2 Makani 34
34
Josiya mbwaakaba mwami akubotya makani
1 #
1 Bam 3:7-9; 13:2; 2 Bam 22:1; 1 Mak 3:14,15; 2 Mak 35:25 Josiya kajisi myaka iili musanu aitatu naakaba mwami, nkabela wakeendelezya mu-Jerusalemu myaka iili makumi otatwe aumwi. 2Wakacita ziluleme mumeso aa-Jehova. Wakeenda munzila zya-Davida wisi, takwakaleya pe, nikuba kululyo nikuba kulumwensi. 3#1 Sam 1:24; Int 119:9; Tus 8:17; Muk 12:1; 2 Tim 3:15; 2 Mak 15:2; 1 Bam 13:2; 2 Mak 33:17,22Mumwaka wamusanu aitatu wabwami bwakwe, naakacili mwanike, wakatalika kuyandaula Leza wa-Davida wisi, nkabela mumwaka wakumi aibili wakatalika kusalazya Juda a-Jerusalemu akumwaya zipaililo zyakuzilundu azisamu zyaAsera azikozyano zibezedwe azikozyano zifulidwe. 4#Lev 26:30; 2 Bam 23:4; Kul 32:20Bakamwaya zipaililo zyababaala kubusyu bwakwe, azikozyano zyazuba izyakali alinzizyo wakazigonka, azisamu zya-Asera azikozyano aziimikilo zyoonse wakazipwayisya, wazisansaila atubanda twabaabo ibakazipailila. 5#1 Bam 13:2Azyalo zifuwa zyabapaizi wakazitenta azipaililo zyabo, aboobo wakasalazya cisi ca-Juda a-Jerusalemu. 6Nkabela wakacita mbubonya obo muminzi ya-Manase aya-Efraimu ayaSimeoni akusikila ku-Nafatali atunzuunzi twayo tweengelede. 7#Dt 9:21Elyo naakamana kumwaya zipaililo azisamu zya-Asera akupwayisya zikozyano akugonka zikozyano zyazuba munyika yoonse ya-Israyeli, wakapiluka ku-Jerusalemu.
Josiya mbwaakamamika intempele
8 #
2 Bam 22:3
Lino mumwaka wakumi amusanu aitatu wabwami bwakwe, naakamana kusalazya nyika aŋanda, wakatumina Safana mwana wa-Azaliya a-Maaseya silutwe wamunzi a-Joa mwana wa-Joahazi mulembi, kuti bamamike iŋanda ya-Jehova Leza wakwe. 9#2 Bam 12:4Nkabela nibakasika kuli-Hilikiya mupaizi mupati, bakamupa mali aakaletwa muŋanda ya-Leza, ba-Levi basikulindila mulyango ngebakabunganya kuzwa kumaanza aaba-Manase aba-Efraimu abantu boonse basyeede ba-Israyeli akumaanza aaboonse ba-Juda aba-Benjamini, elyo bakapiluka ku-Jerusalemu. 10Nkabela bakapa basimilimo ibakali kulanga iŋanda ya-Jehova. Bakapa basimilimo ibakali kubeleka muŋanda ya-Jehova, kuti bamamike akuyumya iŋanda. 11Bakapa bafuzi abayaki, kuti baule mabwe aabezedwe azisamu zyakuswanaanya, bamate maanda bami ba-Juda ngebakanyonyoona. 12#2 Bam 12:15; 22:7; Neh 7:2; Tus 28:20; 1 Kor 4:2Nkabela bantu bakabeleka cakusyomeka. Basilutwe babo ibakababelesya mbaaba: Jahati a-Obadiya ba-Levi babana ba-Merari, a-Zekariya a-Mesulamu babana ba-Kohati ibakalanga makani, aba-Levi boonse ibakabwene zibelesyo zyakwiimbya. 13#1 Mak 23:4,5; Ezr 7:6; Jer 8:8; Mt 26:3Bakali kulanga basikuyumuna mikuli abaabo ibakabeleka milimo yamisyobo misyobo. Alimwi akati kaba-Levi kakuli balembi abasilutwe abasimilyango.
Hilikiya mbwaakajana ibbuku lya-Mulao
14 #
Dt 31:24-26; 2 Bam 22:8 Lino nibakali kugwisya mali aakaletwa muŋanda ya-Jehova, Hilikiya mupaizi wakajana ibbuku lyamulao wa-Jehova ngwaakapa kujanza lya-Musa. 15Mpawo Hilikiya wakavuwa, waambila Safani mulembi kuti, Ndajana ibbuku lyamulao muŋanda ya-Jehova. Nkabela Hilikiya wakapa ibbuku mumaanza aa-Safani. 16Elyo Safani wakaleta ibbuku kumwami, alimwi wakaboozezya mwami ijwi lyakuti, Milimo yoonse iyakabikwa mumaanza aabalanda bako balaicita, 17Alimwi bagwisya mali aakajanwa muŋanda yaJehova, baapa mumaanza aabasilutwe amumaanza aabasimilimo. 18#Dt 17:19; Jos 1:8Mpawo Safani mulembi wakalwiida mwami kuti, Hilikiya mupaizi wandipa ibbuku, Nkabela Safani wakalibala mumatwi aamwami.
