2 Bami 24

1 # Lev 26:25; 2 Bam 17:5; 2 Mak 36:6; Jer 25:1,9; 46:2; Dan 1:1 Mumazuba aakwe kwakasika Nebukadinezara mwami wa-Babuloni, nkabela Joyakimu wakaba mulanda wakwe myaka yotatwe, Imane myaka eyo wakapapila. 2#Dt 28:49,50; Jer 25:9; 32:28; Ezk 19:8; 2 Bam 20:17; 21:12; 23:27Lino Jehova wakatuma bantu kuti bamulwisye. Wakabusya impi zyaba-Kasidi, ampi zyaba-Aramu, ampi zyaba-Moabu, ampi zyabana ba-Amoni, akuzituma kuzoonyonyoona cisi ca-Juda, mbubonya mbuli ijwi lya-Jehova ndyaakaamba kumilomo yabalanda bakwe basinsimi. 3#2 Bam 21:2,11; 23:26Mulazyo wa-Jehova ngowakasisya aya makani kuba-Juda, kuti abatande kwa kumeso aakwe, nkaambo kazibi zya-Manase azyoonse nzyaakacita, 4#2 Bam 21:16; Jer 15:1; Malo 3:42akaambo kabulowa bwabantu batakwe mulandu mbwaakatila, nkaambo wakazuzya Jerusalemu bulowa bwabantu batakwe mulandu, nkabela Jehova wakukaka kulekelela. 5Lino makani amwi aa-Joyakimu, azyoonse nzyaakacita, sa taalembedwe mubbuku lyamakani aaciindi aabami ba-Juda. 6#2 Mak 36:6Elyo Joyakimu naakafwa, mwanaakwe Joyakini nguwakalya izina lyakwe. 7#Jer 37:5; 46:2Nkabela mwami wa-Egepita taakwe naakaboola limbi kuzwa kucisi cakwe, nkaambo mwami wa-Babuloni wakazunda nyika yoonse mwami wa-Egepita njaakavubide kuzwa kukalonga ka-Egepita mane kusikila kumulonga Firate.

Bwami bwa-Joyakini. Bantu bamwi mbubakatolwa ku-Babuloni

8 # 1 Mak 3:16; Jer 24:1; 22:24 Joyakini kajisi myaka iili ikumi amusanu aitatu naakaba mwami, nkabela wakeendelezya mu-Jerusalemu myezi yotatwe. Izina lyabanyina kabali Nehusita mwana musimbi wa-Elinatani waku-Jerusalemu. 9Nkabela wakacita bubi mumeso aa-Jehova mbubonya mbuli bamawisi mbubakacita. 10#Dan 1:1Kuciindi eco balanda ba-Nebukadinezara mwami wa-Babuloni bakasika ku-Jerusalemu, nkabela munzi wakasinkinizigwa.

11Lino Nebukadinezara mwami wa-Babuloni wakasika kumunzi, balanda bakwe nibakali kuusinkinizya. 12#Jer 24:1; 29:1,2; Ezk 17:12; Jer 25:1; 2 Bam 25:27; Jer 52:28Mpawo Joyakini mwami wa-Juda wakalyaaba mumaanza aamwami wa-Babuloni, walo abanyina abalanda bakwe abaalu bakwe abasilutwe bakwe, nkabela mwami wa-Babuloni wakamutola mubuzike, Aya akaba mumwaka wamusanu aitatu wabwami bwa-Nebukadinezara. 13#Is 39:6; Dan 5:2; 1 Bam 14:15; Jer 20:5Alimwi wakagwisya zintu zyoonse ziyandisi zyamuŋanda yaJehova azyamuŋanda yamwami, akupwayaula zibelesyo zyoonse zyangolida zyamuŋanda ya-Jehova nzyaakacitide Solomoni mwami wa-Israyeli, mbubonya mbuli Jehova mbwaakaamba. 14#2 Mak 36:9,10; Jer 24:1; 39:10; 40:7; 1 Sam 13:19,22; 2 Bam 25:12Nkabela wakatola mubuzike banaJerusalemu boonse abapati boonse abaalumi basintaze boonse, bazike bali zyuulu zili ikumi, abasimilimo boonse abafuzi boonse. Katakwe ibakasyaala cita bacete banyika. 15#2 Mak 36:10; Es 2:6; Jer 22:24,25; Ezk 1:2A-Joyakini wakamutola mubuzike ku-Babuloni. Abalo banyina mwami, abanakazi bamwami, abasilutwe bakwe, abapati bacisi, boonse wakabagwisya ku-Jerusalemu akubatola mubuzike kuBabuloni. 16#Jer 52:28Abaalumi basintaze boonse, bantu bali zyuulu zili musanu azibili, abafuzi abasimilimo, bantu bali cuulu, abasilumamba boonse ibakeelede milimo yankondo, boonse buyo mwami wa-Babuloni wakabatola mubuzike ku-Babuloni. 17#Jer 37:1; 1 Mak 3:15; 2 Mak 36:10,11; 2 Bam 23:34; 2 Mak 36:4Elyo mwami wa-Babuloni wakabika Mataniya munyina wisi Joyakini kuti alye bwami bwakwe. Izina lyakwe wakalisandula, waba Zedekiya.

Bwami bwa-Zedekiya

18 # 2 Mak 36:11; Jer 37:1; 52:1; 2 Bam 23:31 Zedekiya kajisi myaka iili makumi obile aumwi naakaba mwami, nkabela wakeendelezya mu-Jerusalemu myaka iili ikumi aumwi. Izina lyabanyina bakali Hamutala mwana musimbi wa-Jeremiya waku-Libina. 19Nkabela wakacita bubi mumeso aa-Jehova mbubonya mbwaakacita Joyakimu. 20#Dt 4:24; 29:27,28; 2 Bam 22:16,17; 23:26,27; Ezk 17:15; 2 Mak 36:13Nkaambo bukali bwa-Jehova bwakali kuya bukomena muJerusalemu amucisi ca-Juda mane lumwi wakabatanda kuzwa kubusyu bwakwe. Elyo Zedekiya wakapapila mwami wa-Babuloni.

Currently Selected:

2 Bami 24: Ibbaib63

Highlight

Copy