1 Ba-Korinto 10
10
Tatweelede kusunka Leza mbubakacita bana-Israyeli
1 #
Kul 13:21-22; 14:22-29 Lino bakwesu ndayanda kuti mutalubi aya, Bamawiseesu boonse bakali kunsi lyakumbi, alimwi boonse bakainda akati kalwizi. 2Boonse bakabapatizizigwa Musa mukumbi amulwizi. 3#Kul 16:4,35; Dt 8:3Boonse bakalya cilyo comwe camuuya. 4#Kul 17:6; My 20:11Boonse bakanywa cakunywida comwe camuuya, nkaambo bakali kunywa kumwala oyo wamuuya wakabasindikila. Mwala oyo kali Kristo. 5#My 14:16,23,29-30Nekubaboobo banji akati kabo, Leza teewakabakondelwa pe, bakagwisigwa munkanda.
6 #
My 11:4,34 Lino aya makani atubeda incenjezyo, kuti tutabi mukususa zintu zibi mbubakasusa balo, 7#Kul 32:6Mutabi basikukomba mituni mbuli bamwi akati kabaabo, mbuli mbukulembedwe kuti, Bantu bakakala kuti balye akunywa, elyo bakabukila kusobana, 8#My 25:1-18Alimwi tutaciti bwaamu mbubakacita balo, lino kwakawa mubuzuba bomwe bantu bali zyuulu zili makumi obile azitatu akati kabo. 9#My 21:5-6Alimwi tutasunki Jehova mbubakamusunka bamwi babaabo, elyo bakalumwa kubazoka. 10#My 16:41-49; 14:2,36; Heb 3:11,17Alimwi mutatongauki mbuli mbubakatongauka bamwi babaabo, bakanyonyoonwa kuli-Sikunyonyoona. 11#1 Pet 4:7Aya makani oonse akaba kulimbabo mbuli incenjezyo, akalembwa kuti acenjezye ndiswe nitusikilwa kumamanino aaciindi. 12Nkaambo kaako oyo uuyeeya kuti ndiimvwi kabotu acenjele kuti atawi. 13Taakwe lutepauzyo lumusikila cita mbuli matepauzyo ngibajana bantu lyoonse, alimwi Leza wasyomeka, ikuti takoozoozumina kuti mutepaulwe kwiinda inguzu zyanu, pele antoomwe alutepauzyo ulacita cipolelo, kuti mukabe alukolelo.
Makani aakukomba mituni
14 #
1 Joh 5:21
Mbubo, nobayandwi bangu, amucije kukomba mituni. 15Ndaambila mbuli basongo. Amukosole nubeni makani ngindaamba. 16#Mt 26:26-28; Mk 14:22-24; Lk 22:19-20; Inc 2:42Sa kanywido kakulumba nkotulumba takeensi kaluswanaano lwabulowa bwa-Kristo Awalo mukamu nguutukomona sa taweensi waluswanaano lwamubili waKristo? 17#1 Kor 12:27; Rom 12:5Nkaambo tuli mukamu omwe, tuli mubili omwe, nituli banjibanji, ikuti toonse tulaabilwa kumukamu omwe. 18#Lev 7:6,15Amulange ziyanza zyaba-Israyeli. Sa abo balya nyama iipaizigwa tabeensi basiluswaano bakucipaililo? 19#1 Kor 8:4Lino nkutyeni ncindaamba? Sa zintu zipaizizigwa mituni zilijisi makani, nanka mituni ini sa ilijisi makani? 20#Dt 32:17; Lev 17:7; Int 106:37; Ciy 9:20Pe, ngindaamba ngaaya, Zintu ezyo nzibapaizya bahedeni, nkubadaimona nkubazipaizizya, takweensi kuli-Leza pe, Pele nsiyandi kuti mube basiluswaano babadaimona, 21#2 Kor 6:15,16; Mal 1:7,12Tamukonzyi kunywida cinywido ca-Mwami antoomwe acinywido cabadaimona. Alimwi, tamukonzyi kwaabilwa kuntafule ya-Mwami akuntafule yabadaimona abalo. 22#Dt 32:21We! Sa tulamufwisya ibbivwe Mwami? Sa tuli anguzu kwiinda nguwe?
23 #
1 Kor 6:12
Zintu zyoonse zilazuminika, pele teensi zintu zyoonse zigwasya. Zintu zyoonse zilazuminika, pele teensi zyoonse ziyasya. 24#Rom 15:2Muntu teelede kuyandaula kuligwasya mwini buyo. Umwi aumwi uleelede kuyandaula kugwasya mweenzinyina. 25#1 Kor 14:2-10,22Zilyo zyoonse zyuulwa mumakwebo aacisambalilo amuzilye, mutadooneki nkaambo kamanjezeezya aanu pe. 26#Int 24:1Nkaambo nyika yoonse nia-Jehova, azintu zyoonse zilimo.
27 #
Lk 10:8
Kuti umwi muntu wabaabo batali bazumini amutamba kukulya awe, nkabela mwayanda kuya, kamulya zyoonse zili buti nzimweengezezegwa, mutadooneki nkaambo kamanjezeezya aanu pe. 28#1 Kor 8:7Pele kuti umwi wamwaambila kuti, Eyi nyama njacipaizyo camituni, elyo mutalyi pe, nkaambo kayooyo wamulwiida akaambo kamanjezeezya. 29Pele manjezeezya, teensi kwaamba kuti ngaako omwini pe, nkukuti manjezeezya aayooyo mweenzinyoko. Ikuti bulubusi bwangu bubetekelwenzi kumanjezeezya aamuntu umbi? 30#1 Tim 4:4Mebo nindalya cakulumba, ino nkaambonzi nintongaukilwa kulya zilyo ezyo nzindumbide?
Milimo yesu yoonse ileelede kuletela Leza bulemu
31 #
Kol 3:17
Nkaambo kaako, kufumbwa zintu nzimucita, nikuba kulya nikuba kunywa niciba cintu cimwi, amuzicite zyoonse cakuti kube bulemu kwaLeza. 32#Rom 14:13Mutabiki zilebyo munzila yabantu, nibaba ba-Juda nibaba bamasi niiba imbungano ya-Leza. 33#1 Kor 9:20-22Mbubonya obo ambebo ndabosezya bantu boonse muziyanza zyoonse. Nsiyandauli kuligwasya ndemwini buyo pe, ndayandaula kugwasya beenzuma banji, kuti bafutuke.
Currently Selected:
1 Ba-Korinto 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