19 #
Dt 28:1-68; Rom 3:20; 7:7-14; Gal 2:19; 3:10-13; 2 Bam 19:1; Neh 8:9; Int 94:12,13; 119:120; Jer 23:9,29; Joel 2:13; Hab 3:16 Elyo mwami naakamvwa majwi aamulao, wakadeluula zyakusama zyakwe. 20#2 Bam 22:12Nkabela mwami wakalailila Hilikiya a-Ahikamu mwana waSafani a-Abidoni mwana wa-Mika a-Safani mulembi a-Asaya muzike wamwami kuti, 21#2 Bam 17:6Kamuya, mukabuzye makani kuli-Jehova, makani aangu amakani aabantu basyeede ba-Israyeli aba-Juda, nkaambo kamajwi aabbuku ilyakajanwa, nkaambo bwakomena bukali bwa-Jehova bulembedwe aandiswe, nkaambo bamatata tabana kubamba ijwi lya-Jehova, tabana kucita zyoonse zilembedwe mubbuku eli.
22 #
Kul 15:20; Bab 4:4; Lk 2:36; Inc 21:9; 2 Bam 22:14 Mpawo Hilikiya abaabo mwami mbaakabika bakaya kuli-Hulda musinsimi mwanakazi, muka-Salumu mwana wa-Takahati mwana wa-Hasira sikubamba zikobela. Wakalikede mu-Jerusalemu mucikolo. Nkabela bakamwaambila mbubonya obo. 23Elyo wakabavwiila kuti, Mbuboobu mbwaamba Jehova Leza wa-Israyeli. Amwaambile oyo muntu iwakamutuma kulindime kuti, 24#Jos 23:16; 2 Bam 21:12; 23:26,27; 2 Mak 36:6,21; Is 5:5; Jer 25:9; Dan 9:11-16; Am 3:6; Zek 1:6Mbuboobu mbwaamba Jehova. Amubone! Ndaleta mapenzi kubusena obuno akubantu bakede mulimbubo, nkukuti matusi oonse aalembedwe mubbuku ndibabalide mumatwi aamwami waJuda. 25Mbuli mbubandileka akutentela mizimu myeenzu tununkilizyo kukundikalazya kumilimo yoonse yamaanza aabo, bukali bwangu buyootilwa mpoonya ano, tabukooyoolesegwa pe. 26Lino oyo mwami wa-Juda iwakamutuma kukubuzya makani aa-Jehova, mbuboobu mbumweelede kumwaambila. Mbuboobu mbwaamba Jehova Leza wa-Israyeli aamajwi ayo ngomvwide. 27#Int 51:17; 86:5; Dan 9:9Mbuli moyo wako mbuwakali mutete, alimwi wakalibombya kubusyu bwa-Leza niwakateelela majwi aakwe ngaamba aabusena obuno abantu bakede mulimbubo, mbuli mbolibombya akudeluula zyakusama zyako akulila kubusyu bwangu, lino ambebo ndamvwa, mbwaamba Jehova. 28Bona! Ndakusisya kucikalilo cabauso, Uyoosika kukabanda kako caluumuno. Meso aako taakooyoobona mapenzi oonse ngenti lete kubusena obuno akubantu bakede mulimbubo. Elyo bakatola aya makani kumwami.
29 #
2 Bam 23:1
Mpawo mwami wakatuma impuwo, wabunganya boonse bapati ba-Juda aba-Jerusalemu. 30Nkabela mwami wakainka kuŋanda ya-Jehova, abantu boonse ba-Juda, abantu ibakakede mu-Jerusalemu, abapaizi aba-Levi, abantu boonse buyo nibababa bapati nibaba baniini. Elyo wakabala mumatwi aabo majwi oonse aabbuku lyacizuminano ilyakajanwa muŋanda yaJehova. 31#2 Bam 11:14Nkabela mwami wakaima mpoonya awo, watanga cizuminano kubusyu bwa-Jehova, wasyomezya kweenda munzila zya-Jehova, akubamba milazyo yakwe amilao yakwe ambeta zyakwe, camoyo woonse acamuuya woonse, akucita makani aacizuminano aalembedwe omo mubbuku. 32Wakazuminya boonse ibakajanwa mu-Jerusalemu amucisi ca-Benjamini, nkabela bantu ibakakede mu-Jerusalemu bakacita mbubonya mbukulembedwe mucizuminano ca-Leza, Leza wabamawisi. 33#1 Bam 11:5; Jer 3:10; 2 Mak 24:2Lino Josiya wakagwisya zisesemyo zyoonse muzisi zyoonse zyabana ba-Israyeli, abantu boonse ibakajanwa mu-Israyeli wakababelesya milimo ya-Jehova Leza wabo. Mazuba oonse ngaakapona teebakaleka kutobela Jehova Leza wabamawisi.
Currently Selected:
2 Makani 34: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
