1 Bami 21
21
Ahabu mbwaakanyanzya Naboti muunda wakwe
1 #
Bab 6:33; 1 Sam 29:1 Lino kusule lyamakani aya, Naboti mu-Jezreeli kajisi muunda wamisaansa nkukonya ku-Jezreeli nkwaakakede, kubambene aŋanda ya Ahabu mwami wa-Samariya. 2#Matl 3:6; Kul 20:17; Dt 5:21; Hab 2:9; Lk 12:15; 1 Tim 6:9,10; Jak 1:14,15; 1 Joh 2:16; 1 Sam 8:14Nkabela Ahabu wakaambila Naboti kuti, Kondipa muunda wako, nkacite muunda wazisyu, nkaambo uli kufwaafwi kuŋanda yangu, Njookupa muunda mubotu cakwiinda mucimanga cawo, na kuti koyanda, njookupa mali aamuulo wawo. 3#Lev 25:23; My 36:7; Ezk 46:18Pele Naboti wakavwiila Ahabu kuti, Ne! Cilatonda kumeso aa-Jehova kukupa lukono lwabamatata. 4Mpawo Ahabu wakaya kuŋanda yakwe cakubijilwa abuusu nkaambo kajwi lya-Nabo ti mu-Jezreeli ndyaakamwaambila, lyakuti, Nsikookupa lukono lwabamatata. Wakalala abulo bwakwe bufutete, wakaka kulya insima.
5Lino kwakamusikila jezebeli mukaakwe, wamubuzya kuti, Ino nkaambonzi moyo wako ulibijilidwe? Nkaambonzi nokaka kulya insima? 6Wakamuvwiila kuti, Ndakali kwaambaula a-Naboti mu-Jezreeli, Ndakati, Kondipa muunda wako wamisaansa: nkupe mali, na kuti koyanda ndakupa muunda umbi mucimanga cawo. Pele wakati, Nsikookupa muunda wangu pe. 7#1 Sam 8:14; Jer 6:7; Mik 2:1; 7:3Mpawo Jezebeli mukaakwe wakamwaambila kuti, Sa teensi nduwe ojisi bwami bwa-Israyeli sunu? Buka, ulye insima, moyo wako ukondwe, Mebo ndakupa muunda wa-Naboti mu-Jezreeli.
8Elyo wakalemba magwalo muzina lya-Ahabu, waanamatika acinamatiko cakwe. Ayo magwalo wakaatuma kubaalu akubapati ibakakede kumunzi oyo nguwenya nkwaakakede Naboti. 9Mbuboobo mbwaakalemba mumagwalo. Wakati, Amwiite bantu kukuliimya kulya, alimwi amukazike Naboti mucuuno cabulemu akati kabantu. 10#Dt 13:13; Bab 19:22; 1 Sam 2:12; 2 Sam 20:1; 23:6; 2 Kor 6:15; Kul 22:28; Lev 24:15,16; Inc 6:11; Lev 24:14Lino amubike bantu bobile, bana baSaatani, kuti bakale bulangene awe, bamubike kaambo kakuti, Webo watukila Leza amwami. Elyo baleelede kumutola anze, bamufuse mabwe, mane afwe, 11Nkabela bantu bamunzi wakwe, baalu abapati ibakakede nkuko, bakacita mbubonya mbuli Jezebeli mbwaakabalailila, mbwaakalembede mumagwalo ngaakabatumina. 12#Job 15:34; 34:30; Tus 11:9; 29:12; Is 9:16,17; 32:6,7; 1 Tim 4:2Bakaita bantu kukuliimya kulya, bakazika Naboti mucuuno cabulemu akati kabantu, 13#My 15:36; Jos 7:24; 2 Mak 24:21; Mk 15:20; Inc 7:58,59; Heb 11:37elyo bantu bobile bana baSaatani nibakasika, bakakala awe bulangene, Nkabela abo bana ba-Saatani bakabika Naboti kaambo mumatwi aabantu boonse, bati, Naboti wakatukila Leza amwami. Elyo bakamutola anze amunzi, bamufusa mabwe mane wafwa. 14Lino bakatumina Jezebeli mulazyo wakuti, Naboti wafuswa mabwe, ulifwide.
