1 Bami 3
3
Solomoni mbwaakatanga mulongo amwami wa-Egepita
1 #
1 Bam 9:15
Lino Solomoni wakatanga mulongo a-Farao mwami wa-Egepita, wakakwata mwana musimbi wakwe akumusisya kumunzi wa-Davida, mane wamana kuyaka iŋanda yakwe aŋanda ya-Jehova abulambo bwakuzyungulusya Jerusalemu. 2#Lev 17:3; Dt 12:2; 1 Bam 22:43Pele bantu bakali kutuula zipaizyo kuzilundu, nkaambo kuciindi eco iŋanda teeyakalina kuyakilwa izina lya-Jehova.
Jehova mbwaakalibonya kuli-Solomoni akumupa busongo
3 #
Dt 6:5; 10:12; Int 31:23; 145:20; Mt 22:37; Mk 12:30; Lk 10:27; Rom 8:28; 1 Kor 8:3; 1 Joh 5:3; 2 Joh 1:6 Nkabela Solomoni wakayandisya Jehova akweenda mumilazyo yaDavida wisi, pele wakacili kutuula zipaizyo akutenta tununkilizyo kuzilundu. 4#1 Mak 16:39Elyo mwami wakainka ku-Gibeoni kuyootuula, nkaambo nkuko nkucakabede cilundu cipati cakupailila, Solomoni wakali kutuula zipaizyo zili cuulu acipaililo eco. 5#1 Bam 9:2; 2 Mak 1:3; My 12:6; Mt 1:20; 2:23; Joh 15:7Lino oko ku-Gibeoni Jehova wakalibonya kuliSolomoni muciloto ciindi camasiku, Nkabela Leza wakati, Kumbila ncenti kupe. 6#2 Mak 1:8Mpawo Solomoni wakaamba kuti, Wafwida taata Davida mulanda wako luzyalo lugambya, mbubonya mbwaakeenda kubusyu bwako calusinizyo acakululama acamoyo uululeme. Lino sunu wamuyungizizya luzyalo olu lupati lwakumupa mwana wakumukalila acuuno cabwami bwakwe. 7#1 Mak 29:1; Muk 10:16; Jer 1:6; My 27:17; Job 32:6-8O Jehova Leza wangu, nduwe wandipa bwami, mebo ndemulanda wako, mucibaka ca-Davida taata, nekuba kuti mebo ncili mwanike buyo, nsizi kuya akuboola. 8#Dt 7:6; Matl 13:16; 15:5Mebo ndemulanda wako mpondi akati kabantu bako mbosalide, musyobo mupati wabantu batakonzyi kweelekwa nikuba kubalwa nkaambo kakuvula. 9#2 Mak 1:10; Int 72:1; Tus 2:3; 16:16; Jak 1:5; Heb 5:14Lino undipe ndemulanda wako moyo wakumvwa, kuti mbeteke kabotu bantu bako akwaandaanya bubotu abubi, nkaambo nguni uukonzya kubeteka bantu bako banji bali boobu?
10Mpawo cakabota mumeso aa-Mwami kuti Solomoni wakakumbila obo. 11#Jak 4:3Nkabela Leza wakamwaambila kuti, Mbubonya mbokumbide obo, akutalikumbilila mazuba manji aakoongola kwako nibuba buvubi nibuba buumi bwabasinkondonyoko, pele mbokumbide maanu aakumvwisya kubeteka kabotu, 12#1 Joh 5:14; 1 Bam 4:29; 5:12; 10:23,24; Tus 3:13-18; 8:1-36; Muk 1:16ndacita mbubonya mboamba. Bona! Ndakupa moyo wabusongo uucenjede. Katakwe uuelene ayebo mumazuba aakamana, alimwi takukooyooba umbi uuelene ayebo mumazuba aaciza. 13#Mt 6:33; Ef 3:20; 1 Bam 4:21,24; 10:23; Tus 3:16; 1 Kor 3:21-23Acalo ncowatakumbila, ndakupa ncico, nkukuti buvubi abulemu. Takukooyooba mwami umbi uuelene ayebo mazuba oonse aabuumi bwako. 14#Int 91:16; Tus 3:2Lino na uende munzila zyangu akubamba imbeta zyangu amilazyo yangu, mbubonya mbuli uso Davida mbwaakeenda, njookupa mazuba manji aakoongola.
