1 Bami 20
20
Ahabu mbwaakalwisya ba-Aramu
1 #
Matl 14:1,2; 2 Bam 8:7-15; 2 Mak 16:2-4 Lino Benihadadi mwami wa-Aramu wakayobolola basilumamba bakwe boonse. Bami mbaakali abo bakali makumi otatwe ababili, amabbiza, ankalaki, nkabela wakaya kuyoosinkinizya Samariya akubalwisya. 2Wakatuma batumwa kuli-Ahabu mwami wa-Israyeli, mumunzi mwaakakede. 3Wakati, Swiilila mbwaamba Benihadadi. Insiliva yako angolida yako, zyoonse nzizyangu. Banakazi bako abana bako babotu, boonse mbibangu. 4#Dt 28:48Elyo mwami wa-Israyeli wakavuwa kuti, Mbukubede, O mwami simalelaangu. Mebo ndemwini azyoonse nzenjisi nzizyako. 5Pele batumwa bakaboola alwabili, bakati, Swiilila mbwaamba Benihadadi. Ndakakutumina mulazyo wakuti, Insiliva yako angolida yako abanakazi bako abana bako, zyoonse undipe. 6Pele junza mbuli eno njootuma balanda bangu kulinduwe kuti balangaule moonse muŋanda yako amumaanda aabalanda bako, nkabela kufumbwa cintu ciyandika mumeso aako, bayoocitola,
7 #
Kul 3:16; Lev 4:15; 2 Sam 5:3; 1 Bam 8:1 Mpawo mwami wa-Israyeli wakaita baalu bacisi, wakati, Amubone! Mulizi kuti oyu muntu ulapala-pala inkondo. Nkaambo naakanditumina kuti mupe banakazi bangu abana bangu ansiliva yangu angolida yangu, nsikakakide pe. 8Lino baalu boonse abantu boonse bakamwaambila kuti, Utamuswiilili, utamuzuminini pe. 9Mpawo wakaambila batumwa baBenihadadi kuti, Ambila mwami simalelo wanu kuti, Zyoonse nzyowakayandaula kulindime ndemulanda wako aakutaanguna, ndazicita. Pele eci nsicikonzyi pe. Elyo batumwa bakainka, batolela mwami ijwi ndyaakavuwa. 10#1 Bam 19:2; Inc 23:12; Kul 11:8; Bab 4:10Nkabela Benihadadi wakatuma mulazyo wakuti, Baleza bandicitile mbubonya akwiinda, na kuyoosyaala mu-Samariya itombe lizulila inkankamaanza kubantu boonse mbondi abo. 11#Tus 27:1; Muk 7:8Mwami wa-Israyeli wakavuwa kuti, Amumwaambile kuti, Uulyanga-anga buyo zyakulwisya zyakwe atalisumpuli mbubonya mbuli uusamununa kale. 12#1 Bam 16:9; Tus 23:29,32; Muk 10:16Lino Benihadadi wakatambula aya majwi naakali kunywa, walo abami bakwe, muzilao nzibakayakide, nkabela wakaambila balanda bakwe kuti, Amulibambe mumilongo yanu. Elyo bakalibamba mumilongo kuti balwisye munzi.
13 #
Kul 7:15; Int 9:16 Mpawo kwakasika umwi musinsimi, waswena kuli-Ahabu mwami waIsrayeli, wati, Mbuboobu mbwaamba Jehova. Sa tobwene aya makamu mapati? Njooaaba mumaanza aako buzuba obuno, aboobo uyooziba kuti ndime Jehova. 14Nkabela Ahabu wakabuzya kuti, Kumaanza aani? Wakavuwa kuti, Mbuboobu mbwaamba Jehova. Kumaanza aabalanda babami bazisi. Alimwi wakabuzya kuti, Ino nguni uuelede kwiitalika inkondo? Wakati, Nduwe. 15Elyo wakayobolola balanda babami bazisi. Kwakajanwa myanda yobile amakumi otatwe ababili. Lino kusule lyaceeci wakayobolola bantu boonse babana ba-Israyeli, bali zyuulu zili musanu azibili.
