1 Ba-Korinto 11

Banakazi mbubeelede kucita ciindi cahubungana mucikombelo

1 # 1 Kor 4:16; Flp 3:17 Amwiiye ndime, mbubonya mbuli ambebo mbundaiya Kristo, 2Ndamulumbaizya nkaambo kakuti lyoonse mulandiibaluka, alimwi mbuli mbundakamusiila tunsiyansiya, mulajatisya ntuto.

3 # 1 Kor 3:23; Ef 5:23; Matl 3:16 Lino ndayanda kuti mukazibe aya. Mutwe wamwaalumi umwi aumwi ngu-Kristo, awalo mutwe wamwanakazi ngumwaalumi, awalo mutwe waKristo ngu-Leza. 4#1 Kor 12:10; 14:1Mwaalumi umwi aumwi uukomba nanka kusinsima ulivumbide kumutwe ulaubausya mutwe wakwe. 5Anukuti mwanakazi uukomba nanka kusinsima atanoovumbidwe kumutwe ulaubausya mutwe wakwe, nkaambo ncintu comwe akubaanga waumpulwa. 6Kuti mwanakazi wakaka kuvumbwa kumutwe, elyo agelwe. Pele kuti cilatondwa kumwanakazi kugelwa nanka kuumpulwa, mbubo, avumbwe.

7 # Matl 1:26-27; 5:1 Mwaalumi teelede kuvumbwa kumutwe, nkaambo ncikozyano ca-Leza, alimwi mbulemu bwanguwe, pele mwanakazi mbulemu bwamwaalumi. 8#Matl 2:18-23; 1 Tim 2:13Ikuti mwaalumi teewakazwa kumwanakuzi pe, mwanakazi wakazwa kumwaalumi, 9nkabela mwaalumi teewakalengwa nkaambo kamwanakazi, mwanakazi nguwakalengwa nkaambo kamwaalumi, 10#Matl 6:2Nkaambo kaako mwanakazi uleelede kuba acitondezyo cakulibombya kumutwe wakwe nkaambo kabaangelo. 11Ncobeni mu-Mwami mwanakazi taponi cita antoomwe amwaalumi, alakwe mwaalumi taponi cita antoomwe amwanakazi. 12Nkaambo mbuli mwanakazi mbwaakazwa kumwaalumi, alakwe mwaalumi ulazwa kumwanakazi, azyalo zilengwa zyoense zilazwa kwa-Leza, 13Lino amubeteke nubeni aya makani, Sa ncibotu kuti mwanakazi akombele Leza atanoovumbidwe kumutwe? 14Sa moyo wini tuuiisyi kuti mwaalumi anoojisi masusu malamfu, nkusampuka kwakwe. 15Pele mwanakazi anoojisi masusu malamfu, mbulemu bwakwe, nkaambo masusu aakwe waapegwa kuti cibe civumbyo. 16Kuti kuli muntu uuyanda kukazya aya, ndaamba kuti tatujisi ciyanza cimbi, swebo niziba imbungano zya-Leza.

Makani aamulalilo wa-Afwami

17Lino kumakani aya nginti mulailile nsikonzyi kumulumbaizya pe, nkaambo kubungana kwanu takweensi kwakubosya pe, kulabisya buyo. 18#1 Kor 1:10-12; 3:3Kukusaanguna ndamvwa kuti ciindi ncimuyoboloka mumbungano muli mipampo mipampo akati kanu, nkabela ndayeeya buniini kuti mbukubede. 19#1 Joh 2:19; Dt 13:3Kuleelede kuti kube inkamu zyansininsini akati kanu, kuti basunke banu baboneke mbubabede, 20Lino ciindi ncimubungana antoomwe, taceensi cakulya Mulalilo wa-Mwami pe, 21nkaambo mukulya kwanu umwi ulatyompokezya mweenzinyina kukulya mulalilo wakwe mwini, nkabela umwi ulafwa inzala anukuti umwi ulakolwa, 22#Jak 2:5,6Ma! sa tamujisi maanda aakulida akunywida mumo? Sa mulayanda kusampaula imbungano ya-Leza akuusya bweeme bacete? Nkamwaambile buti? Sa ndakonzya kumulumbaizya kumakani aya? Nsikonzyi pe.

23 # Mt 26:26-28; Mk 14:22-24; Lk 22:19,20 Nkaambo mebo ndakatambula ku-Mwami ayo makani ngindakamusiila, kuti Mwami Jesu, kumasiku ayo ngaonya ngaakaabwa, wakabweza mukamu, 24elyo naakamana kulumba, wakuukomona, wakati, Oyu ngumubili wangu ngumukomwedwa; kamucita obo kuti cibe ciibalusyo candime. 25#Kul 24:6-8; Jer 31:31-34; Zek 9:11Mbubonya obo, mulalilo umane buyo, wakabweza cinywido, wati, Eci cinywido ngumulongo mupya uuli mubulowa bwangu, kamucita obo, ciindi kufumbwa ncimunywa, kuti cibe ciibalusyo candime. 26#Mt 26:29Ikuti ciindi coonse kufumbwa ncimulya mukamu oyu akunywa cinywido eci munooyootondezya lufu lwa-Mwami mane do akasike, 27#Heb 6:6; 10:29Nkaambo kaako, umwi aumwi uulya mukamu oyu, nikuba kunywa mucinywido eci, cakutaelela, ulijisi mulandu kumubili akubulowa bwa-Mwami. 28#Mt 26:22; 2 Kor 13:5Pele muntu asaangune kulilingula, elyo nati lye mukamu akunywida mucinywido. 29Nkaambo oyo uulya akunywa, na tatweluki Mubili wa-Mwami, ulalya akunywa cakulibeteka. 30#1 Kor 15:20; Ef 5:14; 1 Tes 5:6Nkikaako nkibalengaukila banji akati kanu, abamwi baciswa, nkabela bamwi bafwa. 31Nitwali kulibeteka tubeni, nitwatali kubetekwa. 32#Heb 12:5,6Pele lino tuli mukubetekwa, tuli mukutambisigwa ku-Mwami, kuti tutapegwi mulandu antoomwe abahedeni.

33Mbubo, bakwesu, ciindi ncimubungana kukulya, amulindane, 34nkabela na kuli umwi muntu uufwa inzala, alye muŋanda yakwe, kuti kubungana kwanu kutabi cakumuletela mulandu. Makani amwi ndamulailila, ndasika.

Currently Selected:

1 Ba-Korinto 11: Ibbaib63

Highlight

Copy