2 Bami 25
25
Ba-Juda mbubakalonzegwa kuya ku-Babuloni
1 #
2 Mak 36:17; Jer 34:2; 39:1; Ezk 24:1 Lino mumwaka wamusanu aine wabwami bwakwe, mumwezi wakumi, mubuzuba bwakumi bwamwezi, kwakasika Nebukadinezara mwami wa-Babuloni, walo abasilumamba bakwe boonse, ku-Jerusalemu kuzoolwisya, nkabela bakausinkinizya akuyaka lubaya lwakuuzyungulusya. 2Aboobo munzi wakalisinkinizidwe mane kusikila kumwaka wakumi aumwi wabwami bwa-Zedekiya. 3Elyo mubuzuba bwamusanu aane bwamumwezi wane, inzala yakakomena loko mumunzi, abantu bacisi teebakajisi zilyo abuniini. 4#Jer 39:4; 52:7; Ezk 12:12Mpawo munzi wakaanduka, nkabela mwami abasilumamba bakwe boonse bakacija masiku akwiinda kumulyango uuli akati kamalambo obile, kufwaafwi kumuunda wamwami, ba-Kasidi nibakacili kuzyunguluka munzi, Lino bakatola inzila iiya ku-Araba. 5Pele basilumamba ba-Kasidi bakatobela mwami akumweenzya mugezi lya-Jeriko, nkabela basilumamba bakwe boonse bakamwaika. 6#2 Bam 23:33Lino bakajata mwami, akumuleta kumwami waBabuloni ku-Ribila, bamubeteka nkuko. 7#Jer 39:7; Ezk 12:13Bana ba-Zedekiya, bakabajaya kumeso aakwe, alimwi Zedekiya mwini bakamuofwaazya, bamwaanzya inketaani, akumusisya ku-Babuloni.
8 #
2 Bam 24:12
Alimwi mumwezi wasanu, mubuzuba bwamusanu aabili bwamwezi, nkukuti mumwaka wakumi amusanu aine wabwami bwa-Nebukadinezara mwami wa-Babuloni, Nebuzaradana mupati wabasikutabilila, mulanda wamwami wa-Babuloni, alakwe wakasika ku-Jerusalemu. 9#2 Mak 36:19; Int 74:3-7; 79:1; Is 64:11; Jer 7:14; Mik 3:12; Am 2:5Nkabela wakatenta iŋanda ya-Jehova aŋanda yamwami amaanda oonse aamu-Jerusalemu, Maanda oonse mapati wakaatentya mulilo. 10#Neh 1:3Abwalo bwaanda bwaJerusalemu buzyungulukide munzi, bakabumwaya basilumamba ba-Kasidi, mupati wabasikutabilila mbaakeza abo. 11#Jer 39:9; 52:15Abantu bamwi ibakasyeede mumunzi, abaabo ibakalyaabide mumaanza aamwami wa-Babuloni, abanamaleya, boonse buyo Nebuzaradana mupati wabasikutabilila wakabatola mubuzike. 12#2 Bam 24:14; Jer 40:7Pele mupati wabasikutabilila wakaleka bamwi bacete kuti babe basimyuunda yamasaansa abasikulima.
13 #
2 Bam 20:17; 1 Bam 7:15 Lino minsende yamukuba iyakali muŋanda ya-Jehova, azikazikilo, acikozyano caziba lyamaanzi camukuba icakali muŋanda ya-Jehova, zyoonse ba-Kasidi bakazipwayaula akutola mukuba wazyo ku-Babuloni. 14#Kul 27:3; 1 Bam 7:45,50Azyalo zilongo, amaliko, atugele, amigano yatununkilizyo, azibelesyo zyoonse zyamukuba nzibakali kupaizya, zyoonse buyo bakazitola. 15#Kul 37:23; 2 Mak 24:14; Es 1:9-11; Dan 5:2Azyalo inkayi zyamulilo, amitiba, zyoonse bakazitola. Mupati wabasikutabilila wakatola zibulo zyangolida, zibe ingolida, azibulo zyansiliva, zibe insiliva. 16Nkabela minsende yobile, acikozyano comwe caziba lyamaanzi, aziimikilo Solomoni nzyaakacitila iŋanda ya-Jehova, bulemu bwamukuba wazibelesyo ezi zinji teebwakali kweelekeka pe. 17Bulamfu bwamunsende umwi aumwi bwakali tukokola tuli ikumi amusanu atutatu. Alimwi alinguwo akali ciimikilo camukuba. Bulamfu bwaciimikilo bwakali tukokola totatwe. Alimwi ciimikilo cakalizyungulukidwe tusabwe tupesedwe amapomegranite; zyoonse zyakalifulidwe amukuba. Acalo ciimikilo cabili cakali mbubonya, cakali atusabwe.
