1 Ba-Korinto 16
16
Makani aamilumbo yakugwasya bacete
1 #
Rom 15:25-26; Inc 11:29; Gal 2:10; 2 Kor 8:9 Lino aamilumbo yakugwasya basalali, amucite anywebo mbubonya mbundakalailila imbungano zyaku-Galatiya. 2#Inc 20:7Lyoonse abuzuba bwansondo umwi aumwi akati kanu aliyobwede cimwi cintu, mbuli mbwajana coolwe, kuti kutabi milimo yakubunganya zipo ciindi ncenti sike. 3Ndasika buyo, abo mbomuti sale nzoobapa magwalo kuti bakatole milumbo yanu ku-Jerusalemu. 4Nkabela na cileelede kuti nje ambebo, elyo tulaya abo.
Paulo ulayanda kuswaya ku-Korinto
5 #
Inc 19:21
Nzooza kukuswaya kulindinywe ciindi ncinzooinda kuya ku-Makedoniya, nkaambo ndainda kuya ku-Makedoniya, 6#Rom 15:24; Tit 3:12Ambweni nzookala kulindinywe ciindi cilamfu-lamfu, cita kumamanino aamweto, kuti mundisindikizye kulweendo luli buti ndunti tole. 7#Inc 20:2; 18:21Nsiyandi kumubona kuciindi ecino cakwiindilila pe, nkaambo ndasyoma kuti nzookala anywe ciindi cilamfulamfu, na Mwami ulazumina. 8#Lev 23:15-21; Dt 16:9-11; Inc 19:1,10#Inc 19:8-10Ndakala omuno mu-Efese kusikila kuciindi ca-Pentekoste, 9#2 Kor 2:12; Kol 4:3; Ciy 3:8nkaambo ndajalwidwa mulyango mupati wakucita milimo mibotu, alimwi nkubali banji bakazya.
Makani aa-Timoteo, a-Apolo a-Sitefana
10 #
1 Kor 4:17; Flp 2:20 Naasika Timoreo, amusyome kuti akale kabotu anywebo cakutayoowa, nkaambo milimo ya-Mwami ulaicita mbuli ndime ndemwini. 11#1 Tim 4:12Kutabi muntu naba omwe uumusampaula. Pele amumusindikizye caluumuno, kuti akasike kulindime, nkaambo ndamulangila antoomwe abakwesu, 12#1 Kor 1:12; 3:6alakwe mukwesu Apolo, ndakamukumbila loko kuti aze kukumuswaya antoomwe abakwesu bamwi, nekubaboobo takakayanda abuniini kuza kuciindi ecino, pele uleza ajana ciindi cibotu.
13 #
Int 31:24; Ef 6:10 Amulangile, mukakatile mulusyomo. Amube baalumi benibeni, muyume. 14Zyoonse nzimucita zibe muluyando.
15 #
1 Kor 1:16; Rom 16:5 Lino bakwesu, ndijisi cakumukumbila. Mulizi ciinga ca-Sitefana, nkekabalwebalwe kaku-Akaya, alimwi bakalibika kuba balanda babasalali. 16#Flp 2:29Ndayanda kuti mulibombye kubantu bali boobo, kuliboonse bagwasya mukupangika moyo kumilimo.
17Ndakondwa kuti basika ba-Sitefana a-Fortunato a-Akayiko, nkaambo kakuti balo balya malo aanu kulindime. 18#1 Tes 5:12Nkaambo balatontozya moyo wangu mbuli mbubatontozya yanu, Muleelede kulemeka bantu bali boobo.
Injuzyo zyakumamanino
19 #
Inc 18:2,18,26; Rom 16:3,5 Zilamujuzya imbungano zyaku-Asiya. Balamujuzya loko mu-Mwami ba-Akula a-Priska, ayalo imbungano iibungana kuŋanda yabo. 20#Rom 16:16; 2 Kor 13:12; 1 Pet 5:14Balamujuzya babunyina boonse, Amujuzyanye alumyonto lusalala.
21 #
Kol 4:18; 2 Tes 3:17 Ndamujuzya mebo, ndi Paulo, ndalemba ano ajanza lyangu ndemwini. 22#Gal 1:8,9Akuli muntu uutayandi Mwami, atajani coolwe kuli-Leza, Mwami wesu uleza. 23Luzyalo lwa-Mwami Jesu Kristo lube anywebo. 24Luyando lwangu alube anywebo nyoonse muli-Kristo Jesu, Ameni.
Currently Selected:
1 Ba-Korinto 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