15 #
Matl 41:7; Jer 31:26; Matl 31:54; 40:20; 1 Bam 8:65; Es 1:3; Dan 5:1; Mk 6:21 Mpawo Solomoni naakasinsimuka wakajana kuti nciloto. Lino wakaboola ku-Jerusalemu, waima kunembo lyabbokesi lyacizuminano ca-Mwami, watuula zituuzyo azipaizyo zyakutontozya, alimwi wakacitila balanda bakwe boonse ipobwe.
Citoudezyo cabusongo bwa-Solomoni
16 #
Lev 19:29; Dt 23:17; My 27:2 Elyo kwakeza kumwami banakazi basimamambe bobile, bakaima kubusyu bwakwe. 17Nkabela umwi mwanakazi wakati, Akaka mwami! Mebo amwanakazi oyu tulikede muŋanda yomwe, Lino nindakali awe muŋanda ndakatumbuka. 18Nkabela mubuzuba bwatatu bwakutumbuka kwangu, oyu mwanakazi alakwe wakatumbuka. Twakali atulike muŋanda tobile, katakwe mweenzu ngutwakali awe pe. 19Elyo mwanakazi oyu wakafwidwa mwana wakwe masiku, nkaambo wakamulimba. 20Nkabela wakabuka masiku, mebo ndemulanda wako nindakali muŋonzi, wakabba mwanaangu ambali lyangu akumooneka acamba cakwe, alimwi mwanaakwe uufwide wakamooneka alindime. 21Lino nindakabuka cifumo, ndakati nyonsye mwanaangu, ndajana kuti ulifwide. Pele nibwakaca ndakamulangisya, ndajana kuti engwe mwanaangu ngundakazyala pe. 22Pele mwanakazinyina wakakazya, wakati, Ne! Mwana wangu muumi, wako nguufwide. Amwanakazi mutaanzi wakati, Ne! mwana wako nguufwide, mwanaangu nguupona, Mbuboobo mbubakaamba kubusyu bwamwami.
23Mpawo mwami wakati, Umwi ulati, Mwana wangu muumi, wako nguufwide. Amweenzinyina ulati, Ne! mwanaako nguufwide, wangu nguupona. 24Elyo mwami wakati, Amundiletele ipanga, Nkabela ipanga nilyakaletwa kumwami, 25mwami wakati, Amumwaandule mwana muumi akati, mwaabile umwi cipanzi aumwi cipanzi. 26#Matl 43:30; Is 49:15; Jer 31:20; Hos 11:8Mpawo banyina mwana muumi bakaambila mwami, nkaambo moyo wabo wakafwida mwana wabo insoni, wakati, Akaka mwami! Mweenzuma apegwe mwana muumi. Utamujayi pe, Pele mweenzinyina wakati, Takooyooba wangu naba wako, Abamwaandule. 27Lino mwami wakavuwa kuti, Mwana muumi amumupe mwanakazi mutaanzi, mutamujayi pe, nkaambo ncobeni mbebanyina. 28#Ezr 7:25; Muk 7:19; Is 11:3; Dan 1:17; 5:11; Kol 2:2,3Nkabela ba-Israyeli boonse nibakamvwa mwami mbwaakakosola aya makani, bakayoowa mwami, nkaambo bakabona kuti busongo bwa-Leza bulikede mumoyo wakwe, aboobo ulabeteka kabotu.
Currently Selected:
1 Bami 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