18 #
Jer 52:24; 1 Mak 6:14; Ezr 7:1; Jer 21:1; 29:25,29 Mpawo mupati wabasikutabilila wakabweza Seraya mupaizi mupati a-Zefaniya mupaizi wabili abantu botatwe ibakali kulanga mulyango, 19#Jer 52:25alimwi mumunzi wakabweza umwi silutwe iwakali kulanga basilumamba, abantu bosanwe ibakali kulayana amwami ibakajanwa mumunzi, amulembi wasilutwe wampi iwakali kubunganya bantu bacisi, abantu banyika bali makumi aali musanu alimwi mbaakajana mumunzi. 20Aba boonse Nebuzaradana mupati wabasikutabilila wakababweza akubasisya kumwami waBabuloni ku-Ribila. 21#Lev 26:33; Dt 4:26; 28:36,64; 2 Bam 17:20; 23:27; Jer 24:9,10; 25:9; Am 5:27Lino mwami wa-Babuloni wakabauma akubajaya nkukonya oko ku-Ribila munyika ya-Hamati. Mbuboobo ba-Juda mbubakatolwa mubuzike akugwisigwa munyika yabo.
Gedaliya mbwaakabikwa mubweendelezi bwacisi ca-Juda
22 #
Jer 40:5
Lino bantu ibakasyeede mucisi ca-Juda, Nebukadinezara mwami waBabuloni mbaakaleka, wakababikila Gedaliya mwana wa-Ahikamu mwana wa-Safani kuti abeendelezye. 23Elyo basilutwe boonse babasilumamba abantu babo ibakakede musokwe, nibakamvwa kuti mwami wa-Babuloni wabika Gedaliya kuti abe mweendelezi, bakasika abantu babo kuli-Gedaliya ku-Mizipa, nkukuti Ismayeli mwana wa-Netaniya a-Johanana mwana waKareya a-Seraya mwana wa-Tanumeti waku-Netofa a-Jazaniya mwana wa-Maakari. 24#Jer 27:12; 38:17Mpawo Gedaliya wakabakonkezya abantu babo, wati, Mutayoowi balanda baba-Kasidi. Amukale omuno munyika akulemeka mwami wa-Babuloni, aboobo muyookala kabotu.
Gedaliya mbwaakajayigwa. Bantu mbubakacijila ku-Egepita
25 #
Jer 41:1,2; Zek 7:5; 8:19 Pele mumwezi wamusanu aibili wakasika Ismayeli mwana wa-Netaniya mwana wa-Elisama, umwi wabasikamukowa wabami, weza abantu bali ikumi, wauma Gedaliya, wamujaya, aba-Juda aba-Kasidi boonse mbaakali abo ku-Mizipa. 26#Jer 41:16-18; 42:14-22; 43:4,7Mpawo bakanyamuka bantu boonse, bapati abaniini, abasilutwe bampi, akuya ku-Egepita, nkaambo bakali kuyoowa ba-Kasidi.
Joyakini mbwaakaangununwa
27 #
Dt 28:68; Jer 41:17; 52:31; Matl 40:13,20 Lino mumwaka wamakumi otatwe amusanu aibili wabuzike bwaJoyakini mwami wa-Juda, mumwezi wakumi aibili, mubuzuba bwamakumi obile amusanu aibili bwamumwezi, Evili-Merodaki mwami wa-Babuloni, mumwaka oyo nguwonya naakaba mwami, wakaangununa Joyakini mwami wa-Juda muntolongo mwakabede. 28#Jer 27:6-11; Es 4:4; 8:15; Dan 2:37; 5:18,19Nkabela wakamwaambila caluse, wasumpula cuuno cakwe kwiinda zyuuno zyabaminyina mbaakali abo muBabuloni, 29#Matl 41:14; 2 Sam 9:7wasamununa zyakusama zyakwe zyabuzike, nkabela Joyakini wakali kulya insima kuntafule yamwami mazuba oonse ngaakacili kupona. 30Caabilo cakwe cazilyo wakacipegwa lyoonse, cakazwa mumaanza aamwami, mazuba oonse ngaakapona.
Currently Selected:
2 Bami 25: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
