2 Bami 22

Josiya mbwaakaba mwami

1 # 1 Bam 13:2; 1 Mak 3:14; 2 Mak 34:1; Jer 1:2; Zef 1:1; Mt 1:10; Jos 15:39 Josiya kajisi myaka iili musanu aitatu naakaba mwami, nkabela wakeendelezya mu-Jerusalemu myaka iili makumi otatwe aumwi. Izina lyabanyina bakali Jedida mwana wa-Adaya waku-Bozikati. 2#Dt 5:32; Jos 1:7; Tus 4:27; Ezk 18:14-17Nkabela wakacita bululami mumeso aa-Jehova akweenda munzila yoonse ya-Davida wisi, Taakwe naakaleya pe nikuba kululyo nikuba kulumwensi.

Josiya mbwaakamamika intempele

3 # 2 Mak 34:8 Lino mumwaka wakumi amusanu aitatu wabwami bwa-Josiya, mwami wakatuma Safani mwana wa-Azaliya mwana wa-Mesulamu mulembi kuŋanda ya-Jehova, wati. 4#2 Bam 12:4,9; 2 Mak 24:8-14; Mk 12:41,42; Neh 11:19; Int 84:10Koya kuli-Hilikiya mupaizi mupati, kuti abale mali aaletwa muŋanda ya-Jehova, basikulindila mulyango ngebatambula kumaanza aabantu. 5#2 Bam 12:11-14Apegwe mumaanza aabasimilimo balanga Iŋanda ya-Jehova, kuti bape basimilimo bali kuŋanda ya-Jehova, bamamike iŋanzi zyaŋanda. 6Bape babezi abayaki abasikuzilulula, akuula zisamu amabwe aabezedwe kukumamika iŋanda. 7#2 Bam 12:15; Neh 7:2; 1 Kor 4:2Pele mali aanjila mumaanza aabo taelede kubalilizigwa pe, nkaambo balacita cabusyomesi.

Ibbuku lya-Mulao mbulyakajanwa

8 # Dt 31:24; 2 Mak 34:14 Elyo Hilikiya mupaizi mupati wakaambila Safani mulembi kuti, Ndajana ibbuku lya-Mulao muŋanda ya-Jehova. Mpawo Hilikiya wakapa Safani ibbuku, nkabela wakalibala. 9Lino Safani mulembi naakaboola kumwami, wakaletela mwami makani. Wakati, Balanda bako bagwisya mali aakajanwa muŋanda, baaba mumaanza aabasimilimo balanga iŋanda ya-Jehova. 10#Jer 36:21Alimwi Safani mulembi wakaambila mwami kuti, Hilikiya mupaizi wandipa ibbuku, elyo Safani wakalibala mumatwi aamwami.

11 # 2 Mak 34:20 Lino mwami amvwe buyo majwi aabbuku lya-Mulao, wakazapaula zyakusama zyakwe. 12Nkabela mwami wakalailila Hilikiya mupaizi aAhikamu mwana wa-Safani a-Akiboro mwana wa-Mikaya a-Safani mulembi a-Asaya mulanda wamwami, kuti, 13#Int 25:14; Tus 3:6; Dt 29:27Kamuya, kuti mutubuzizye kuliJehova, mebo abantu aba-Juda boonse, nkaambo kamajwi aabbuku eli ilyakajanika, nkaambo bwakomena bukali bwa-Jehova butubonekela, nkaambo bamatata teebakalemeka majwi aabbuku eli nikuba kucita zilembedwe aandiswe. 14#Kul 15:20; Bab 4:4; Lk 2:36; 1 Kor 11:5; 2 Mak 34:22Mpawo Hilikiya mupaizi a-Ahikamu a-Akiboro aSafani a-Asaya bakainka kuli-Hulida musinsimi mwanakazi, muka-Salumu mwana wa-Tikiva mwana wa-Harasi iwakali kulanga zyakusama zyamwami. (Oyo Hulida wakalikede mu-Jerusalemu mumunzi wabili.) Nkabela bakaa-mbaula awe. 15Lino wakabaambila kuti, Mbuboobu mbwaamba Jehova Leza wa-Israyeli. Amwaambile muntu iwakamutuma kulindime kuti. 16#Dt 29:27; Dan 9:11-14Mbuboobu mbwaamba Jehova. Ncobeni njooletela busena obuno abantu babo mapenzi, majwi oonse aabbuku mwami wa-Juda ngaakabala, 17#Int 115:4; Is 2:8,9; 44:17-20; 46:5-8; Mik 5:13nkaambo kakuti bandisiya mebo akutentela mizimu imbi tununkilizyo cakundikalazya kuncito zyoonse zyamaanza aabo. Bukali bwangu buyoobukila busena obuno, tabukooyootontozegwa pe. 18#2 Mak 34:26; Muk 8:12Nekubaboobo mwami waJuda iwakamutuma kukubuzya kuli-Jehova, amumwaambile kuti, Mbuboobu mbwaamba Jehova Leza wa-Israyeli aamajwi ngowaswiilila. 19#Int 51:17; Is 57:15; 66:2; Kul 10:3; Lev 26:26-41; 1 Bam 21:29; 2 Mak 33:12; Int 34:18; 51:17; Lk 14:11; 1 Pet 5:5,6; Jak 4:6,7; Jer 26:6; 44:22Moyo wako wakabomba, alimwi wakalifwiinsya kubusyu bwa-Jehova nowakamvwa makani ngendakaamba aabusena obuno abantu bakede mulimbubo aakuti buyooba matongo aatukidwe, alimwi wakazapaula zyakusama zyako akulila kubusyu bwangu. Nkaambo kako ambebo ndaswiilila, mbwaamba Jehova. 20#Int 37:37; Is 57:1,2Nkaambo kako njookusisya kukabanda bamauso nkubalede caluumuno, Tokooyoobona mapenzi ngenti letele busena obuno. Elyo bakatolela mwami aya majwi.

Currently Selected:

2 Bami 22: Ibbaib63

Highlight

Copy