1 Bami 4
4
Mazina aabasilutwe ba-Solomoni
1Lino mwami Solomoni kali mwami wacisi coonse ca-Israyeli. 2Ngaaya mazina aabasilutwe mbaakajisi: Azariya mwana wa-Zadoki kali mupaizi, 3#2 Sam 8:16Elihorepa a-Ahiya bana ba-Sisa kabali balembi, Josafati mwana waAhiludi kali sikulemba makani, 4#1 Bam 2:35; 2:27Benaya mwana wa-Jehoyada kali silutwe wampi, Zadoki a-Abiyatare kabali bapaizi, 5#2 Sam 8:18; 20:26; 15:37; 16:16; 1 Mak 27:33Azariya mwana wa-Natani kali mupati wabanduna, Zaba di mwana wa-Natani mupaizi kali mweenzinyina mwami, 6#1 Bam 5:14Ahisara wakali similimo waŋanda yamwami, a-Adoniramu mwana wa-Abida kali mulangi wacibalo.
7Alimwi Solomoni kajisi bami bali ikumi ababili bazisi zyaba-Israyeli, mbombabo ibakali kubambila mwami abasiŋanda bakwe zilyo. Umwi aumwi kabamba zilyo zyamwezi umwi wamwaka. 8Ngaaya mazina aabo: Benhuri mucisi catulundulundu twa-Efraimu, 9Bendekeri ku-Makazi akuSaalibimu aku-Betisemesi aku-Elonibetanani, 10Benhesedi ku-Aruboti aku-Soko anyika yoonse ya-Heferi, 11Benabinadabu kucisi coonse caNafati-dori (ngonguwe iwakakwata Tafati mwana wa-Solomoni), 12Baana mwana wa-Ahiludi ku-Tanaki aku-Megido aku-Betseani koonse kubambene aku-Zaretani kumunkuni wa-Jezreeli kuzwa ku-Betseani kusikila ku-Abelimehola mane kwiinda ku-Jokimeamu, 13#My 32:41; Dt 3:4Beni-geberi ku-Ramoti-Gileadi (nguwe iwakajisi minzi ya-Jairi mwana wa-Manase iili mu-Gileadi, alimwi kajisi cisi ca-Arigobi cili mu-Basani, minzi mipati iili makumi aali musanu alimwi iyakayakilidwe malambo aminkulu yalubulo), 14Ahinadabu mwana wa-Ido ku-Mahanaimu, 15Ahimaazi ku-Nafitali (ngonguwe iwakakwata Basemati mwana wa-Solomoni), 16Baana mwana wa-Husai ku-Aseri akuAloti, 17jehosafati mwana wa-Paruwa ku-Isakara, 18Simeyi mwana waEla ku-Benjamini, 19#Dt 3:8Geberi mwana wa-Uri mucisi ca-Gileadi, nyika ya-Sihoni mwami waba-Amori a-Ogi mwami wa-Basana. Nkabela kakuli umwi silutwe mucisi ca-Juda,
20 #
Matl 22:17; 1 Bam 3:8; Tus 14:28; 1 Sam 30:16; 1 Mak 12:39; Job 1:18; Int 72:3; Mik 4:4; Zek 9:15; Inc 2:46 Ba-Juda aba-Israyeli kabali banjibanji, bakavula mbubonya mbuuvula musenga wakunkomwe yalwizi. Bakali kulya akunywa akusekelela. 21#Matl 15:18; Kul 23:31; Dt 11:24; Jos 1:4; 2 Mak 9:26; Int 72:8Nkabela Solomoni wakali kweendelezya zisi zyoonse kuzwa kumulonga wa-Firate kusikila kunyika yaba-Filisti akumugaano wa-Egepita. Boonse kabaleta mitelo akumanina Solomoni milimo mazuba oonse aabuumi bwakwe.
22Lino mbuboobu mbubwakabede bulilu bwa-Solomoni bwabuzuba bomwe: masaka aabusu bunante aali makumi otatwe, amasaka aabusu aali makumi aali musanu alimwi, 23iŋombe zineneede zili ikumi, aŋombe zicela zili makumi obile, ambelele zili mwaanda, kutaamba bakonze ansya abalubondwe abayuni baneneede. 24#Matl 10:19Nkaambo kali abwami munyika yoonse kumbo lyamulonga wa-Firate, kuzwa ku-Tipsa kusikila ku-Gaza. Kali mupati wabami boonse bakumbo lya-Firate, alimwi kakede aluumuno kumabazu oonse. 25#Dt 33:28,29; Int 33:12; 144:12-15; Jer 23:6; Mik 4:4; Zek 3:10Ba-Juda aba-Israyeli bakali kukala cakuliiba, umwi aumwi ulikede munsi lyamusaansa wakwe alyamukuyu wakwe, kuzwa kuDani akusikila ku-Beeriseba, mazuba oonse ngaakapona Solomoni. 26#Dt 17:16; 1 Bam 10:25,26; 2 Mak 9:25; Int 20:7Nkabela Solomoni kajisi maanda aali zyuulu zili makumi one aamabbiza aankalaki zyakwe, abasimbizi bali zyuulu zili ikumi azibili. 27Lino abo basilutwe bakali kuletela mwami Solomoni aboonse ibakali kusaninwa kuntafule yakwe malilu, umwi aumwi mumwezi wakwe. Katakwe ncibakabulide pe. 28#Es 8:14; Mik 1:13Aalo malilu aabbaale abwizu bwambizi abwamabbiza, zyoonse bakazileta nkukonya nkuzyakayandika, umwi aumwi mbwaakalaililwa.
Busongo bwa-Solomoni
29Lino Leza wakapa Solomoni busongo abucenjezu loko loko, amoyo uuzwide twaambo tunji mbuli musee wakunkomwe yalwizi. 30#Matl 25:6; Tus 2:1; Inc 7:22Busongo bwa-Solomoni bwakali kwiinda busongo bwabantu boonse bakujwe abusongo boonse bwaba-Egepita. 31#1 Mak 15:19; 6:33Wakasongwaala kwiinda bantu boonse, kwiinda Etani waku-Ezra, a-Hemani, a-Kalikoli, a-Darida bana ba-Maholi, nkabela impuwo yakwe yakamwaika kuzisi zyoonse zyeengelede. 32#Tus 1:1; Muk 12:9; Lwi 1:1Wakaamba tusimpi tuli zyuulu zyotatwe, azyalo nyimbo zyakwe zyakali cuulu amusanu. 33Alimwi wakaamba makani aamisamu, nkukuti misamu yoonse kuzwa kukedari uumena mucilundu ca-Lebano akusikila kumusampwiza uumena abulambo. Amakani aabanyama abayuni atuuka answi, oonse buyo wakalaabwene. 34#1 Bam 10:1; 2 Mak 9:1Nkabela kwakeza bantu bamisyobo yoonse kuzooswiilila busongo bwa-Solomoni, abami boonse baluwa ibakamvwide impuwo yabusongo bwakwe.
Currently Selected:
1 Bami 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