16 #
2 Sam 13:28,29; 1 Bam 16:9; Tus 20:1; Hos 4:11; Dan 5:2,30; Ef 5:18 Lino bakanyamuka ciindi cakalangabwaseme, Benihadadi naakacili kunywa cakukolwa muzilao nzibakayakide, walo abami bali makumi otatwe ababili basikumugwasya. 17Mpawo balanda babami bazisi bakataanguna kunyamuka, nkabela Benihadadi naakatuma wakalwiidwa kuti, Bantu mpobali bazwa ku-Samariya. 18#1 Sam 2:3; 11:12; 2 Bam 14:8-12; Tus 16:18; 18:12; Lk 14:11Wakati, Na beza muluumuno, amubajate kabacili baumi. Na beza cakulwana, amubajate kabacili baumi.
19Mbuboobo aba bantu mbubakazwa mumunzi, balanda babami bazisi abasilumamba ibakali kubatobela. 20#Lev 26:8; Int 33:16; Job 40:11Nkabela bakajaya umwi aumwi muntu sikulwana awe, elyo ba-Aramu bakacija, aba-Israyeli bakabatobela. Pele Benihadadi wakaloboka, ulitantide abbiza, abasimabbiza bakwe. 21Lino mwami wa-Israyeli wakainka, waakujata mabbiza ankalaki, akunyonyoona ba-Aramu alunyonyooko lugambya.
22 #
2 Sam 11:1; 2 Mak 36:10 Elyo musinsimi wakaswena kumwami wa-Israyeli, wakati, Koya, ukaliyumye. Cenjela mbocita, nkaambo ulizi kuti mwakali mwami wa-Aramu uyooboola kukulwisya.
Inkondo yabili Ahabu njaakalwana aba-Aramu
23 #
2 Mak 32:13-19; Is 42:8; Jer 16:19-21; Rom 1:21,23 Lino balanda bamwami wa-Aramu bakamwaambila kuti, Leza wabo ngu-Leza wazilundu. Nciceeco ncibakatuzundila. Na twabalwisya mubanda, ncobeni tulabazunda. 24#Job 5:12,13Lino mbuboobu mboelede kucita, Kogwisya bami boonse akubika basilutwe muzimanga zyabo. 25Lino koliyobolweda impi aimwi iielene ayeeyo njowakaswekelwa. Mabbiza abe mbubonya mbuli mabbiza aakutaanguna, azyalo inkalaki zi be mbubonya mbuli inkalaki zyakutaanguna. Lino atubalwisye mubanda, nkabela ncobeni tuyoobazunda. Elyo wakaswiilila majwi aabo akucita mbubonya mbubakaamba,
26 #
Jos 13:4
Lino mwaka mupya niwakasika, Benihadadi wakayobolola ba-Aramu, wanyamuka ku-Afeki kuyoolwisya ba-Israyeli. 27#Bab 6:5Mpawo bana ba-Israyeli nibakabungene akupegwa bulilu bakainka kuyooswanana awe. Nkabela bana ba-Israyeli nibakayaka zilao zyabo zilangene abo, bakali mbuli tutanga tobile twampongo, anukuti ba-Aramu bakali kuzuzya nyika. 28#Kul 20:5; 34:14; Dt 4:24; 32:35,36; Jos 24:19; Int 33:10; 47:8; Is 59:18,19; Nah 1:2Elyo kwakasika muntu wa-Leza, wakaambila mwami wa-Israyeli kuti, Mbuboobu mbwaamba Jehova. Ba-Aramu mbubakaamba kuti, Jehova ngu-Leza wazilundu, tali Leza wamabanda, nkaambo kako njooaba makamu aya aagambya mumaanza aako, mukazibe kuti ndime Jehova. 29Nkabela bakalikede muzilao zyabo zilangene mazuba aali musanu aabili, elyo mubuzuba bwamusanu aabili basilumamba bakatalika kulwana, nkabela bana ba-Israyeli bakanyonyoona akati kaba-Aramu basilumamba basimyeendo bali zyuulu zili mwaanda mubuzuba bomwe. 30Abalo ibakasyeede bakacijila kumunzi uutegwa Afeki. Basike oko, bulambo bwakalimba bantu basyeede bali zyuulu zili makumi obile amusanu azibili.