15Mpawo Jezebeli amvwe buyo mulazyo oyu wakuti, Naboti wafuswa mabwe, ulifwide, ndilyonya jezebeli wakaambila Ahabu kuti, Buka, utole muunda wa-Naboti mu-Jezreeli ngwakakukasya kuula amali, nkaambo Naboti taciponi pe, ulifwide. 16Lino Ahabu amvwe buyo kuti Naboti ulifwide, Ahabu wakanyamuka kuyootola muunda wa-Naboti mu-Jezreeli.
Eliya mbwaakasinsima lufu lwa-Ahabu
17 #
Int 9:12
Lino ijwi lya-Jehova lyakasikila Eliya waku-Tisibe liti, 18#1 Bam 13:32; 2 Mak 22:9Nyamuka, uye kuyoocinga Ahabu mwami wa-Israyeli uuli mu-Samariya. Bona! Nkwali kumuunda wa-Naboti, nkaambo waya nkuko kuutola. 19#Matl 4:9-11; 2 Sam 12:9; 1 Bam 22:38Uleelede kumwaambila kuti, Mbuboobu mbwaamba Jehova. Wajaya na? Wavuba na? Lino uleelede kumwaambila kuti, Mbuboobu mbwaamba Jehova. Nkukonya oko babwa nkubantwakizya bulowa bwa-Naboti, babwa bayoontwakizya bulowa bwako ayebo.
20 #
1 Bam 18:17; Is 29:21; Am 5:10; 2 Bam 17:17; Rom 7:14 Elyo Ahabu wakaambila Eliya kuti, Wandijana na, O sinkondoma? Wakati, Ndakujana, nkaambo kakuti walizanzya kukucita bubi mumeso aa-Jehova. 21#1 Bam 14:10; Dt 32:35; 2 Bam 9:8; Int 94:1-23; 1 Sam 25:22Bona! Ndakuletela mapenzi aakukulobya, Njoonyonyoona muluzubo lwa-Ahabu basankwa boonse, nibaba bazike nibaba balubusi bamu-Israyeli. 22#1 Bam 15:29; 16:3,11Njoocita kuti luzubo lwako lube mbubonya mbuli luzubo lwa-Jeroboamu mwana wa-Nebati, ambuli luzubo lwa-Basa mwana waAhija, nkaambo kakuti wandikalazya, alimwi wacitya ba-Israyeli zibi. 23#2 Bam 9:36; Int 7:16; 9:15,16Alakwe Jezebeli Jehova wakamwaambila kuti, Babwa bayoolya Jezebdi mumuunda waku-Jezreeli. 24#1 Bam 14:11; 16:4Kufumbwa mwana wa-Ahabu uufwa mumunzi, babwa balamulya, ayooyo uufwa musokwe, bayuni bakujulu balamulya.
25 #
1 Bam 16:30,31; 11:1,4; Matl 6:2-5 Katakwe naba omwe mbuli Ahabu iwakalizanzya kukucita bubi mumeso aa-Jehova, mukaakwe Jezebeli ngwaakayungizizya bubi bwakwe. 26#Matl 15:16; 2 Bam 21:11Wakacita milimo iisesemya loko kukutobela mituni, mbubonya mbubakacita baAmori, Jehova mbaakatanda kubusyu bwaba-Israyeli.
Ahabu mbwaakeempwa
27 #
Matl 37:34
Lino Ahabu naakamvwa majwi aya, wakazapaula zyakusama zyakwe, wasama zisani zyamasaka amubili wakwe, waliimya kulya, walala amasaka akuya cabuusu. 28Elyo ijwi lya-Jehova lyakasikila Eliya waku-Tisibe liti, 29Sa tobwene Ahabu mbwaalibombya kubusyu bwangu? Nkaambo kakulibombya kwakwe kubusyu bwangu, nsikooyoosisya mapenzi mumazuba aakwe mwini. Njoosisya mapenzi kuluzubo lwakwe mumazuba aamwanaakwe.
Currently Selected:
1 Bami 21: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
