2 Makani 35
35
Josiya mbwaakalisya bantu ipobwe lya-Pasika
1 #
2 Bam 23:21; Kul 12:6; My 9:3; Ezr 6:19; Ezk 45:21 Lino Josiya wakabambila Jehova ipobwe lya-Pasika mu-Jerusalemu. Bakajaya banyama ba-Pasika mubuzuba bwakumi aane bwamwezi mutaanzi. 2#2 Mak 23:18; Ezr 6:18; 1 Mak 22:19; 2 Mak 29:5,11Nkabela wakabamba bapaizi munkamu zyabo, alimwi wakabayumya mumilimo yaŋanda ya-Jehova. 3#Dt 33:10; 2 Mak 30:22; 34:14; Mal 2:7; 2 Mak 5:7; 1 Mak 23:26Wakaambila ba-Levi ibakali kwiisya ba-Israyeli boonse, ibakasalala kuli-Jehova, kuti, Amubike ibbokesi lisalalisya muŋanda njaakayaka Solomoni mwana wa-Davida mwami waIsrayeli. Talyeelede kuba mukuli aziwezo zyanu. Amucite milimo yaJehova Leza wanu ayabantu bakwe ba-Israyeli. 4#1 Mak 9:10; 23:1; 24:1; 2 Mak 8:14Alimwi amulibambe munzubo zyabamauso, munkamu zyanu, mbubonya mbwaakalemba Davida mwami wa-Israyeli, ambwaakalemba Solomoni mwanaakwe. 5#Int 134:1Lino amwiime mubusena busalala munkamu zyanzubo zyabamauso azyabantu bakwanu, inzubo zyaba-Levi mbuzyaandaanisigwa. 6#Kul 19:10; 2 Mak 29:5; 30:3,15; Ezr 6:20; Job 1:5; Int 51:7; Joel 2:16; Heb 9:13,14Lino amujaye banyama ba-Pasika, mulisalazye akubamba bakwanu, kuti bacite mbubonya Jehova mbwaakaamba kumulomo wa-Musa,
7 #
Mik 6:7; 2 Mak 30:24 Elyo Josiya wakaabila bana babantu imbelele atubelele atupongo, zyoonse zibe zipaizyo zya-Pasika. Boonse ibakajanwa bakapegwa. Mweelwe wakasika kuzyuulu zili makumi otatwe, abasune bali zyuulu zyotatwe. Ezi zyoonse zyakazwa mumbono zyamwami. 8#2 Kor 9:7Abalo basilutwe bakwe bakapa bantu abapaizi aba-Levi cakukondwa. Hilikiya a-Zekariya a-Jehieli, basilutwe baŋanda ya-Leza, bakapa bapaizi banyama ba-Pasika bali zyuulu zyobile amyanda iili musanu aumwi, abasune bali myanda yotatwe. 9Alakwe Kananaya, a Semayahu a-Netaneli banyina, a-Hasabiya a-Jcili a-Jozabada, bapati baba-Levi, bakapa ba-Levi zipaizyo zya-Pasika zili zyuulu zyosanwe abasune bali myanda yosenwe.
