1 Bami 7
7
Milimo imwi Solomoni njaakacita
1 #
1 Bam 9:10; 10:17; 2 Mak 8:11 Iŋanda yakwe mwini Solomoni wakali kwiiyaka myaka iili ikumi aitatu, lumwi wakiimanisya iŋanda yoonse.
2Ayalo iŋanda yakulusaka lwa-Lebano wakaiyaka. Bulamfu bwayo bwakali tukokola tuli mwaanda, abwaamba bwayo bwakali tukokola tuli makumi osanwe, abwiime bwayo bwakali tukokola tuli makumi otatwe. Yakaliyakidwe amindando yotatwe yamisamu yakedari, aminkulu yakedari amindando eyo. 3Alimwi yakalivumbidwe amisamu yakedari atala lyatwaanda twakali ajulu lyamindando, twakali makumi one amusanu, mumindando mindando ikumi amusanu. 4Zipulo zyakali-mumindando yotatwe. Zipulo zyakalilangene mumatantilo otatwe. 5Milyango yoonse azipulo zyoonse kazijisi zikunguzyo zyamabazu one, azipulo zyakalilangene mumindando yotatwe.
6Ayalo inkuta wakaiyasya zisamu. Bulamfu bwayo bwakali tukokola tuli makumi osanwe, abwaamba bwayo bwakali tukokola tuli makumi otatwe, Nkabela kakuli kaanda kunembo lyayo ikakayakidwe azisamu, acikwabilizyo kunembo lyako.
7 #
1 Bam 10:18; Int 45:6; 110:1; Tus 20:8; 29:4; Is 9:7 Ayalo inkuta yacuuno cabwami, mwaakali kubetekela, nkukuti inkuta yalubeta, wakaiyaka. Yakavumbizigwa misamu yakedari kuzwa ansi akusikila kulululi.
8 #
Dt 17:16,17; 1 Bam 3:1 Alimwi iŋanda yakwe, mwaakali kukala, mulubuwa lumwi kusule lyankuta, yakayakwa mbubonya obo. Nkabela Solomoni wakayaka iŋanda aimwi iili boobu, kuti ibe yamwana musimbi wa-Farao, ngonguwe ngwaakakwete.
9Aya oonse akayasigwa mabwe mayandisi aakabezwa cakweelekwa akugonkolwa amasaha, kunembo akusule, kuzwa kuntalisyo akusikila kunsonge, akuzwa kulubua lwaŋanda ya-Jehova akusikila kulubua lupati. 10Intalisyo yakatalikwa amabwe mayandisi, mabwe mapati, mabwe aali abulamfu bwatukokola tuli ikumi na tukokola tuli musanu atutatu. 11Aalo ajulu kaali mabwe mayandisi aakabezedwe cakweelekwa, azisamu zyakedari. 12#Joh 10:23; Inc 3:11Nkabela lubua lupati lwakalijisi mindando yotatwe yamabwe mabeze aazyungulukide, amundando omwe waminsende yakedari. Alwalo lubua lwamukati lwaŋanda ya-Jehova lwakali mbubonya, akaanda kakunembo lyaŋanda.
13 #
2 Mak 4:11
Mpawo mwami Solomoni wakatuma kuyooleta Hiramu kuzwa ku-Turo. 14#2 Mak 2:14; 4:16; Kul 31:3; 28:3; 36:1; Job 35:11; Is 28:26; Dan 1:17; Lk 2:40Kali mwana wanabutema wamukowa wa-Nafitali, awisi kali mwaalumi waku-Turo, mufuzi wamukuba. Kazwide busongo akuswiililisya aluzibo, kabwene loko kubeleka milimo iili buti na buti yamukuba. Lino wakeza kumwami Solomoni kuzoocita milimo.
