2 Makani 19
19
Jehu mbwaakatapatila Josafati
1Lino josafati mwami wa-Juda wakapiluka kuŋanda yakwe kuJerusalemu caluumuno. 2#1 Sam 9:9; Int 15:4; Tus 1:10; 2 Mak 32:25Pele kwakeza kumucinga Jehu mwana wa-Hanani sicilengano. Oyu wakaambila mwami josafati kuti, Sa ncibotu kugwasya basizibi? Sa ncibotu kuyandisya abo basula Jehova? Nkaambo kamakani ayo, bukali bwakusikila kuzwa kuli-Jehova. 3#2 Mak 12:12; 30:19; Ezr 7:10Nekubaboobo zintu zimwi zibotu muzili mulinduwe, nkaambo wanyonyoona zikozyano zyamituni mucisi, alimwi wapangika moyo wako kukuyandaula Leza.
Josafati mbwaakabika babetesi
4Lino Josafati wakaakukala mu-Jerusalemu. Nkabela wakali kuya bweendeenda lwabili akati kabantu kuzwa ku-Beereseba akusikila kutulundulundu twa-Efraimu akubaboozya kuli-Jehova Leza wabamawisi. 5#Dt 16:18Alimwi wakabika babetesi mucisi, muminzi yoonse ya-Juda iili amabaya, mumunzi umwi aumwi, 6#Dt 1:17; Int 82:1; Muk 5:8nkabela wakaambila babetesi kuti, Amucenjele mbumucita, nkaambo teensi muntu buyo ngumubetekela, ngu-Jehova, Walo uli anywe mumakani aakubeteka. 7#Dt 32:4; Rom 9:14; Dt 10:17; Job 34:19; Inc 10:34; Rom 2:11; Gal 2:6; Ef 6:9; Kol 3:25; 1 Pet 1:17Lino amuyoowe Jehova. Amucenjele mbumucita, nkaambo kuli-Jehova Leza wanu taakwe bubetesi butaluleme nikuba kusalaula bantu nikuba kulya makulo.
8 #
Dt 16:18; 17:9-13; 1 Mak 23:4; 26:19; 2 Mak 17:8 Alimwi mu-Jerusalemu Josafati wakabika bamwi ba-Levi abapaizi abapati banzubo zya-Israyeli kuti babe babetesi ba-Jehova akukosola makani, Bakakala ku-Jerusalemu. 9#2 Sam 23:3Nkabela wakabalailila kuti, Mbuboobu mbumweelede kucita, Amubeteke cakuyoowa Jehova acakusyomeka acamoyo uululeme. 10#Dt 17:8; My 16:46; Ezk 3:18Kufumbwa makani aamusikila, aazwa kubakwanu bakede muminzi yabo, makani aakutila bulowa na makani aamulao na malailile na milazyo na imbeta, muleelede kubaiisya, kuti batabi amulandu kumeso aa-Jehova, kutabi bukali kulindinywe akubakwanu. Amucite obo, lino tamukooyoojana mulandu. 11Amubone! Amariya mupaizi mupati ngusilutwe wanu mumakani oonse aa-Jehova, alakwe Zebadiya mwana wa-Ismayeli mweendelezi waluzubo lwa-Juda ngusilutwe wanu mumakani aamwami, Abalo ba-Levi balamugwasya-gwasya, Amubeleke canguzu, Jehova abe abaabo bacita kabotu.
Currently Selected:
2 Makani 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
