2 Makani 20
20
Ba-Moabu aba-Amoni mbubakazundwa
1Lino kusule lyayaaya ba-Moabu aba-Amoni bakasika, bakeza abamwi ba-Meuni kuzoolwisya Josafati. 2#Matl 14:7; Jos 15:62; 1 Sam 23:29; Lwi 1:14Elyo kwakasika bantu kuli-Josafati, bamulwiida kuti, Kwasika inkamu impati yabantu bazwa kulwizi, ku-Aramu, beza kukulwisya. Bona! Bali ku-Hazazoni Tamara, ngonguwo Engedi, 3#Bab 20:26; 1 Sam 7:6; Ezr 8:21-23; Es 4:16; Jer 36:9; Joh 3:5Mpawo Josafati wakayoowa, wapangika moyo wakwe kukuyandaula Jehova, waita ba-Juda boonse kuti baliimye kulya, 4#Joel 1:14Nkabela ba-Juda bakayoboloka kuti bakumbile kugwasigwa kuli-Jehova. Bakazwa kuminzi yoonse ya-Juda kuzooyandaula Jehova.
5Lino Josafati wakanyampuka mumbungano ya-Juda aya-Jerusalemu muŋanda ya-Jehova, kunembo lyalubanza lupya, 6#Dt 4:39; Jos 2:11; 1 Bam 8:23; Is 57:15; 66:1; Mt 6:9; 1 Mak 29:11,12; Int 47:2; 62:11; Jer 27:5; Dan 4:17; Mt 6:13wati, O Jehova Leza wabamatatesu, sa toli Leza kujulu? Sa teensi nduwe oendelezya mami oonse aabamasi? Mujanza lyako muli inguzu abwami. Taakwe muntu uukonzya kukulwisya. 7#Matl 17:7; Kul 6:7; Is 41:8; Jak 2:23Sa teensi nduwe Leza wesu uwakatanda bantu ibakakede munyika eyi kubusyu bwabantu bako ba-Israyeli? Sa teensi nduwe wakaipa bana ba-Abrahamu muzwalani wako, ibe yabo lyoonse? 8Balikede mulinjiyo, alimwi baliyakilide izina lyako busena busalalisya mumonya, bati, 9#1 Bam 8:33,37; 2 Mak 6:28,29Na twasikilwa bubi, ipanga na kubetekwa na bulwazi na inzala, tuyooima kunembo lyaŋanda eyi akubusyu bwako, nkaambo izina lyako molili omu muŋanda, tuyookukwiilila mumapenzi esu, elyo uyoomvwa akutuvuna. 10#Dt 2:4; My 20:21Lino bona! Bana ba-Amoni aba-Moabu abantu bacilundu ca-Seiri, mbombabo mbowakakasya bana ba-Israyeli kusaala nyika yabo kuciindi eco nibakazwa munyika ya-Egepita, aboobo bakabaleka akutabanyonyoona. 11#Int 83:12Sunu mbuboobu mbubatulumbula. Beza kutu tanda munyika yesu njowakatukonya. 12#1 Sam 3:13; Int 46:7-11; Ciy 19:11; 2 Kor 3:5; Int 25:15; 121:1O Leza wesu, sa tokooyoobabeteka? Nkaambo iswe twabula inguzu zyakuzunda aba bantu banji loko beza kukutulwisya, Tatuzi na tulacita buti, pele meso esu ali kulinduwe.
13Lino ba-Juda boonse bakaliimvwi kubusyu bwa-Jehova, atwana twabo abanakazi babo abana babo. 14#My 11:25; 24:2; 2 Mak 15:1; 24:20Mpawo Muuya wa-Jehova wakasikila Jahazieli mwana wa-Zekariya mwana wa-Benaya mwana wa-Jelli mwana wa-Mataniya, umwi mu-Levi wabana ba-Asafu, akati kambungano, 15#Kul 14:13; Dt 1:29; 31:6,8; 2 Mak 32:7nkabela wakaamba kuti, Amuswiilile nuba-Juda nyoonse, anywe nimukede mu-Jerusalemu, ayebo mwami josafatl. Mbuboobu mbwaamwaambila Jehova, Mutayoowi nikuba kukankama nkaambo kamakamu aya mapati, nkaambo inkondo teensi yanu, njiya-Jehova. 16Junza, kamuya kuyoobalwisya. Amubone! Baleza kumatantilo aa-Zizi, Muyoobajana kumagolelo aakuti, kujwe lyankanda ya-Jerueli. 17#Kul 14:13; My 14:9; 2 Mak 15:2; 32:8; Int 46:7-11; Is 8:10; Am 5:14Tamukooyoolwana munkondo eyi pe, Amwiimike buyo mumindando yanu, mukabone lufutuko lwa-Jehova ndwati mucitile nuba-Juda aba-Jerusalemu, Mutayoowi nikuba kukankama. Junza kamuya nkubabede. Jehova uyooba anywebo.
18 #
Kul 4:31
Mpoonya awo Josafati wakakotama akuvundama ansi, Abalo ba-Juda boonse abana-Jerusalemu bakavundama kubusyu bwa-Jehova akulemeka Jehova. 19Nkabela kwakanyampuka ba-Levi, bamwi bana ba-Kohati abana ba-Kora, kuti batembaule Jehova Leza wa-Israyeli ajwi ipati loko.