15 #
2 Bam 25:17; 2 Mak 3:15; 4:12; Jer 52:21 Nkabela wakafula minsende yobile yamukuba. Munsende umwi aumwi kuuli abwiime bwatukokola tuli ikumi amusanu atutatu, antambo yatukokola tuli ikumi atubili njiyakali kukonzya kuuzyunguluka. Wakali ampako mukati, andiya yamukuba kiili mbuli minwe yone. Munsendenyina awalo kuelene. 16Alimwi wakapanga ziimikililo zyobile akuzibika atala lyaminsende. Wakazifuzya mukuba. Ciimikililo cimwi cakali abulamfu bwatukokola tosanwe, aciimikililo cabili acalo cakali abulamfu bwatukokola tosanwe. 17Nkabela wakapanga tusabwe tobile tupesedwe antambo tuli ankeetani twakubika aziimikililo izyakali aminsende. Ciimikililo cimwi cakalijisi kasabwe, aciimikililo cimwi cakalijisi kasabwe. 18Mbubonya obo wakapanga mindando yobile yamicelo yapomegranite koonse koonse akasabwe komwe cakuvumba ciimikililo icakali ajulu lyamunsende. Aciimikililo cabili acalo wakacicitila mbubonya. 19Lino ziimikililo izyakali ajulu lyaminsende mukaanda kakunembo zyakacitwa azikozyano zyampana, tukokola tone. 20#2 Bam 25:17; 2 Mak 3:16; 4:13; Jer 52:23Ziimikililo zyakali ajulu lyaminsende yobile akujulu lyamusumpuululu uutuntumene iwakali kubbazu lyatusabwe. Kakuli mapomegranite aali myanda yobile mumindando yobile iizyungulukide. Aciimikililo cabili acalo mbucakacitidwe. 21#2 Mak 3:17; Lwi 3:10; Gal 2:9; Ciy 3:12; 1 Bam 6:3Nkabela wakayaka minsende kumanjililo aantempele. Munsende wakululyo naakauyaka, wakauulika izina lya-Jakini, amunsende wakulumwensi naakauyaka, wakauulika izina lya-Boazi. 22Alimwi ajulu lyaminsende kwakabezwa zikozyano zyampana, Aboobo milimo yaminsende yakamana.
23 #
2 Bam 25:13; 2 Mak 4:2; Jer 52:17 Alimwi wakafula cikozyano caziba lyamaanzi. Lyakali zyuungulukide, lyakeelekwa tukokola tuli ikumi kuzwa kunkomwe imwi kusikila kunkomwe imbi, abwalo bwiime bwalyo bwakali tukokola tosanwe, Intambo yatukokola tuli makumi otatwe njiyakali kukonzya kulizyunguluka. 24#2 Mak 4:3Kunsi kutako lyalyo lyakazyuungulukidwe zikozyano zyazinkuli. Tukokola tuli makumi otatwe zinkuli zyakali kuguma iziba. Zyakali mumindando yobile, zyakafulwa antoomwe andilyo. 25#2 Mak 4:4,5; Jer 52:20; Ezk 1:10; Ciy 4:6,7Nkabela lyakaliimvwi ajulu lyaŋombe zili ikumi azibili. Iŋombe zyotatwe kazilangide kunyika, zyotatwe kazilangide kumbo, zyotatwe kazilangide kumusanza, zyotatwe kazilangide kujwe. Iziba lyakalikede alinzizyo, amatako aazyo akalifutatilene. 26#2 Mak 4:5Indiya yalyo yakali mbuli ijanza, ankomwe yalyo yakalipangidwe mbubonya mbuli mulomo wankomeki, yakali amalubaluba aampana. Kalikonzya kujata nongo zili zyuulu zyobile.
27Alimwi wakapanga zikazikilo zili ikumi zyamukuba, Cikazikilo cimwi acimwi kacijisi bulamfu bwatukokola tone, abwaamba bwatukokolat tone, abwiime bwatukokola totatwe. 28Lino mbuboobu zikazikilo mbuzyakapangidwe: zyakalijisi misinsi, amisinsi yakabikilwa minkulu, 29#Matl 3:24; 1 Bam 6:27; Int 18:10; Ezk 1:10; 10:14; Ciy 4:6-8alimwi awo amisinsi iyakabikilwa minkulu akabezwa balavu aŋombe abaangelo bakerebimu, Alimwi aminkulu, koonse kujulu amunsi lyabalavu aŋombe, akafokolwa zikozyano. 30Nkabela cikazikilo cimwi acimwi cakalijisi mibalo yone yamukuba azibulo zyamukuba, Alimwi azyooko zyone akali zitaoilizyo zyacisambilo. Ezi zitabilizyo zyakalifulidwe, ankeetani mumbali lyazyo. 31Amulomo waco wakali mukati kamusini iwakaconcomene ajulu kakokola komwe. Mulomo waco wakalizyuungulukide mbubonya mbuli ciimikililo mbucicitwa, kuuli abulamfu bwakakokola acisela. Aalo amulomo waco akabezwa zikozyano, amisinsi yazyo yakali amabazu one, teeyakazyungulukide pe. 32Mibalo yone yakali kunsi lyamisinsi, azibulo zyamibalo zyakalijisi mucikazikilo, Bwiime bwamubalo bwakali kakokola acisela. 33Mibalo yakalipangidwe mbubonya mbuli mibalo yankalaki. Zibulo zyayo amyoombe yayo atwiimino twayo azijatilizyo zyayo zyoonse zyakalifulidwe. 34Alimwi cikazikilo cimwi acimwi cakalijisi zitabilizyo zyone kuzyooko zyaco, Ezi zitabilizyo zyakalijisi mucikazikilo cini. 35Nkabela ajulu lyacikazikilo akali cintu cizyungulukide icakali abwiime bwacisela cakakokola. Alimwi mpoonya awo ajulu lyacikazikilo zitabilizyo zyaco aminsini yace zyoonse zyakalijisi mulincico. 36Lino atala lyazitabilizyo zyaco alyamisinsi yaco wakafokola zikozyano zyabakerebimu azyabalavu azyatukunka, kufumbwa busena nkubwakajenwe, ankeetani kazili kumabazu. 37Mbuboobo mbwaakapanga zikazikilo zili ikumi, Zyoonse zyakalifulidwe mbubonya. Zyakaleelene mubweelekwe bwazyo amuciwa cazyo.