10 #
Ezr 6:18
Mbuboobo milimo mbuyakabambwa. Elyo bapaizi bakaima kumasena aabo, abalo ba-Levi munkamu zyabo, mbubonya mwami mbwaakalailila. 11#Lev 1:5,6; 2 Mak 29:22,34Mpawo bakajaya banyama ba-Pasika, nkabela bapaizi bakasansaila bulowa amaanza aabo, abalo ba-Levi bakabafunda. 12#Lev 3:3Bakagwisya zipaizyo kuti bazipe mbubonya mbuli zyaabilo zyanzubo zyabantu, baletele Jehova zituuzyo mbubonya mbukulembedwe mubbuku lya-Musa. Abalo basune bakabacitila mbubonya. 13#Kul 12:8; Dt 16:7; 1 Sam 2:13-15Lino nyama ya-Pasika bakaiyoka mumulilo mbubonya mbuli ciyanza ceelede, pele zipaizyo zimwi zisalala bakazijika muzibiya amumabbodo amuzilongo, bafwambaana kuzyaabila bantu boonse. 14Kusule lyayaaya bakalibambila beni akubambila bapaizi, nkaambo bapaizi bana ba-Aroni bakapakasya kumakani aazipaizyo amakani aamafuta mane kusikila masiku, nciceeco ba-Levi ncibakalibambila beni abapaizi bana ba-Aroni boonse. 15#1 Mak 25:1; 9:17,18; 26:14Abalo basikwiimba bana ba-Asafu bakali mumasena aabo mbubonya mbwaakalailila Davida a-Asafu a-Hemani a-Jedutuni sicilengano wamwami. Abalo basimilyango bakali kulindila kumulyango umwi aumwi, teebakaleka abuniini milimo yabo, nkaambo bakwabo ba-Levi bakababambila. 16Aboobo milimo yoonse ya-Jehova yakabambwa mubuzuba obo kuti balye Pasika akutuula zipaizyo acipaililo ca-Jehova, mbubonya mbwaakalailila mwami Josiya. 17#Kul 12:15; 13:6; Lev 23:5,8; My 28:16,17; Dt 16:3-8; 2 Mak 30:21; 1 Kor 5:7,8Bana ba-Israyeli boonse ibakajanwa bakaiya ipobwe lya-Pasika kuciindi eco, apobwe lyazinkwa zitakwe bumena mazuba aali musanu aabili. 18#2 Bam 23:22,23Katakwe ipobwe lya-Pasika lielene alyo ilyakacitwa mucisi ca-Israyeli kuzwa kumazuba aa-Samuele musinsimi. Abalo bami boonse ba-Israyeli, katakwe naba omwe akati kabo iwakacita ipobwe lya-Pasika mbuli mbwaakacita Josiya, abapaizi aba-Levi, aboonse bantu ba-Juda aba-Israyeli ibakajanwa, abantu ibakakede mu-Jerusalemu. 19EH ipobwe lyakaligwa mumwaka wakumi amusanu aitatu wabwami bwaJosiya.
Josiya mbwaakafwa mukulwisya mwami wa-Egepita
20 #
2 Bam 23:29; Jer 46:2 Lino kusule lyayaaya, Josiya naakamana kubamba iŋanda, Neko mwami wa-Egepita wakeza kukulwisya Karikemesi kumulonga wa-Firate, nkabela Josiya wakainka kuyoomulwisya. 21#2 Bam 18:25; Is 36:10; Dan 4:35Elyo wakamutumina batumwa, wati, Tulijisi makaninzi ayebo, O mwami wa-Juda? Teensi nduwe ngunjanda kulwisya sunu, ndeza kukulwisya luzubo lwabasinkondoma. Leza wandilailila kufwambaana. Leka kupilinganya makani aa-Leza ngundi awe, kuti atakunyonyooni. 22#1 Bam 14:2; 22:30; 2 Mak 18:29Nekubaboobo josiya wakakaka kupiluka, wakalyeneenya kuti akamulwisye, takwakamvwa majwi aa-Neko aakazwa kumulomo wa-Leza, pele wakasika kukumulwisya mukuti lya-Megido. 23#1 Bam 22:34Elyo basimata bakafusa mwami Josiya, nkabela mwami wakaambila balanda bakwe kuti, Amundigwisye, nkaambo ndayaswa loko. 24#2 Bam 23:30; Zek 12:11Mpawo balanda bakwe bakamugwisya mumindando yankondo, bamutantika ankalaki yabili njaakajisi, bamusisya ku-Jerusalemu, nkabela wakafwa. Lino bakamuzika mutubanda twabamawisi. Nkabela ba-Juda boonse abantu baku-Jerusalemu bakali kulila Josiya.
25 #
Jer 22:10; Malo 4:20; Muk 12:5; Jer 9:17; Am 5:16; Mt 9:23; Jer 22:20 Jeremiya wakalila Josiya, abalo baalumi basikwiimba abanakazi basikwiimba boonse bakaamba aa-Josiya mumalilo aabo aaciimbwa sunu. Akaba ciyanza mucisi ca-Israyeli, alilembedwe mubbuku lyamalilo. 26#Int 112:6; Tus 10:7; 22:1Lino makani amwi aa-Josiya, aluzyalo lwakwe, aakali mbuli bulembedwe mubbuku lyamulao wa-Jehova, 27amajwi aakwe, mataanzi amasyaalizi, oonse alilembedwe mubbuku lyabami ba-Israyeli aba-Juda.
Currently Selected:
2 Makani 35: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
