1 Ba-Korinto 9
9
Paulo mbwaakaliimya nikuba kuzintu zibota kukugwasya milimo ya-Leza
1 #
1 Kor 15:8; Inc 26:16; 22:17 Sa nsili mulubusi na? Sa nsili apostolo na? Sa nsibwene Jesu Mwami wesu na? Sa milimo yangu yamu-Mwami teensi ndinywe na? 2#2 Kor 3:2,3Ambweni kulibamwi nsili apostolo, pele kulindinywe ndi apostolo ncobeni, nkaambo cibonesyo cabuapostolo bwangu camu-Mwami ndinywe. 3Lino majwi ngindivwiila abo bandilingula ngaaya, 4#Lk 10:8Sa tatujisi ceelelo cakulya akunywa na? 5#Joh 1:42Sa tatujisi ceelelo cakweenda amukazi sibunyina, mbuli mbubacita baapostolo bamwi, abakwabo Mwami, a-Kefa, 6Mebo a-Bamaba, sa ndiswe tobile luzutu nitutajisi ceelelo cakupona cakutabeleka? 7Sa kuli silumamba naba omwe uuligwasya bulilu bwakwe mwini? Sa kuli muntu uuzikila muunda wamasaansa, nekubaboobo talyi micelo yawo? Sa kuli mweembeli uutanywi mukupa wabutanga mbwaembela? 8Sa aya majwi ngindaamba ngamuntu buyo? Sa Mulao awalo tuuambi mbubonya? 9#Dt 25:4; 1 Tim 5:18Nkaambo kulilembedwe mu-Mulao wa-Musa kuti, Utamwaangi kumulomo musune uulyataula maila, Lino sa Leza ulayeeya ŋombe buyo? 10#2 Tim 2:6Na sa nkaambo kandiswe ncaambila boobo? Ncobeni kulilembedwe nkaambo kandiswe, nkaambo sikulima uleelede kulima cabulangizi, alakwe sikusokola maila uleelede kuba abulangizi obo mbubonya, 11#Rom 15:27Swebo mbutwamubyalila zintu zyamuuya, sa takweelede kuti tutebule kulindinywe zintu zyamubili? 12#Inc 20:34,35; 1 Kor 13:7; 2 Kor 11:9Kuti bantu bamwi bakaabilwa ceelelo eci, sa swebo tatweelede kubainda kwaabilwa nciconya? Nekubaboobo teetwakabelesya eco ceelelo, nkaambo kakuti tulakolela mapenzi oonse kuti tutaciti lucelezyo ku-Makani Mabotu aa-Kristo. 13#Dt 18:1-3; My 18:8,31Sa tamuzi kuti abo bacita milimo yantempele balalya zilyo zyakuntempele, abalo bakutauka kucipaililo balaabilwa nyama yazipaizyo? 14#Mt 10:10; Lk 10:7; Gal 6:6Mbubonya obo, Leza wakalailila kuti abo bakambauka Makani Mabotu baleelede kuponena Makani Mabotu.
15 #
Inc 18:3
Pele mebo nsibelesezye zintu ezi nzinjeelede, noliba sunu nsilembi makani aya kuti zibe zyangu, pe, Nkaambo kulindime ncibotu kufwa kwiinda kuti muntu andisampwide oku kulikankaizya, 16#Jer 20:9Nkaambo teensi kukambauka Makani Mabotu nkundikankaizizya pe, Nkaambo milimo eyo nsikonzyi kwiikaka. Maawe kulindime nintakambauka Makani Mabotu. 17#1 Kor 4:1Na ndakambauka ndemwini camoyo, ndijisi bulumbu, Pele kuti eyi milimo njakusinikizigwa, ndi mubanzi buyo uucita mbaasyomenwa. 18#1 Kor 8:9Lino mbulumbunzi mbunjisi? Mbubwakuti nkakambauke Makani Mabotu cakutavola mali, akutabelesya zintu ezyo nzinjelede mumilimo ya-Makani Mabotu, 19#Mt 20:26,27Nindi mulubusi kubantu boonse, ndalicita muzike wabo boonse, kuti nkavube banji mbuli mbunkonzya. 20#Inc 16:3; 21:20-26Kuba-Juda ndibede mbuli mu-Juda, kuti nkavube ba-Juda, Kulibaabo bali kunsi ku-Mulao ndibede mbubabede, nintali kunsi ku-Mulao ndemwini, kuti nkabavube abo bali kunsi ku-Mulao. 21#Gal 2:3Kulibaabo bali anze ku-Mulao ndibede mbubabede (nintali anze ku-Mulao wa-Leza, ndi kunsi ku-Mulao wa-Kristo), kuti nkabavube abo bali anze ku-Mulao. 22#2 Kor 11:29; Rom 11:14Kulibakompeme ndibede mbuli mukompesi ndemwini, kuti nkabavube bakompeme. Kubantu boonse bali buti ndibede mbubabede balo, kuti nkasinizye kufutula bamwi. 23Nkabela zyoonse nzincita, nkaambo ka-Makani Mabotu nkinzicitila, kuti nkabe mwaabilanwa abo mulingao.
Buumi bwabuna-Kristo buli mbuli kubejelana
24 #
2 Tim 4:7; Flp 3:14 Sa tamuzi kuti abo babejelana kuzuza, balazuza boonse, pele uujana imbeji ngumwi buyo? Amuzuze inywe kuti mukajane bulumbu. 25#2 Tim 2:4,5; 4:8; 1 Pet 5:4; Jak 1:12Lino umwi aumwi uulwa muzisobano ulalikasya muziyanza zyoonse. Pele balo balacita obo kuti batambule musini uununsauka, anukuti swebo musini ngututi tambule tuununsauki pe. 26Nkaambo kaako mebo ndazuza boobo, nsizuzi cakulengaana pe. Ndadinka mbubonya, nsiumi muuwo buyo pe. 27#Rom 8:13; 13:14Ndaumisya loko mubili wangu, ube muzike wangu, kutabi kuti, ndamana kukambaukila bamwi, ime ndemwini ndaba musowe.
Currently Selected:
1 Ba-Korinto 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