38 #
Kul 30:17; 2 Mak 4:6; Zek 13:1; Tit 3:5 Lino wakapanga zisambilo zili ikumi zyamukuba. Cisambilo cimwi cakakonzya kujata nongo zili makumi one, alimwi bulamfu bwacisambilo cimwi cakali tukokola tone, nkabela zikazikilo zili ikumi zyakabikilwa cimwi acimwi cisambilo caco. 39Elyo zikazikilo wakazibika, zyosanwe kululyo lwaŋanda azyosanwe kulumwensi lwaŋanda. Alyalo iziba wakalibika kubbazu lyacooko caŋanda cakumusanza wakujwe.
40Mpawo Hiramu wakacita zilongo amaliko amitiba. Aboobo Hiramu wakamanisya milimo yoonse njaakacitila mwami Solomoni kuŋanda yaJehova: 41minsende yobile, ziimikililo zizyungulukide zyobile izyakali ajulu lyaminsende, insabwe zyobile zyakuvunisya ziimikililo zizyungulukide zyobile izyakali ajulu lyaminsende, 42amapomegranite aali myanda yone aansabwe zyobile, mindando yobile yamapomegranite kulusabwe lumwi alumwi, yakuvunisya ziimikililo zizyungulukide izyakali ajulu lyaminsende, 43azikazikilo zili ikumi, azisambilo zili ikumi izyakakede mpoonya azikazikilo, 44aziba lyomwe, aŋombe zili ikumi azibili kunsi lyaziba.
45 #
Kul 27:3; 38:8; 2 Mak 4:16; Zek 14:20,21 Lino zilongo amaliko amitiba azibelesyo zimwi Hiramu nzyaakacitila mwami Solomoni muŋanda ya-Jehova, zyoonse zyakali zyamukuba uubulungene. 46#2 Mak 4:17; Matl 33:17; Jos 3:16; 13:27 Mumumpata wa-Jordano mwami nkwaakazifulila, munyika yabulongo iili akatikati ka-Sukoti a-Zaretani. 47#1 Mak 22:14Nkabela Solomoni wakabula kweeleka bulemu bwazibelesyo zyoonse, nkaambo zyakavula loko. Bulemu bwamukuba teebwakabalwa pe.
48 #
Kul 37:10,25; 25:30; Lev 24:5 Aboobo Solomoni wakapanga zibelesyo zyoonse zyamuŋanda yaJehova: cipaililo cangolida, antafule yangolida yakubikilwa mikamu iituulwa; 49zibikilo zyamalampi zyangolida loko, zyosanwe kululyo azyosanwe kulumwensi lwacikombelo camukati, malubaluba amalampi alumano lwangolida; 50inkomeki atugele amitiba amigano yatununkilizyo ankayi zyamulilo, zyoonse zyangolida loko; azijatyo zyangolida zyamakoma aabusena busalalisya bwamukati kaŋanda azyamakoma aantempele yaanze.
51Mbuboobo mwami Solomoni mbwaakamanisya milimo yoonse njaakacitila iŋanda ya-Jehova. Mpawo Solomoni wakaleta zintu nzyaakasalazizye wisi Davida, insiliva angolida azibelesyo zyoonse, akuzibika muciyobwedo camuŋanda ya-Jehova.
Currently Selected:
1 Bami 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
