GÉNESIS 45

José oyekuaauka tɨkeɨ reta pe

1Jare José mbaetɨ ma ipuere oyembopɨaguasu opaete jae ndive ñogüɨnoi vae reta jóvai, jare osapúkai: “¡Pemoë opaete vae cheróvai güi!” Jare mbaetɨ etei jembiokuai reta ñogüɨnoi jae ndive yave, oyekuaauka tɨkeɨ reta pe.#Hch 7.13.

2Täta jäse oyaeo; jare jókuae oyandu Egiptoɨgua reta, jare oyeendu vi mburuvicha guasu Faraón oïa pe. 3Jare José jei tɨkeɨ reta pe:

—Che ko José. ¿Oikove vɨteri pa cheru?

Jare tɨkeɨ reta mbaetɨ ipuere iñee omoë, echa ipɨakañɨ yae reta oecha yave tɨvɨ. 4Jayave José jei tɨkeɨ reta pe:

—Peeya añave cheré.

Jayave jae reta oya katu jese yave, jae jei chupe reta:

—Perɨvɨ José ko che, pe reta pemee Egipto kotɨ yogüeru vae reta pe vae; 5jare añave agüɨye peyembopɨatɨtɨ jare agüɨye peyemboeko chemee vae re; echa Tumpa etei ko chembou perenonde aroasayepe vaerä tekove reta. 6Echa mókoi año rupi ma oï karuai opaete ɨvɨ pe, jare oataño vɨteri pandepo año oime vaerä karuai, mbaetɨta maetɨ jare mbaarɨvo. 7Tumpa ko chembou perenonde, peñemuña reta oikove vaerä ɨvɨ iárambo, jare pogüɨroasa vaerä mɨakañɨ tuicha vae rupi. 8Jayave mbaetɨ ko pe reta chembou kuae kotɨ, Tumpa etei ko chembou jare cheñono Faraón imborɨarä, jo pegua reta iyarä, jare opaete kuae ɨvɨ Egipto juvicharä. 9Añave pekua jarembae pegua, pekua cheru oïa pe jare pere chupe: “Körai jei nderaɨ José: Tumpa cheñono opaete Egipto iyarä; eyu chekotɨ jarembae, agüɨye epɨta joko pe. 10Reikota ɨvɨ Gosén jee vae pe, jökorai reikota köiño chegüi nde jare nderaɨ reta, jare nerɨmɨmino reta, jare opaete nderɨmba reta jare ïru ndembaembae. 11Jare joko pe ameeta nderembiurä, echa oime vɨteri pandepo año#Hch 7.14. rupi karuaita vae, agüɨye vaerä pemano mbaravete jeko pegua, nde jare ndero pegua reta jare opaete mbaembae renoi vae.” 12Mase, peresa chereecha oï, jare cherɨvɨ Benjamín vi chereecha che ko chemiari aï peve vae. 13Peikuaauka cheru pe opaete mbaemboete kuae ɨvɨ Egipto pe anoi vae, jare opaete peechagüe. ¡Pekua peru jarembaeño cheru kuae kotɨ!

14José oiküava tɨvɨ Benjamín iyayu rupi, jare oyaeo. Benjamín oyaeo vi oiküava reve tɨkeɨ. 15Oovapɨte vi opaete tɨkeɨ reta oyaeo reve. Jayave ramo tɨkeɨ reta imiari jae ndive.

16Jare jërakua Faraón jo pe, José tɨkeɨ reta yogüeru oväe vae regua. Faraón oyerovia yae jare iyɨvɨrigua reta. 17Jare Faraón jei José pe:

—Ere nderɨkeɨ reta pe tombovoɨta jɨmba reta jare toyerova reta ye Canaán kotɨ, 18jare togüeru reta peru jare opaete jëtara reta chépɨri, echa che ameeta chupe reta Egipto pegua ɨvɨ ikavigüe, jare okaru retata mbaagüɨye kuae ɨvɨ pe oñemee vae güi. 19Jare nde eyókuai kuae Egipto güi togüɨraja reta käretou güeru reta vaerä pɨpe ikuña reta jare imichia reta, jare peru. 20Agüɨye toaɨu toeya mbaembae güɨnoi vae, echa Egipto pegua mbaembae imbae ko.

21Jare Israel taɨ reta oyapo jökorai. José omee chupe reta käretou Faraón oyókuai rami, jare omee chupe reta tembíu tape rupi jou reta vaerä. 22Omee vi chupe reta temimonde, ërei Benjamín pe omee tresciento reare korepoti pegua jare pandepo temimonde oyemonde vaerä. 23Jare tu pe omondo payandepo mburika kuimbae ivoɨta ndive, mbae ikavi yae Egipto pe vae ndive, jare payandepo vi mburika kuña trigo voɨta ndive jare tembíu, tu jou vaerä tape rupi. 24Omboyupavo jare omondo tɨkeɨ reta, jare jei chupe reta:

—Agüɨye pekua peñoraro tape rupi.

Jare jae reta yogüɨraja. 25Yogüɨraja Egipto güi, jare opa yogüɨraja oväe Canaán pe, tu Jacob pɨri. 26Omombeu reta tu pe José oikoveño vae, jare jae ko mburuvicharä oï opaete ɨvɨ Egipto pe vae. Jare Jacob ipɨa kërai oyapo, echa mbaetɨ güɨrovia jei reta chupe vae. 27Jare jae reta omombeu opaete José jeigüe jare Jacob oecha José ombou käretou chupe güɨraja vaerä vae yave, ipɨa yerovia ye. 28Jayave Jacob jei: “¡Aikuaa ma cheraɨ José oikoveño vae! Taja taecha ndei amano mbove.”

Currently Selected:

GÉNESIS 45: GUABD

Highlight

Copy