2 Ba-Korinto 1
1
1 #
Inc 18:1; 1 Kor 1:1 Ndime Paulo, nendakasungulwa abukanze bwa-Leza kuba apostolo waJesu Kristo, tuli a-Timoteo mukwesu. Ndamujuzya nywebo nombungano ya-Leza iili mu-Korinto antoomwe abasalali boonse bali mucisi coonse caku-Akaya. 2#Rom 1:7Amube aluzyalo aluumuno kuzwa kwa-Leza Taateesu aku-Mwami Jesu Kristo.
Paulo mbwaakaumbulizigwa a-Leza kuciindi camapenzi
3 #
Rom 15:5; Ef 1:3; 1 Pet 1:3 Alumbwe Leza Wisi wa-Mwami wesu Jesu Kristo, Taateesu siluzyalo, Leza siluumbulizyo loonse. 4Nguwe uutuumbulizya mumapenzi esu oonse, kuti tukakonzye kuumbulizya boonse bapengede kuluumbulizyo olo ndulonya ndutuumbulizizigwa tubeni kuli-Leza, 5#Int 34:19; 94:19Nkaambo mbuli maciswe aa-Kristo mbwaatuvulila, alwalo luumbulizyo lwesu lulavula muliKristo mbubonya, 6#2 Kor 4:15,17Nkabela na tulipengede, nkikaambo kaluumbulizyo lwanu alufutuko lwanu, nanka tuliumbulizizidwe, nkikaambo kaluumbulizyo lwanu lumupa camba cakukakatila mukati kamapenzi ayo ngaonya ngitupengela aswebo. 7Aboobo, lusyomo lwangu lwakulindinywe lulijisi, nkaambo ndizi kuti mbuli mbumwaabilana ambebo maciswe, tulaabilana luumbulizyo alwalo mbubonya.
8 #
1 Kor 15:32; Inc 19:23 Nkaambo nsiyandi kuti mutazibi, bakwesu, aamapenzi esu ngitwakajana mu-Asiya, Twakalemenwa loko, inguzu zyesu zyakati gole, nkabela twakaliswawide nibuba buumi bwesu. 9Ncobeni mumyoyo yesu twakali kuyeeya kuti ncikosolo calufu. Pele akaba boobo, kuti tutalisyomi tubeni, tusyome Leza sikubusya bafu, 10#2 Tim 4:18Walo wakatuvuna kulufu lupati luli boobo, alimwi ucituvuna sunu, nkabela lusyomo lwesu luli kulinguwe kuti uciyootuvuna. 11Anywebo muleelede kutugwasya ankombyo zyanu, kuti bantu banji batulumbile Leza nkaambo kacaabilo caluzyalo ncitwakaabilwa nkaambo kabantu banji.
Paulo ulaamba kuti, Nsili mutamausi pe
12 #
2 Kor 2:17; Heb 13:18; 1 Kor 1:17 Lino cintu ncitukonzya kulilumbaizya nceeci, Manjezeezya esu alatuzuminina kuti ansi ano, nkabela kwiinda zyoonse killindinywe, ziyanza zyesu zyakali zyakusalala azyabwinibwini, teezyakali yabusongo bwabantunsi buyo pe, pele zyaluzyalo lwa-Leza.
13Nkaambo tatumulembeli makani ambi pe, pele ngaonya ngomubala, ngomuzuminina, nkabela ndasyoma kuti mulaazuminina nikuba kusikila kumamanino, 14#2 Kor 5:12; Flp 2:16mbubonya mbumuzuminide ndiswe muziyanza zimwi kuti tuli cililumbaizyo canu (anywebo muli cililumbaizyo cesu), mubuzuba bwa-Mwami wesu Jesu.
Ulapandulula makani aakamukacizya kusika kubaswaya ku-Korinto
15Lino nkaambo kakusyoma obo, kukusaanguna ndakali kukanza kuza kuzoomuswaya kuti mujane zyoolwe zyobile. 16#Inc 19:21; 1 Kor 16:5,6Ndakakanza kwiinda kulindinywe ciindi cakuya ku-Makedoniya, alimwi akumuswaya ciindi cakuboola kuzwa ku-Makedoniya akusindikizigwa andinywe kulweendo lwangu lwakuya ku-Judaya, 17#2 Kor 5:16Mbuboobo mbundakakanza. Lino sa ndi sitamutamu na? Alimwi makanze nginkanza, sa ndaakanza mbuli bantu buyo? Sa ndaamba kuti, Ee, ee, alimwi, Pe, pe? 18Ncobeni mbuli Leza mbwasyomeka, majwi esu aakulindinywe teensi Ee, Pe. 19#Inc 18:5Nkaambo Mwana a-Leza, Jesu Kristo, oyo ngutwakakambauka kulindinywe swebo a-Silvano a-Timoteo, walo kateensi Ee, Pe. Mulinguwe muli ijwi lya-Ee luzutu. 20#Ciy 3:14Nkaambo zisyomezyo zya-Leza zyoonse zili buti, ijwi lya-Ee lyakuzizuzya mulili mulinguwe. Aboobo, mulinguwe mulili alyalo eli ijwi lya-Ameni nditulemekezya Leza. 21#1 Joh 2:27Nkabela oyo uutusimpikizya swebo antoomwe anywebo muli-Kristo akutunanika ngu-Leza, 22#2 Kor 5:5; Rom 8:16; Ef 1:13,14alimwi nguwe uutupa Muuya mbuli cibonesyo acitondezyo mumyoyo yesu.
23 #
2 Kor 11:31; Rom 1:9 Lino ndakwiilila Leza kuti abe kamboni wamuuya wangu wakulungulula kuti kukumufwida insoni nkundatakasika ku-Korinto, 24#1 Pet 5:3Takweensi kwaamba kuti tulaba abwami kulusyomo lwanu pe, pele tulagwasyanya anywebo kuti mube akukondwa, nkaambo muliimvwi nubeni mulusyomo.
Currently Selected:
2 Ba-Korinto 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
