1 Bami 5
5
Solomoni mbwaakalibamba kuyaka intempele
1 #
2 Sam 5:11; Am 1:9 Mpawo Hiramu mwami waku-Turo wakatuma balanda bakwe kuliSolomoni, nkaambo wakamvwa kuti ulinanikidwe mafuta aabwami mucibaka cawisi. Nkaambo Hiramu wakali kuyandisya Davida mazuba oonse. 2#2 Mak 2:3Nkabela Solomoni wakatumina Hiramu mulazyo wakuti, 3#2 Sam 7:5; 1 Mak 22:8; 28:3; 2 Mak 6:6-8Ulizi kuti taata Davida wakakacilwa kuyakila izina lya-Jehova Leza wakwe iŋanda, nkaambo kankondo bantu nzibakamubusizya, mane Jehova wakababika kunsi azituta zyamaulu aakwe. 4#1 Mak 22:9; Int 72:7; Is 9:7Pele lino Jehova Leza wangu wandipa lulyokezyo kumabazu oonse, Nsikwe basinkondoma naaba mafwabi pe. 5#2 Mak 2:4; 2 Sam 7:12,13; 1 Mak 22:10Nkaambo kako ndi mukuyeeya kuyakila izina lya-Jehova Leza wangu iŋanda, mbubonya mbuli Jehova mbwaakaambila Davida taata kuti, Mwana wako ngunjoobika mucibaka cako acuuno cako ngonguwe uuti yakile izina lyangu iŋanda. 6#1 Bam 6:9,10,16,20; 2 Mak 2:8; Ezk 27:5Lino lailila bantu kuti banditemene misamu yakedari mucilundu ca-Lebano, Balanda bangu bayoogwasya balanda bako, azyakuvola zyabalanda bako njookupa kufumbwa mboamba, nkaambo ulizi kuti taakwe muntu akati kesu uuzi kutema misamu mbuli ba-Sidoni,
7Elyo Hiramu naakamvwa majwi aa-Solomoni, wakakondwa loko, wakati, Alumbwe Jehova buzuba obuno, nkaambo wapa Davida mwana uucenjede wakweendelezya aba bantu banji. 8Nkabela Hiramu wakatumina Solomoni, wakati, Ndakamvwa ncowakanditumina. Njoocita coonse ncoyanda kumakani aamisamu yakedari amisamu yamu lombe. 9#1 Bam 9:20,21; 2 Mak 2:16; Ezr 3:7; Ezk 27:17; Inc 12:20Balanda bangu bayooiselusya kulwizi kuzwa ku-Lebano, elyo njooiubya kuti ikeendele mumaanzi kusika kufumbwa nkoti ndaambile. Yasika nkuko, njooitimbaula, kuti uitambule kabotu, Lino uleelede kucita mbunjanda kukupa basiŋanda bangu zilyo. 10Aboobo Hiramu wakapa Solomoni misamu yakedari amisamu yamu lombe yoonse njaakayanda. 11#2 Mak 2:10Alakwe Solomoni wakapa Hiramu masaka aabulotwe aali zyuulu zili makumi obile aakusanina basiŋanda bakwe, amingomo iili zyuulu zili makumi obile yamafuta aakutwa, Mbuboobo Solomoni mbwaakali kupa Hiramu myaka yoonse. 12#1 Bam 3:12; 2 Mak 1:12; Jak 1:5Nkabela Jehova wakapa Solomoni busongo mbubonya mbwaakamusyomezya, alimwi Solomoni a-Hiramu bakakala caluumuno akutangana cizuminano.
13Lino mwami Solomoni wakanjizya bantu mucibalo kumikowa yoonse ya-Israyeli, Eci cibbalo cakatola bantu bali zyuulu zili makumi otatwe. 14#1 Bam 12:18Nkabela wakabatuma ku-Lebano, mwezi umwi aumwi bantu bali zyuulu zili ikumi, camalizi. Mwezi omwe bantu kabakala ku-Lebano, amyezi yobile kabakala kumunzi, Adoniramu nguwakali kubelesya basicibalo. 15Alimwi Solomoni kajisi bantu bali zyuulu zili makumi aali musanu aabili bakuyumuna mikuli, abantu bali zyuulu zili makumi aali musanu aatatu bakutema misamu kucilundu; 16kutaamba basilutwe Solomoni mbaakabika kuti balange basimilimo, Aba ibakali kubelesya bantu bakali zyuulu zyatatwe amyanda yotatwe. 17Elyo mwami mbwaakabalailila, bakasya mabwe mapati mayandisi, kuti intalisyo yaŋanda ibikwe amabwe aabezedwe kabotu. 18Aboobo bayaki ba-Solomoni abayaki ba-Hiramu abantu ba-Gebala bakasya mabwe akubamba ziyako amabwe kuyasya iŋanda.
Currently Selected:
1 Bami 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
