooba kulila, amumigwagwa yoonse bayooamba kuti, Maawe! Maawe! Nkabela bayooita simuunda kukoomoka, ayooyo uuzi nyimbo zyakulizya bayoomwiita kulilwe. 17#Kul 12:12Nkabela moonse mumyuunda yamasaansa muyooba kulila, nkaambo njenti inde akati kanu, mbwaamba Jehova.
18 #
Is 5:19; Ezk 12:22; Mal 3:1; 2 Pet 3:4 Maawe kulimbabo balangila buzuba bwa-Jehova! Ino muyandilanzi buzuba bwa-Jehova? Mbuzuba bwamudima, tabuli bwamumuni pe. 19Buli mbubonya mbuli muntu uucija mulavu, elyo ulaswanaana asuntwe, nanka naanjila muŋanda akuyaamika ijanza lyakwe kubulambo, kulamuluma inzoka. 20Sa buzuba bwa-Jehova tabweensi mudima na? Tabweensi mumuni pe. Bulasia mbi, tabujisi kubekabeka pe.
Bululami ncintu cipati kwiinda zipaizyo
21 #
Is 1:11
Ndasesemwa, ndasampaula makubi aanu, azyalo imbungano zyanu nsizibotelwi pe. 22Nekuba kuti mwandipailila zipaizyo azituuzyo, nsiziyandi pe, azyalo zitontozyo zyabanyama banu baneneede nsizilangili pe. 23Amundisakanisizye lupyopyongano lwanyimbo zyanu, nkaambo kwiimba kwamantimbwa aanu nsikooyookuswiilila pe. 24Pele imbeta kaziya bupoomoka mbuli maanzi, abululami mbuli mulonga uutayuminini.
25 #
Inc 7:42
Sa mwakandiletela zipaizyo azituuzyo myaka iili makumi one munkanda, nomukowa wa-Israyeli? 26Ncobeni mwakabweza itente lya-Moloki, akakombelo kazikozyano zyanu, anyenyeezi yamuzimu wanu ngumwakalicitila nubeni. 27Nkaambo kako njoomutola mubuzike kucisi cisakene kwiinda Damasko. Mbuboobu mbwaamba Jehova. Izina lyakwe ngu-Leza wamakamu.
Currently Selected:
Amosi 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