Alakwe Benihadadi wakacija, wasika kumunzi, wanjila muŋanda yamukati. 31#Matl 37:34Elyo balanda bakwe bakamwaambila kuti, Bona! Tulimvwide kuti bami baluzubo lwa-Israyeli mbasiluzyalo. Atusame zisani zyamasaka muzikungu, angozi kumitwe yesu, tuye kumwami wa-Israyeli. Ambweni inga ulakusiila buumi bwako. 32Lino bakasama zisani zyamasaka muzikungu, angozi kumitwe yabo, akuya kumwami wa-Israyeli. Bakati, Mbuboobu mbwaamba Benihadadi mulanda wako, wati, Ndakumbila kuti nkencipona. Wakabuzya kuti, Sa mukwesu nkwacili? 33Mpawo bantu bakafwambaana kujata ijwi eli lyamukwesu, lyaba citondezyo. Bakati, Ii, mukwanu Benihadadi mpali. Wakati, Kamuya, mukamulete. Lino Benihadadi naakasika kulinguwe, wakamutantika munkalaki mwakabede. 34#1 Bam 15:20; Is 26:10; 28:15Nkabela Benihadadi wakamwaambila kuti, Minzi taata njaakanyanzya uso, ndaipilusya, alimwi uyoolicitila zisambalilo mu-Damasko mbubonya mbuli taata mbwaakalicitila mu-Samariya. Ahabu wakati, Na wazumina obo, ndakuleka. Aboobo wakatangana awe cizuminano, wamuleka.
Musinsimi mbwaakatapatila Ahabu nkaambo kakuleka Benihadadi
35 #
2 Bam 2:3,5,7,15; 1 Bam 13:17,18 Lino umwi muntu wabana babasinsimi wakaambila mweenzinyina mujwi lya-Jehova kuti, Inga wanduuma. Pele mweenzinyina wakakaka kumuuma. 36#1 Bam 13:24Mpawo wakamwaambila kuti, Mbuli mbotaswiilili kulailila kwa-Jehova, bona! Wandisia buyo, mulavu ulakuluma. Nkabela nibakaanzaana, mpawo mulavu wakamujana, wamuluma. 37Elyo wakajana muntu umbi, wamwaambila kuti, Inga wanduuma, Elyo muntu oyo wakamuuma cakumudinkaula. 38Mpawo musinsimi wakanyamuka, waakulindila mwami munzila, alimwi wakalyeenenya kukulyaanzya cisani ameso. 39#2 Sam 12:1; Bab 9:7-20; 2 Sam 14:5-7; 2 Bam 10:24Lino mwami naakainda, wakakwiilila mwami kuti, Mebo ndemulanda wako ndakainka kunkondo, nkabela muntu umwi wakandizida, wandiletela muntu, wati, Umubambe muntu oyu, Na aloboke, buumi bwako buyooba mucimanga cakwe, cita ukabbadele italenta lyansiliva. 40#2 Sam 12:5,6; Job 15:6; Mt 21:41; Lk 19:22Pele mebo ndemulanda wako ndakalipakesye kumwi akumwi, mane lumwi waloboka. Elyo mwami wa-Israyeli wakamwaambila kuti, Makani aako walikosweda omwini. 41Mpawo wakafwambaana kugwisya cisani cakumeso aakwe, nkabela mwami waIsrayeli wakamuziba, wabona kuti nguumwi wabasinsimi. 42#1 Sam 15:9; 1 Bam 22:31-37Lino wakati, Mbuboobu mbwaamba Jehova. Mbuli mbowakaleka muntu iwakeelede kunyonyoonwa, buumi bwako buyooba mucimanga cakwe, abantu bako bayooba mucimanga cabantu bakwe. 43#1 Bam 21:4; 22:8; Es 5:13; 6:12,13; Job 5:2; Tus 19:3Mpawo mwami wa-Israyeli wakaya kulinguwe cakubijilwa abuusu, aboobo wakasika ku-Samariya.
Currently Selected:
1 Bami 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