20 #
Is 7:9; 26:3; Joh 11:40; 14:1; Rom 8:31 Lino nibwakaca, bakafuma kwiinka kunkanda ya-Tekowa. Nkabela nibakaamba kwiinka, josafati wakaima, wati, Amundiswiilile nuba-Juda anyoonse nubana-Jerusalemu. Amusyome Jehova Leza wanu, mukaime nji, Amusyome basinsimi bakwe, mukazunde. 21#1 Mak 16:29,34; Int 29:2; 50:2; Ezr 3:11; Int 106:1; 136:1; 2 Mak 5:13; 7:3Elyo naakamana kubuzyanya makani abantu, wakabika bantu bakwiimbila Jehova akumutembaula mubweebesi busalalisya, basololole basilumamba akwaamba kuti,
Amulumbe Jehova,
Nkaambo luzyalo lwakwe talweeli.
22 #
Bab 7:22; 1 Sam 14:20 Lino nibakatalika kwiimba akutembaula, Jehova wakabusya basikuyuba kuti balwisye bana ba-Amoni aba-Moabu abana bacilundu ca-Seiri ibakeza kulwisya ba-Juda, nkabela bakazundwa. 23Nkaambo bana ba-Amoni abaMoabu bakabuka kukulwisya basikukala kucilundu ca-Seiri, babanyonyoona akubamaninina, alimwi nibakamana kunyonyoona bantu ba-Seiri, bakagwasya umwi aumwi kujaya mweenzinyina.
24 #
Kul 14:13; Int 110:6; Is 37:36; Jer 33:5 Elyo ba-Juda nibakasika kucilangilo cakunkanda, bakalanga kumakamu aabantu, elyo bakabona mitunta buyo iilede ansi. Katakwe naba omwe iwakaloboka. 25Nkabela Josafati abantu bakwe nibakasika kukusaala imbono, bakajana iŋombe zinji loko, azibelesyo, azyakusama, azintu ziyandisi, elyo bakalibwezela mane bakalemenwa akukacilwa kuyumuna zimbi. Mazuba otatwe bakali kusaala imbono, nkaambo zyakavula loko. 26Lino mubuzuba bwane bakabungana kumunkuni wa-Beraka, nkaambo nkukonya oko nkubakalumba Jehova. Nciceeco busena obo ncibucaambilwa asunu munkuni wa-Beraka. 27#Neh 12:43Elyo bakapiluka, bantu boonse ba-Juda abakuJerusalemu, a-Josafati nguwakali kubasololweda. Bakeza ku-Jerusalemu cakukondwa, nkaambo Jehova wakabapa lukonde kumakani aabasinkondonyina. 28Bakeza ku-Jerusalemu atuntimbwa abanamalwa amyeembo lumwi bakasika kuŋanda ya-Jehova. 29#2 Mak 17:10Nkabela buyoofu bwa-Leza bwakawida bamasi bakunyika zyoonse nibakamvwa Jehova mbwaakalwisya basinkondonyina Israyeli. 30#2 Mak 15:15; Job 34:29Aboobo bwami bwa-Josafati bwakali aluumuno. Leza wakwe wakamupa kulyokezya koonse koonse.
Makani amwi aabwami bwa-Josafati
31 #
1 Bam 22:41
Mbuboobu Josafati mbwaakeendelezya ba-Juda, Kajisi myaka iili makumi otatwe amusanu naakaba mwami, nkabela wakeendelezya muJerusalemu myaka iili makumi obile amusanu. Izina lyabanyina bakali Azuba mwana wa-Sili. 32Nkabela wakeenda munzila ya-Asa wisi, taakwe naakaleya pe, mukucita bululami mumeso aa-Jehova. 33#2 Mak 12:14; 19:3Pele zipaililo zyakuzilundu teezyakagwisigwa pe. Bantu kabatana kupangika myoyo yabo kuli-Leza wabamawisi. 34#1 Bam 16:1Lino makani amwi aa-Josafati, mataanzi amasyaalizi oonse, alilembedwe mumakani aa-Jehu mwana wa-Hanani, aali mukati kabbuku lyabami ba-Israyeli,
Maato aa-Josafati mbwaakanyonyooka
35Lino kusule lyayaaya, Josafati mwami waba-Juda wakatanga buzwalani a-Ahaziya mwami wa-Israyeli, ngonguwe wakacita zibi. 36#1 Bam 22:49Bakagwasyanya mukubeza maato aakuya ku-Tarisi. Maato bakaabeza ku-Ezioni-Geberi. 37#Matl 10:4; 1 Bam 10:22; 2 Mak 9:21Mpawo Eliezeri mwana wa-Dodavahu waku-Maresa wakasinsimina Josafati kuti, Mbuli mbotangene buzwalani a-Ahaziya, Jehova ulanyonyoona milimo yako. Nkabela maato akaanduka, akakacilwa kuya ku-Tarisi.
Currently Selected:
2 Makani 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
